Thursday, January 7, 2010

අන්තිම කැමැත්ත සහ මිනීමැරුම . . . !





එලිනෝර් කාලයිල් මෝෆීන් විස මුසු සැන්විච් කෑමට දී මේරි ජෙරාඩ්ව මැරුවාද . . .?

එලිනෝර් කාලයිල් නමට ලැබුනු නිර්නාමික ලිපිය එව්වේ කවුද . . . . ? එහි ලියා තිබුනේ මොනවාද . . ?

අංශබාගය රෝගය වැලඳී නැගිට ගැනීමට නොහැකිව සිටි ලෝරා වෙල්මන් මහත්මිය අන්තිම කැමැත්ත ලිවීම සඳහා නීතිඥයා කැඳවා තිබියදී ඊට පෙර දින මිය ගියේ සාමන්‍ය ලෙසද . . .?? මෝෆීන් ශරීර ගත වීමෙන්ද . . ??

හොප්කින්ස් හෙදියගේ අත්බෑගයේ තිබූ මෝෆීන් අඩංගු ටියුබය සොරා ගත්තේ කවුරුන් විසින්ද . . ?

අන්තිම කැමැති පත්‍රයක් නොලියා ලෝරා වෙල්මන් මහත්මිය මියගියහොත් ඇගේ විශාල බූදලයට එකම හිමිකාරිය තමා බව දන්නා එලිනෝර් කාලයිල් ඇගේ නැන්දනියට මරණාය හිමිකර දුන්නාද. . . ?

මේරි ජෙරාඩ් ජර්මනියේදී ලැබූ ඉහල ඉගෙනුම හේතුවෙන් ඈ තමා පිටුදකිනාවායැයි සිතූ ටෙඩ් බිග්ලන්ඩ් විසින් මේරි ජෙරාඩ්ව මරණයට පත්කලාද. . . ?

සැන්විච් වලට මෝෆීන් වස එක් කල මිනී මරුවාගේ ඉලක්කය මේරි ජෙරාඩ්ද . . . ? එලිනෝර් කාලයිල්ද . . ?

තමා සමඟ විවාහ ගිවිසගෙන සිටි තමා උමතුවෙන් මෙන් ප්‍රේම කරන රොඩ්‍රික් වෙල්මන්, මේරි ජෙරාඩ් කෙරෙහි උමතු ලෙස ප්‍රේමයෙන් බැදුනු බව දුටු එලිනෝර් කාලයිල් මේරි ජෙරාඩ්ව ඉවරයක් කිරීමට සිතුවාද. . . ?

හොප්කින්ස් හෙදිය භාජන සෝදද්දී මුහුන රෝස පැහැ වූයේ මුරගේ අසල ඇති රෝස ගහේ කටුවත් අතේ ඇනුනු බැවින්ද . . ?

රොඩ්‍රික් වෙල්මන් කිසිවෙකු නොමැති අවස්ථාවේ ලෝරා නැන්දාගේ කාමරයට රිංගුවේ ඇයි . . .?

මේරි ජෙරාඩ්ගේ මරණය දා හන්ටර්බරි නිවස අසල නවතා තිබූ කාරය දොස්තර පීටර් ලෝඩ් ගේ එකමද . . ?

බිෂොප් මහත්මියගේ මේරි ජෙරාඩ් කෙරෙහි ඇති අකමැත්තත් ඇගේ මරණයත් අතර යම් කිසි සම්බන්ධතාවයක් ඇත්ද . . . ???

නිර්නාමික ලිපිය ලීවේ ඕබ්‍රියන් හෙදියද . . ?

යලි ගොඩ ගන්න නියම කල ලෝරා වෙල්මන් මහත්මියගේ මිනියේ මෝෆීන් අඩංගු බව රජයේ රසපරීක්ෂක සොයා ගනීද . . . ?

ඇගේ මරනයට හේතුව මෝෆීන් බව දොස්තර පීටර් ලෝඩ් දැන සිටියාද . . ?

රහස් පරීක්ෂක හර්කියුල් පයිරට්ට මේ අභිරහස විසදීමට හැකිවෙයිද . . . ?

. . . .. . . .. . . .. .

