Showing posts with label වෙන්න හිනා කරදර ඉවත දමා. Show all posts
Showing posts with label වෙන්න හිනා කරදර ඉවත දමා. Show all posts

Tuesday, May 8, 2018

අපි රඟමූ-නටමූ-ගයමූ-වයමූ තුටින තුටින සැවොම එක්වෙලා !

මේ අවුරුද්දේත් SLQS  එකේ  Mid Summer Get Together එක කරන්න අපේ SLQS එකේ  කස්ටිය ලක ලෑස්ති වෙනවා.

වැඩේ බොහෝම වර්ණවත්ව අපූර්වත්වයකින් ඉදිරි පත් කරන්න ල සහ පවුල් වල අය වැඩි දෙනෙක්ගේ සහභාගීත්වය ඇතුව කරන්න ඕන කියන එක මගේ අදහස.

​මොකද ​SLQS Mid Summer Get Together ​එක පටන් ගැන්මෙදි ​​පවුල් වල අය ගිම්හාන නිවාඩුවට ලංකාවට ගියාට පස්සේ මෙහේ තනිවෙන ​QS​අන්කල්ලා සහ ​QS ​කොල්ලෝ එකතු වෙලා සමරණ තනිකඩ වසන්තය ජාතියේ ගෙට්ටුවක් උනාට පස්සේ ඒක, සාමාජිකයන්ගේ සහ පවුල් වල අයගේ ටැලන්ට් ශෝ එකක් බවට කාලීනව පරිවර්ථනය උනා.
​
එහෙව් එකේ වැඩි දෙනෙක්ගේ කලා හැකියාවන් පෙන්වන්න මේ පහල ජාතියේ අයිටම් මම යෝජනා කරන්න හිතුවා
​Dance Items: ​
1.     70’s Sinhala film stars - 70දශකයේ සිංහල චිත්‍රපටි වල ගීත වලට නර්ථනය

2.     70’s bollywood film stars - 70දශකයේ හින්දි චිත්‍රපටි වල ගීත වලට නර්ථනය

3.     Baila / Kapirigngna Dance - බයිලා ගීත ගීත වලට කපිරිඤ්ඤා නර්ථනය (මහාමෙරක් ලෙසට, ඉස්සර රජ කාලේ නොවෙයි දැන් මේ කාලේ, කීර්ති පැස්කුවල් ගේ ස්පැනිෂ් ගීතය)

4.     Love from Africa - ඇෆ්‍රිකන් ගෲප් ඩාන්ස් එකක්

5.     Latin American dance - සල්සා, සම්බා, ටැන්ගෝ චචා ආදී ලති ඇමෙරිකානු නර්ථනය (Despacito, Lambada, Hips don’t lie)

6.     Tap dance

7.     Udarata Dance - උඩරට නැටුම්

8.     Pahatharata Dance - පහතරට නැටුම්

9.     Wadi Dance-  වැදි නැටුම් (ග්‍රැන්විල්ගේ "ඔටා දමඥ්ඥා මර මර ඔටා දමඥ්ඥා, නිල් බමුනා  ගිරා මොටයා ඔටා දමඥ්ඥා" සහ "නංගීට බැඳපු මල් වියනයි" වැනි ගීත)

10.  Devil Dance - යක් නැටුම් (සන්ෆ්‍රවර්ස්ලගේ "යමලොව ඉපදුන - හොඳ හොඳ වැඩ දෙන සොමියට බර අපි සොමි කාරයෝ" "ඩෙන්න ඩෙනා නාඩෙන ඩෙන ඩෙනා ඩෙනෝ" වගේ ගීත)

11.  Break dance

12.  Hip Hop

13.  Falk Dance - ගැමි නැටුම් - සඳසාවී මා සඳ මඩලේ පාලුවේ මෙදා ගීතයට හෝ ක්ලැරන්සෙගේ ඇල දොළ පිරුනා කුඹුර සරු වුනා ගීයට හෝ ක්‍රිස්ටෝපර් පෝල් ගේ ඇළ දොළ ගංගා යාවෙ ගලා ගීයට රෙදි හැට්ට ඇඳි ගෑනු ළමයි සහ සරොම් බැනියම් ඇඳි පිරිමි ළමුන්ගේ නැටුමක්

14.  Russian Dance රුසියන් ගෲප් ඩාන්ස් එකක් - ඉවාන් පවුලූෂා ගීයට ඩාන්ස් එකක්

15.  Singapore / Malaysian Dance  සින්ගපූර් මැලේෂියන් ගෲප් ඩාන්ස් එකක් (පට්ට ලස්සන ඇඳුම් ඩිසයින් කරන්න පුලුවන් මේ ඩාන්ස් වලට)