මේ සියළුම ප්‍රශ්න වලට විසඳුම් අවශ්‍යනම් ඔබට අගතා ක්‍රිස්ටි ලියූ "Sad Cypress" පොත හෝ පූජිත කරුනාරත්න විසින් පරිවර්ථනය කල "අන්තිම කැමැත්ත" පොත බලන්නම වෙනවා . . . .

ෂර්ලොක් හෝම්ස් රහස්පරීක්ෂක කතා වලට වහවැටී සිටි මට මේ පොත ෂර්ලොක් හෝම්ස්ගේ කතා තරම්ම රසවත් බව වැටහුනේ මේ දිනවල තිබූ කාර්‍‍යබහුලත්වයත් අමතක කොට මුලින් රාත්‍රී ආහාරය සමඟ අනුපාන වශයෙන් කියවා පසුව එක හුස්මට කියවා අවසන් කල පසුවයි . . .

නිවාඩුව නිමාවී එන හැම වාරයකම මට මගේ "ටේස්ට් එකට" හරියන වර්ගයේ පොතක් තෑගි කරන දයාබර ලළන්ත මල්ලීට ස්තූති වෙන්න මේ අගනා පොත මට දැනට සති තුනකට පමන පෙර ලැබුනා වුවත් කියවා අවසන් වූයේ පෙරේදා රාත්‍රියේයි . . .

ඉතිං මෙපමන අගනා පොතක් ගැන ඔබ සමඟ බෙදා හදා ගන්න තවත් පමා වෙන්නේ ඇයි කියා සිතූ මා වැඩ රාජකාරී මැද මේ පෝස්ට් එක නිමා කලා . . . .

14 comments:

  1. එහෙනම් අරන් බලමු අපිත්........

    ReplyDelete
  2. මොනවද කියන්නේ...!!! අගතා ක්‍රිස්ටි කියවනවා කියලා අපේ මනුස්සයාගෙන් බැණුම් අහ අහා උනත් හැමදාම ජාත්‍යන්තර පොත් ප්‍රදර්ශනයෙන් එකතු කර ගත්ත පොත් ටිකත්, ඉස්සර වෑන් එකේ ගෙදර යන දවස් වල මැකලම් ස්ට්‍රීට් පොත් කඩවලින් ගත්ත පොත් ටිකත්, අහම්බෙන් ඔය මොකක් හරි දේකට පිට රට යන්න වුණහම එහේ පොත් කඩ වලින් ගත්ත පොත් ටිකත් තමා අදටත් මගේ නිධානය! අගතා ක්‍රිස්ටිගේ පොත් නිකම්ම රහස් පරීක්ෂක කතා නෙමෙයි...ඒවා අපේ සිතීමේ ශක්තිය සෑහෙන්න දියුණු කරනවා..විශේෂයෙන් ම අපේ හිත් වැඩ කරන හැටි සහ සරල මනෝ විද්‍යාව ගැන හොඳ අවබෝධයක් මට නම් ඒවායින් ලැබුණා...තරමක රහස් පරීක්ෂක දැනුමකුත් ලැබුණා කිව්වොත් නිවැරදියි..(මගේ සහජ ගෑනු ඉව තියුණු උනා.)..මේ කතාව වගේ ම රසවත් කතා ගොඩක් තව තියෙනවා අගතා ක්‍රිස්ටිගේ..ඉඩ ලැබෙන හැටියට කියවන්න...හැබයි පරිවර්තන නෙමෙයි ඒවායේ මුල් ඉංගිරිසි පිටපත් කියවන එකයි මම නම් නිර්දේශ කරන්නේ..මොකද ඒ සමහර ඒවා පරිවර්තනය උනහම නිවැරදි රසය දෙන්නෙ නැහැ.
    ෂර්ලොක් හෝම්ස් කතා ගැනත් කියන්න තියෙන්නේ ඒකම තමයි...