16.  Japanese Dance - ජපන් ගෲප් ඩාන්ස් එකක් (කිමෝනා ඇඳපු ගෑනු ලමයිගේ කන්ඩායම් නැටුමක්)

17.  Brazilian Dance - බ්‍රසීල් ගෲප් ඩාන්ස් එකක් (පාට පාටින් ඩෙකරේට් කරපු පිහාටු වගේ ඒවායින් හදපු ඇඳුම් ඇඳි පිරිසකගේ ඩාන්ස් එකක්)




​Music Items:
1.     Trumpet Paly by Prabhath Hettiarachchi

2.     Group Band play by Srinath Mahendra’s band

3.     Sadadara Jothi Mashup - ජෝතිගේ ලස්සනම ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

4.     Aruna Kirana

​ ​ - පිනිබර යාමේ සැවුලන් හඬලනවා, අද ඉපැදුනු නැවුම් ලොවට, පිණි බිඳුමුතු මල් සැනකෙලියේ​
5.     CT - Rukmani Mashup - පුන්සඳ හිනැහෙන්නේ, මල්බර හිමිදිරියේ, කිමද සුමිහිරියේ මේ අරුමේ, සින්හින ලොවේ මිහිර මැවූ මාලී, මී වදයකී ජීවිතේ, රෑ පැල් රැකලා පැල් කවි කියලා, අනේ ඩින්ගක් ඉන්නකෝ ඔය දෑත පොඩ්ඩක් දෙන්නකෝ

6.     Jothi – Anji Mashup - ජෝතිගේ සහ ඇන්ජලීන්ගේ ලස්සනම චිත්‍රපටි ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

7.     Sinhala film songs Mashup - සිංහල චිත්‍රපටි ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

8.     Bollywood film songs Mashup - හින්දි චිත්‍රපටි ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

9.     Baila Mashup - බයිලා ගීත ගීත කොටස් එකතු කර විනාඩි 8-10ක පමන මෑෂ් අප් සෙෂන් එකක් - මුලු ගතම වෙහෙසුනා, ගොලු හදවත් විවර කරන්න, නෝනේ මගේ සුදු නෝනේ, ගෙලේ රන්මාල දා හැඩවී, පොල් කටු හැන්ඩේ මිට වගේ රූබර ඇගේ ආදරේ, සීටින් අයියේ කියමුද බයිලා ලස්සන තාල දමාලා, ආදරේට ඇස් නැති හන්ඩා ඉසෙබෙල් මම ඔයාව බැන්දා, සුරන්ගනීට මාලු ගෙනවා

10.  Wada Baila session -

11.  Calipso Mashup - මල්බර හිමිදිරියේ, සුවඳයි මුවේ මල් පැනී, මාලී රුවන් මාලී, මුහුදු රැල්ල ඔස්සේ, මී ඇබ වනයේ ගී හද පතුරා, මන්ගෝ කලු නැන්දේ

12.  We miss you Wijaya - විජය කුමාරතුන්ග ගේ ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක් - රැල්ලෙන් රැල්ලට පාවෙන ඔරුවේ, ගඟ අදහර මා සිහිල් සෙවනේ සැනහී, පායා සීත රැයේ, දඟ ගෙයි දඬුවම් සියුමැලි වැඩිනම්, එක වරක්, වළාකුලක් ගෙන මුවා කරමු හිරු, ඔබ නෙතු මාහා රන්දා, සැරයටියෙන් අපි යනෙන තුරා, ඔරුකඳ පාවී දියඹට යාවී

13.   Maestro Kemadhasa memorial session -  සෙවනේ කුඹුක් සෙවනේ, දේදුන්නෙන් එන සමනලුනේ, සුමුදු සයනේ සිඳු ඇතිරිල්ලෙන්, උදුම්බරා හිනැහෙනවා, සුළඟ වගේ ඇවිදින්, අම්මාවරුනේ, ළඳුනේ, පවනට සැලෙනා, අඳුරු කුටිය තුල, සීත රෑ යාමේ අඳුරේ,

14.  Sadadara Milton - සදාදර මිල්ටන් - මිල්ටන් මල්ලවාරච්චිගේ ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

15.  Tamil Song Mashup

16. English Songs Mashup
​
තව අයිඩියාස් දෙන්න පීස් !

Thursday, April 13, 2017

කන්ද උඩින් ටිලින් ටිලින් !

එදාත් අද වගේ අප්‍රේල් 13 වෙනිදාවක්.

මම හිටියේ හෝමගම සුපර්මාකට් එක ඉස්සරහා සිල්ලර බඩු කඩේක එලිපත්තේ.

අම්මා කඩේ ඇතුලේ බඩු ගන්න ගමන්.

එලිපත්තට ගහපු වහලේ මුක්කුවක් වෙච්චි යකඩ කනුවට හේත්තුවෙලා මම බුම්මගෙන උන්නේ "මොන මළ වදයක්ද මන්දා" කියලා තරහින්

"බෑ බෑ" කියලා මඟහරින්න හැදුවත් "මට ඔක්කෝම උස්සන් එන්න බෑ බූරුවෝ තෝත් වර" කියලා ආදරෙන්, අවුරුද්දට බඩු ගන්නය කියලා අම්මා මාවත් ඇදන් අවේ මේ කඩේට.

"ක්‍රීක් ක්‍රීක්" ෆෝන් ස්ක්‍රීන් එකේ "ගීත්" කියලා පෙන්නනවා (ඔව් ඔව් ඒ කාලේත් සී.එල්.අයි තිබ්බා)

"හලෝ හලෝ . . මචං ගීත් . . හලෝ හලෝ"

මොකෝ මේ සද්දයක් නැත්තේ

"මචං ගීත් හලෝ හලෝ මොකද xxතෝ සද්දයක් නැත්තේ"

කට් කරලා ආයේ ගන්නවද?

"කන්ද උඩින් ටිලින් ටිලින්"

ඈහ් මොකෝ මුගේ නහයට උනේ

"කන්ද උඩින් ටිලින් ටිලින්
කන්ද උඩින් හඳ පායන ලීලා . .
ලන්ද කොනේ රුක් අත්තන පිපීලා
මන්ද කොහෝ හඬලනු හැංගීලා
එන්ඩ තමා ටිලින් ටිලින්
එන්ඩ තමා  බක්මහ ලංවීලා "

මූ නහය මුක්කන් කරගෙන මුලු සිංදුවම කිව්වා කියහන්කෝ.

මම යකඩ කනුව බදාගෙන දෙකට නැමිලා බක බක ගගා හිනාවෙනවා.

කඩේ උනුයි පාරේ යන උනුයි මදිවට පාස් වෙන බස් වල යන උනුත් සීට් වලින් නැගිටලා හිටන් බලනවා (මට පේනවා ඇස් කොනින්) මොකද යකෝ මූට වෙලා තියෙන්නේ, අසනීපයක් වත්ද කියලා.

"මේ හොල්මන කොහේද බන් මෙච්චර කාලයක් හැංගිලා හිටියේ" ඌ ලයින් එක කට් කලා.

ගීත් කියලා මම කියනව ඇහිලද මන්දා අම්ම පැත්ත වත් බලන්නේ නෑ.

විනාඩි 10ක් විතර යනකම් මට හිනාව නවත්තගන්න බෑ

මිනිස්සු තාම තක්බීර් වෙලා බලන් ඉන්නවා!

සිරාවට අවුරුදු කාලේ වෙනකම් අමිතා වැදිසිංහ කොහේද ඕයි හැංගිලා ඉන්නේ !

https://youtu.be/tiV4SSq7VEQ

Wednesday, October 19, 2016

සිහිනෙන් දිව ගෑ සුවඳක් මෙන් !


"මචං උඹට මතකද මීට අවුරුදු 25කට විතර කලින් උඹයි, නංගියි, තව යාලුවෝ සෙට් එකකුයි උඹලගේ යෞවන සමිතියේ කොන්සර්ට් එකක නැටුවා"

ගිය ජූලි අගෝස්තු නිවාඩුවේදිත් පොඩි වෙලාවකට හරි කියලා පරන යාලුවන්ව බලන්න කියලා සමරේවයි (සමරසිරි) මෛත්‍රීවයි බලන්න ගිය වෙලාවේ සමරේ ඇහුවා

"අඩේ ඔව් ඇත්තෙන්ම අවුරුදු 26ක්. එතකොට මට අවුරුදු 17යි නංගිට 14යි, ඒ මචං උපාලි කුමාරවංශ අයියගේ මූලිකත්වයෙන් හදපු ශෂිකලා රසික හවුල යෞවන සමාජයේ"

"උඹලා නැටුවේ කපිරිඤ්ඥා නැටුමක් මතක හැටියට ආජු තපර ලායිලා සින්දුවට"

"මටත් සින්දුව නැටුම මතක නෑ බන් ඒත් අපි මාර ජොලියක් ගත්තා කියලා නම් මතකයි. මම, නංගි, නංගිගේ හොඳම යාලුවා හිමාලි, උඩහමුල්ලේ අෂාන්, ශාලාව පාරේ බුද්ධිකා, තරංග අනිත් හිටපු උන් මතක නෑ බන්"

"උඹලා අපේ පැත්තට ආපු ආලුතනේ ඒකෙන් පස්සේ තමයි අපි උඹලා එක්ක යාලුවෙන්න ට්‍රයි කලේ"