    ReplyDelete
  3. මම මේ පොත ගැන දැනන් හිටියේ නෑ දුකා. නමුත් මම නදී තෙර කුමරිය නමින් ලියූ අගතා ක්‍රිස්ටි ගේ පරිවර්තනයක් ඉස්සර කියෙව්වා මතකයි. පරිවර්තකයාගේ නම මට මතක නැතත් ඒ කතාව නිසා මම තව තවත් කියවන්නට නැඹුරු උනා කිව්වොත් හරි.
    සචී අක්කා කිව්ව කතාව හරියට ම හරි අගතා ක්‍රිස්ටිගේ හා ෂර්ලොක් හෝම්ස් කතාවලත් නිවැරදි ඉංග්‍රීසි පිටපත හොයා ගන්න පුලුවන්නං හරිම අගෙයි. අවාසනාවට මා ගාව තියෙන්නේ අපේ චන්දන මෙන්ඩිස් මහත්මයා විසින් පර්වර්තනය කරන ලද හෝම්ස් පොත්.

    ReplyDelete
  4. පොත් කිහිපයක් කරුණාතිලක මහත්තයා පරිවර්තනය කරල තියෙනවා.. කියවලා නෑ.. එල පුළුවන් නම් පොත්ගුලටත් දාපං.. පට්‍ට..

    ReplyDelete
  5. කට්ටියට සිංහල පොත ඔනා නම් සල්ලි දිලා ගන්න. නැත්තම් මෙන්න පොත.හැබැයි ඉංග්‍රිසියෙන්

    රහස් පදය
    gigle.ws


    මෙන්න
    http://xinio.info/?http://ifile.it/05a8ci7/0007120710.rar

    ReplyDelete
  6. හ්ම්ම්.. අගතා ක්‍රිස්ට් ගොඩක් ප්‍රසිද්ධ ලේකිකාවක්නෙ.. හොඳ ඇති අනිවා... කියවන්න ඕන..

    ReplyDelete
  7. මම කියවලා නැහැනේ අගතා ගේ පොත්..! නොකියවපු පොත් සෙට් එකක්ම තියනවා.. බලමු ‍ඊළග මිලදී ගැන්මෙදි හොයා ගන්න පුළුවන් වෙයිද කියලාවත් :(

    ReplyDelete
  8. දුකෝ, ඕක කියවන්න ඕනේ, හොදයි වගේ පේනවා...

    ඒත් මම නවකතා පොත් සල්ලි වලට අරන් කියවන්නේ නෑ.. පුස්තකාලයක පිහිට තමයි..
    (මම ඒ සල්ලි වල, ලියන්න පොත් ගන්න සල්ලි නැති පොඩි උන්ට අභ්‍යාස පොත් අරන් දෙනවා) ඒත්, මම කොහෙන් හරි පොත් කියවනවා.. ඒ පොත මටම අයිති කර ගන්න තන්හාවක් එන්නේ සමහර positive thinking පොත් වලටයි, සමහර academic පොත් වලටයි විතරයි.. (ඒකත් අත්‍යාවශ්‍ය නම් විතරයි)..

    ReplyDelete
  9. රොඩ්‍රික් වෙල්මන් කිසිවෙකු නොමැති අවස්ථාවේ ලෝරා නැන්දාගේ කාමරයට රිංගුවේ ඇයි කියල දැනගන්න මට ලොකු උවමනාවක් තියනවා.

    ReplyDelete
  10. රහස් පරීක්ෂක නවකතා කියවන්න මම වහ වැ‍ටුනේ ඉනිඩ් බ්ලයිටන්ගේ පොත් කියවලා. Famous Five.. ඊට පස්සේ හාඩි බෝයිස්, නැන්සි ඩ්ර්ව්...

    ෂර්ලොක් හෝම්ස් ඊටත් පස්සේ...

    ඊළගට ඇගතා ක්‍රිස්ටිගේ පොත් මම කාලයක් කියෙව්වා පිස්සුවෙන් වගේ..නුවර බ්‍රිටිශ් කවුන්සිල් ලයිබ්‍රි එකේ තිබ්බ ඔක්කොම වගේ කියෙව්වා..:-D

    මේ පොත නම් මම කියවල නෑ..හොද කතාවක් වගේ..කියවනන් ඕන හොය ගෙන..