"බලහන් අවුරුදු 26කට එහා මතකය තාමත් කොයි තරම් සුන්දරද?, උඹට ස්තූතියි බන් ඒ සිහිනෙන් විඳපු සුවඳක් වගේ මතක් කරන කරන වාරයක් පාසා සුවඳ හමන අතීතේ සිදුවීමක් මතක් කලාට"

නිවාඩු ඉවර වෙලා අබුඩාබි ආවේ අගෝස්තු 7 වෙනිදා. අගෝස්තු 9 වෙනිදා SLQS-UAE එකෙන් මේල් එකක් එනවා මෙන්න මධ්‍ය ගිම්හාන සුහද හමුව සැප්තැම්බර් 23 පැවැත්වෙනවය, ඒකේ පර්ෆොර්ම් කරන්න කැමති අය ඉදිරිපත් වෙන්නය කියලා.

අර කිව්ව සිහිනෙන් දිව ගෑ සුවඳේ මතකය රැඳිලා ඉන්න අතරෙම නදීශාගෙනුත් අහලා බලලා ඒ ගමන්ම එක සැරේට මතකෙට ආව කට්ටියක් එකතු කරගෙන වට්ස් ඇප් ගෲප් එකක් හැදුවා - SLQS-GTG-Dance

"කස්ටිය මොකෝ කියන්නේ? සමන් අයියා, ඩිලංක ඇතුලු ඕගනයිසින් ටීම් එකේ ආරාධනාව පිලිගෙන අපි වෙනස්ම දෙයක් කරමුද?"

"ම් ම් ම් වෙනස් දෙයක් කිව්වේ?"

"අපි ගෲප් කපිරිඤ්ඥා ඩාන්ස් එකක් කරමුද?, මෙහේ කිසිම ගෙට් ටු ගෙදර් එකක එහෙම එකක් මම දැක්කේ නෑ. මොකෝ කියන්නේ?"

ඔන්න ඉතින් පටන් ගත්තා කට්ටියගේ බැරි බැරියාව.

"සින්දුවක් නම් කියමු"

"නටන්න බෑ මිනිස්සු හිනා වෙයි අයියෝ මොන ගොන් පාර්ට් එකක්ද කියලා"

"දැන් වයසයි ඕයි - මහත වැඩී නටන්න බෑ"

"හරි අයියා මීට කලින් වෙඩිමේදි නැටුවා මිසක් නටලා නෑ, ඒත් කරනවනම් කරමු" කියලා කෝල් එකක් දීලා කිව්වේ පුබුදු මල්ලී විතරයි.

මම සාමාන්‍යයෙන් දෙයක් කරන්න ඕන කියලා හිතුවොත්, ඒක කරන්න බෑ කියලා කොයි තරම් සාධනීය හේතු තිබ්බත්, එක සැරයක් වත් උත්සාහ නොකර අතෑරලා දාන්න ලෑස්ති කෙනෙක් නෙමේ.

කොහොමත් පිලිතුරු වල යටිපෙල කියෙව්වාම තේරුනු දේ තමා කට්ටිය කැමතී ඒත් අනිත් මිනිස්සුන්ගේ ප්‍රතිචාර වලට බය නිසා අකමැතී කියන දේ.

ගෲප් එකේ කට්ටියගේ නෙගටිව් කොමෙන්ට් ගැන හිත හිත බ්ලොග් පෝස්ට් එකක් ලිව්වා - සතුට මිසක දුක මොකටද !

//මේඛලා ගමගේ ගේ අහන් ඉන්න අහගෙන ඉන්න ගීතයේ "සතුට මිසක දුක මොකටද" කොටස හැමදාම මගේ හිත කොහේදෝ ලෝකෙක අතරමං කරනවා කියා මට සිතේ.

දෑසින් ලෝකය දකින්නට වරම් නොලද ඇය "සතුට මිසක දුක මොකටද" කියා අසන වාරයක් වාරයක් පසා මගේ හිත මගෙන් පිලිතුරක් නැති ප්‍රශ්නයක් අසයි.

කිසියම්ම වූ ශාරීරික අඩුපාඩුවක් සමඟ ලෝකයට පා තැබූ අය සියල්ලෝමත් ඒ අඩුපාඩු අමතක කොට ජීවිතයේ ගෙවෙන හැම මොහොතක්ම සතුටින් ගතකරන්න උත්සාහ කරද්දී . . . කිසිම අඩුපාඩුවක් නොමැතිව ලෝකයට බිහිවූ බොහොමයක් දෙනා නැති ප්‍රශ්න සාදාගෙන ජීවිතයෙන් සතුට බැහැර කරන්න උත්සාහ කරන්නේ ඇයි.//

රටේ ලෝකේ කටවල් වලට බයේ කිසිකෙනෙක්ට හානියක් නැතත් තමන්ට සතුට ලැබෙන දේවල් කරන්න බයවෙන මිනිස්සු ගැන හිතලා මම එහෙම ලිව්වා.