    @ පිස්සා

    ඔයා කරන වැඩේ ෂෝක්..මටත් ආසාවක් නෑ පොත් එකතු කරන්න ඉස්සර වගේ.පොත් ගන්න සල්ලි නැති පොඩි එවුන්ට පොත් අරන් දෙන්න මාත් හරි ආසයි..

    ReplyDelete
  11. මමත් ෂර්ලොක් හෝම්ස් කතා වලින් පස්සෙ කියවපු ලස්සනම කතා පෙලක් තමයි අගතා ක්‍රිස්ටි විසින් ලියූ රහස් පරීක්ෂක පොත් පෙල.
    "ඔරියන්ටල් දුම්රියේ අභිරහස", "රූමතියයි තණ නිල්ලයි" යන පොත් වල හර්කියුල් පයිරට් ගේ දක්ෂකම් ඉතා හොදින් පෙන්නුම් කර ඇත.
    "එවන්ස්" ද ඇය විසින් ලියූ තවත් ඉතා රසවත් පොතක්. මෙහි හර්කියුල් පයිරට් චරිතය ඇය විසින් සම්බන්ද කරගෙන නැතත් අභිරහස් මිනී මැරුමක් තරුණයෙක් හා තරුණියක් විසින් විසදන ආකරය ඉතා ආකර්ෂනීය ලෙස ලියා ඇත.

    ටෙනිස් ක්‍රීඩකයෙක් හා සම්බන්ද (නම නම් හරියටම මතක නෑ) අභිරහස් මිණී මැරුමක් සම්බන්ද වෙනස් ආකාරයෙන් ලියවුන ඉතා අලංකාර පොතක්.(මල්ලිගෙන් පොතේ නම අහල පස්සෙ ලියන්නම්)
    අවස්ථාවක් ලැබුනොත් කියවල බලන්න . ඇත්තටම හරි ලස්සන පොත් 4ක්.

    ReplyDelete
  12. හැමෝටම තැන්කූ කිව්වා එහෙනම් . . . ගොඩක් දේවල් ඉගෙන ගත්තා . . . පොත් කීපෙක නම් ත් ලියා ගත්තා ඊලඟ පාර ගන්න හිතාගෙන . . ..

    ReplyDelete
  13. ඇගැතා ක්‍රිස්ටි!! මගේ ජිවිතේ කියවපු හොඳම පොත් ටික!!1920 ගණන් වල ලියවුනත් තාම එක ලෙසට රස විඳින්න පුළුවන්.එක හුස්මට කියවන්න පුළුවන් වගේම සචි කිව්වා වගේ සිතීමත් දියුණු වෙන විදිහට ලියන්න කර්තෘවරිය සමත්. මම ඇගැතා ක්‍රිස්ටිගේ පොත් වලට ඇබ්බැහි උනේ ඔල කාලේදී විතර. එදා මෙදා තුර ඇගේ පොත් 80 න් ඔක්කොම වගේ කියවන්න මම පින් කරලා. :) මම කැමතිම පොත තමයි "then there were none" පොත. අන්තිම වෙනකොට කවුද මිනී මරුම කලේ කියල ලාවට හිතාගන්න පුළුවන් තරමට මම ඇගේ ලිවීමේ ක්‍රමයට හුරු වුණා!! :) ඒත් ඒ පොත් කියව ලැබූ ආශ්වාදය මෙතෙකැයි කියල නිම කරන්න බැහැ. මමත් හිතනවා ඉංග්‍රීසි මුල් පිටපත කියවන්න ලැබෙනවා නම් පරිවර්තනයේදී සිදු වෙන දෝෂ මඟ හැරගන්න පුළුවන් කියලා. තුති දුකා මේ ගැන ලිව්වාට.!!

    ReplyDelete
  14. පොත් ප්‍රදර්ශනයට ගියාම මෙදා පාර මේ පොත් ගන්න ඕනේ. සැප්: 12 ද කොහෙද පටන් ගන්න කතාවක් කණින් කොනින් ඇහුණා.

    ReplyDelete

සිංහලෙන් අදහස් දක්වන්න අවැසි නම්
මෙතනට යන්න..

මේ ලිපිත් කියවල බලන්න

Related Posts with Thumbnails