"මේකත් කියවලා බලහල්ලා" කියලා බ්ලොග් පෝස්ට් එකේ ලින්ක් එක ගෲප් එකේ ශෙයා කලාට පස්සේ ඒක කියෙව්වා නොකියෙව්වාද මන්දා, කීප දෙනෙක්ට තියාශා නංගී බලකරපු නිසාද මන්දා ඔන්න කට්ටිය සෙට් වුනා වැඩේට. ඒක කෙටියෙන් සරලව කියනවා නම් මෙහෙමයි

“සමන් අයියා, ඩිලන්ක ඇතුලු සංවිධායක මණ්ඩලයේ ආරාධනාව පිලිගෙන අපි වෙනස්ම දෙයක් කලෙමු. කොරින් අල්මේදාගේ "පෘතුගීසි අපිට කියල දුන්නු තාලේ" ගීතයට කපිරිඤ්ඥා නැටුමක් නැටුවෙමු. ගීත් ප්‍රසාදි සහ නදීෂා නැටුම සකස් කලෝය. බෙනඩික් ලවා ගවුම් මස්සවාගෙන, රිෂානි ලංකාවෙන් ගෙනා මල් ගෑනු ළමෝ කොන්ඩේ ගසා සැරසී සිටියෝය. සුභාෂ්-නදීෂා, පුබුදු-උදේශිණී, සමීර-රශිනි, ශාකීර්-රිෂානි, ලලිත්-ශෂිකලා එසේ නැටූ කන්ඩායම වේ”

මේ තියෙන්නේ ඒ වීඩියෝ එක.



ඇත්තෙන්ම මොන ගොන් පාර්ට් එකක් ද කියලා හිතෙන්නත් පුලුවන්. ඒත් අවුරුදු 26කට කලින් ගොන් පාර්ට් කියලා මිනිස්සු කියන ජාතියේ දෙයක් කරලා මතක් වෙන මතක් වෙන සැරේට සිහිනෙන් දිව ගෑ සුවඳක් වගේ දැනෙන සුන්දර මතකයක් එකතු කරපු ජීවිත අත්දැකීමක් මේකෙනුත් ලැබෙයි කියලා මම නම් විස්වාස කරනවා.

මේ ඉන්නේ අපි 4 දෙනා ඩාන්ස් එකට රෙඩි වෙලා ඉන්න වෙලාවේ (නදීෂා ඒ විදිහේ ගවුමක් ඊෂාටත් මැහුවා)

සමහර විට බැරිවෙලාවත් තව අවුරුදු 26ක් ඉස්සරහට ජීවත් උනොත් මේ අත්දැකීම් දෙකේම මතකය දත් නැති කටෙන් තලු මර මර රසවිඳින්න පුලුවන් වෙයි !

තව දෙයක්, වීඩියෝ එක බලනවානම් අයියෝ ඩේටා කියලා හිතන්නේ නැතුව නැටුම ඉවර උනාට පස්සේ How they made this Dance කොටස අනිවාර්යෙන් බලන්න. දක්ෂ ඡායාරූප සහ කැමරා ශිල්පී මොහාන් දිලිප් මල්ලී වීඩියෝ එක හදලා තියෙනවා බලන අයට බඩ අල්ලන් හිනා වෙන්න පුලුවන් විදිහට !

කාංචනා නංගීයි ගයාන් මල්ලියි රෙකෝඩ් කරපු වීඩියෝ එක ෆේස් බුක් එකේ ශෙයා කරද්දී හැමෝටම වගේ නම් ගම් ඇතුව ස්තූති කරපු නිසා මේ පෝස්ට් එකේදි පොදුවේ "අපේ මේ පිස්සු වැඩේට සහයෝගය දුන්නු හැමෝටම ගොඩාක් ස්තූතියි" කියලා විතරක් කියනන්ම් !

මේ ඉන්නේ ඉතින් ඩාන්සින් පාට්නර් ඇන්ඩ් ලයිෆ් පාට්නර් 

Monday, September 19, 2016

වැලි කැට පුපුරන කතරේ ගිම්හානයට දිය බිඳක් !

තනි කෝටුවක් දෙකට නැමූ විට පහසුවෙන් කඩා දැමිය හැකි නමුත් කෝටු මිටියක් එසේ කැඩීම පහසු නොවේ යැයි සරල ප්‍රයෝගික උදාහරණ මඟින් පෙන්වා දී කෝටු මිටියක් මෙන් එකට බැඳී යහලු යෙහෙලියන් සමඟ සමඟියෙන් සිටින්නැයි යන පාඩම දෙමාපියන්ගෙන් අප කුඩා කල උගත්තෙන්මු.

කුරුළු දඩයම්කරුගේ දැළ් උගුලේ අසුවුනු කුරුළු රෑන එහි සිටි ඥානවන්ත කුරුළු නාම්බාගේ ගුරුහරුකම් මත සියලු කුරුල්ලෝ එක වර එකට පියඹා ගොස් ජීවිත බේරා ගත් කතා පාසලේදී හෝ දහම් පාසලේදි උගත්තෙමු.

එයින් සාමූහිකත්වයේ හැඟීමෙන් ඔද වැඩී දහම් පාසැල් සංවත්සර උත්සව, කළා උළෙලවල්, සිංහල - ඉංග්‍රීසි භාශා දින, වාණිජ දින, විද්‍යාදින, නාට්‍ය තරඟ, නැටුම් තරඟ ආදිය සාමූහිකව සංවිධානය කර සාර්ථක අවසානයන් ලැබූවන් වෙමු.

එයින් නොනැවතී සාමුහිකත්ව (Team Work) හැඟීමෙන් ඔකඳවී ගමේ යෞවන සමිතියට බැඳී දහසක් ක්‍රියාකාරකම් වල යෙදුනෝ වෙමු.

ගමේ පිංළිඳ ඉසීම, මාවතේ දෙපැත්තේ පාරට නැමුනු පඳුරු ගලවා දමා කානු සුද්ද කිරීම, ළමා නිවාස වලට දාන දීම, පෝයදාට සිල් ගන්නා ඇත්තන්ට දාන - ගිලන්පස ලබාදීම, පැදුරු පාර්ටි දැමීම, විවිධ ප්‍රසංගයේ අංගයන් ඉදිරිපත් කිරීම, අවුරුදු උත්සව සංවිධානයට උදව් ලබාදීම, වෙසල් පොසොන් උත්සව වලදී සහයෝගය දැක්වීම, දන්සල් පැවැත්වීම, ඔලුබක්කෝ නැටවීම ආදී කී නොකී දහසක් ක්‍රියාකාරකම් මේ අතර ඇත.

අප බොහෝ දෙනෙක් වර්ථමානයේ රැකියා ස්ථානයේදි හෝ සමාජීය ජීවිතයේදි ද බොහෝ සාමුහික ක්‍රියාකාරකම් වල යෙදෙන්නේ ඒ අතීත සුවඳ සිතින් මකාලීම අපහසු නිසා යැයි කීවොත් එකඟ නොවේද?

රැකියාවක් කරමින් ස්වාධීන ලෙස ජීවත්වෙන්න පටන් ගත් පසු උපයා ගන්නා දෙයින් කාබී නිදහසේ ජීවත් වීම යනු "ජීවිතය" නොවේ කියා සිතා, තම කාලය - මුදල් - ශ්‍රමය තවත් අය වෙනුවෙන් යෙදවිය හැකි අය වෙත් නම් ඔවුන් ඇත්තෙන්ම විසල් හදවත් ඇත්තෝම වෙති.

මැදපෙරදිග ජීවත්වන ප්‍රමාණ සමීක්ෂකයින්ගේ (Sri Lankan Quantity Surveyor's Association) සංගමයේ ක්‍රියාකාරීන් එවැනි විසල් හදවත් ඇත්තන් ලෙස මම හඳුන්වමි.

තමන්ගේ සහෝදර ශ්‍රී ලාංකික වෘත්තිකයින්ගේ වෘත්තීය දැනුම වැඩි දියුනු කිරීම සඳහා සම්මන්ත්‍රණ, වැඩමුලු, පාඨමාලා සංවිධානය කිරීම; ස්වේච්ඡා කතිකාචාර්‍යවරුන් ලෙස ඒවායේ දේශන සඳහා නිවාඩු දවස කැප කරමින් කිලෝ මීටර් සිය ගනන් තමන්ගේම වාහනයෙන් ගොස් තම අත්දැකීම් පිරි දැනුම ලබාදීම එසේ විසල් හදවත් ඇත්තවුන් හැර වෙන කවුරු නම් කරයිද?

මැද පෙරදිග සේවය කරන සියළුම ශ්‍රී ලාංකික පමාණ සමීක්ෂකයින් (Sri Lankan Quantity Surveyors) සාමාජිකයින් ලෙස බඳවාගන්න එම සංවිධානයේ තව බොහෝ සාමූහික ක්‍රියාකාරකම් ඇත.

වාර්ෂික ක්‍රිකට් ක්‍රීඩා තරඟ සංවිදානය; ලේ දන්දීමේ පුන්‍යකර්ම, අවුරුදු උත්සව - වෙසක් උත්සව සංවිදානය; සහ අනෙක් අය සංවිධානය කරන එවැනි කටයුතු සඳහා සාමාජිකයින්ගේ පූර්ණ සහයෝගය ලබාදීම; වාර්ෂික සුහද හමු සංවිධානය ආදිය ඒ අතර කැපී පෙනෙයි.

එක්සත් අරාබි එමීරයේ SLQS - UAEසංවිධානය විසින් එහි සාමාජිකයින්ගේ කුසලතාවන් එලිදැක්වීමට වේදිකාවක් සාදා දීම සහ නව සාමාජිකයින් හඳුනා ගැනීම සියල්ලන් අතර සුහදතාව වැඩිදියුනු කිරීම ආදී කරුනු සැලකිල්ලට ගෙන 2016 ගිම්හාන  ඍතුවේ මැද භාගය වන මේ දිනවල Mid Summer Get-together නමින් සුහද හමුවක් සංවිධානය කර ඇත.

තව දින 4කින් එය ඩුබායිහි රැඩිසන් බ්ලූ හෝටලයේ සවස 6.30සිට පැවැත්වීමට සියලු කටයුතු මේ වන විට සකස් කරමින් පවතිනවා.

වාර්ෂිකව සංවිධානය කරන මේ සුහද හමුව මෙවර වෙනදාට වඩා විශේෂිත ආකාරයන් ඉදිරිපත් කිරීමට බලාපොරොත්තු වෙන බව සංවිධායක මන්ඩලය දැනුම් දී තුබුනා.

තරු හෝටලක කෑම බීම සමඟින් වැඩිහිටියන්ට ඩිරාහ්ම්ස් 115ක මිලක ටිකට් පතක්ද අවුරුදු 12ට අඩු දරුවන් සඳහා ඩිරාහ්ම්ස් 50ක ටිකට් පතක් ලෙසද ටිකට් මිල සඳහන් වී ඇත.

මෙවර ෆේස්බුක් හරහා සාමාජිකයින්ගේ ෆොටෝග්‍රැෆි තරඟයක් මඟින් ආරම්භ කල මෙය එදිනට ගීත ගායනා, නාට්‍ය, නැටුම්, වැයුම් පිරි සුපිරි ප්‍රසංගයක් වන බව පසුගිය වසර වල මෙන්ම මෙවරද මෙම මධ්‍ය ගිම්හාන සුහද හමුවට සහභාගී වූ පිරිස සාක්ෂි දරනවා නොඅනුමානයි.

එදිනට ලබාදෙන සමරු කලාපයට සාමාජිකයින් විසින් එවන ලද කවි නිසඳැස් පෙලගැස්වීමේ කටයුතුද මේ දවස්වල සිදුවෙමින් පවතින බව දැනගන්නට ලැබුනා.

මෙම මධ්‍ය ගිම්හාන සුහද හමුවට සහභාගී වී නටන ගයන වයන මිතුරු මිතුරියන්ව දිරිමත් කරමින් ඔවුනුත් ගීගයා වයා නටා කාබී ප්‍රමුදිත වෙන්න එක්වන්නැයි එක්සත් අරාබි එමීරයේ සියළුම ප්‍රමාණ සමීක්ෂකයින්ට SLQS - UAE සංවිධානය ආදරයෙන් ආරාධනා කරයි . . !

ප්‍රසංගයට එකකල නවතම අංගයක් ලෙස මම, මගේ ප්‍රිය බිරිඳ ඇතුලු 10 දෙනෙකුගේ කන්ඩායමක්ද කපිරිඤ්ඥා නැටුමක් නටන්න බලාපොරොත්තු වන බව පවසන්නේ තුටින් !

Thursday, August 27, 2015

ආච්චිගේ කොලම . . !


වර්තමානයේ පවතින දේශපාලන තත්වය උපහාසයට ලක් කරමින්, කිසිදු පක්ෂයකට හෝ කන්ඩායමකට දේශපාලන භාශාවෙන් කියන කඩේ යෑමක් නොකර, තීරු ලිපි ලියන්නෙක් වේ නම් ඒ සහන් කසීර වික්‍රමසිංහ පමනි.

මා එසේ පැවසීමඅසාධාරන නොවේ යැයි සහන්ගේ ආච්චිගේ කොලම කියවූ යම් කිසිවෙක් වෙද්ද ඔවුන් මා හා එකඟ වේයැයි සිතමි.

කසීරගේ ආච්චි එතරම්ම අති දක්ෂ ලෙස බොහෝ සිදුවීම් උපහාසයට ලක් කරනු මා දැක ඇත.

තමා ජැකලින් ෆර්ඩිනඩ්ස් තරම්ම් සුරූපී යැයි සිතා සිටින ඇය තමාට අම්මේ කියා ඇමතූ මහින්ද රාජපක්ෂ මහතා කෙල්ලන් සමඟ සෙල්ෆී ගනිද්දී උරණවන්නීය.

අසිහියෙන් දතක් පුරවා ගන්න ප්‍රසව හා නාරි වෛද්‍යවරයෙක් මුන්ගැහෙන්න යන ඇය නිදහසට කාරනා කියන්නේ කනේ අමාරුවට ශශී වීරසිංහ ප්‍රසව හා නාරි වෛද්‍යවරු මුගැහෙන්න ගියා නම් මට බැරි ඇයි කියායි.

එතරම් අසිහිය ඈ විටෙක සීයා ඇයට ලව් කරනා කාලයේ ඇගේ පිඟානට කිරියා කෑල්ලක් නොබෙදා මැගිලින්ට කිරියා බෙදූ බව සිහියේ තබාගෙන සිටී . .

ජේවීපී කාරයින්ට දැන් ඉතිරිව ඇත්තේ සාමාජිකයන් කාලයක් තිස්සේ වැවු දිග රැවුල් පමණක් කියා කෝචොක් කරන ඇය නවගත්තේගම ගුරුවරිය දණ ගැස්සු හිටපු ආණ්ඩු පක්ෂ මන්ත්‍රීවරයාට ගුරුවරියක් හෝ සිසුවියක් දූෂණය කරන්න අවස්තාව ලබා දෙන්න යලිත් වරක් නාමයෝජනා ලබා දෙන්න ඕනෑ බව කියයි.

සමාවන්න. . මගේ අටුවා ටීකා ටිප්පනි හෙවත් මල්වඩම් අනවෂ්‍ය බව දනිමි. එහෙත් මෙවර ගොඩගේ සාහිත්‍ය සම්මාන උළලේ තීරුලිපි සංග්‍රහ සඳහා ලියවුනු පොත් වල අවසන් වටයට කසීරගේ ආච්චිගේ කොලම පොතත් යෝජනා වී ඇති බව දුටු විට ඇතිවූ සතුට ප්‍රකාශ කිරීමට මට වෙන ක්‍රමයක් එකවරම සිතා ගත නොහැකි විය.



එබැවින් මගේ බ්ලොග් අඩවියේ ඔහුගේ තීරු ලිපි රචනා කීපයක කොටස් අමුනා ඒ ඒ සම්පූර්ණ තීරු ලිපියම කියවීමට කියවන්නන්ට පහසු ආකාරයෙන් ලින්ක් ලබා දී කෙටි ලිපියක් ලිවීමෙන් සෑහීමකට පත්වන්න සිතුවෙමි.

මට වසර 10යේදී පමන මාස කීපයක් අම්මාගේ ගැබෙහි හිඳ හදිසියේ නික්ම ගොස්, වෙනත් මවු කුසකින් ඉපද බොහෝ පසු කාලයක මට හමුවූ සෝයුරා කියා මා විස්වාස කරන නිසාම නොව, මැදිවයසට එනතුරු සෝයුරෙකු නැති හිස්තැනක් තිබූ ජීවිතයේ හිස්තැන පුරවාපු නිසාම නොව . . . සහන් කසීර වික්‍රමසිංහ නම් වූ සහජ නිර්මාණශීලීත්වයක් හිමි තරුණ නිර්මාපකයා වෙනුවෙන් ලියූ කෙටි සටහනක් ලෙස මේ සටහන තබමි.



සහන් කසීර වික්‍රමසිංහගේ ෆේස්බුක් පිටුවේ ඇති ආච්චිගෙ කොළම තීරු ලිපි කීපයකින් උපුටා ගත් කොටස් කීපයක් පහත ඇත. සම්පූර්ණ ලිපි කියවන්න ඒ ඒ ලින්ක් එක මත ක්ලික් කරන්න.

"ආච්චි ඉස්ලාම් ආගමට හැරුණාය. මේ වගක් අසා කම්පාවට පත් අපේ සීයා, ජනපතිවරණය අවසන් වූ විගස සාටකය ද අමතක කර රට අත්හැර ගිය බැසිල් මැතිඳුන් මෙන් සිංහලේ පැන්නේ අමුඩ ලේන්සුවද වැලේ අමතක කර දමමිනි."  තීරු ලිපියම කියවන්න

"ආච්චි ඡන්ද පොළට යාමට බැරියැයි කන්කෙඳිරි නගන්නීය. වෙනකක් තබා පසුගිය මැතිවරණයෙන් පසු තිස්ස අත්තනායක මහතාට වූවාක් මෙන් එළියට බහින්නටවත් බැරි තරමට ලැජ්ජ්ජාවෙන් පසු වන්නීය. >> අවසානයේ ඇය සීයාට දොස් පවරමින් මාධ්ය හමුවේ සාකච්ඡා කරනවාට අමතරව ස්වයං රැකියාවක් කිරීමට තීරණය කළාය. ඒ අනුව ගෘහස්ත කර්මාන්තයක් ලෙස නිවසේ සිටම පරිගණක මෘදුකාංග නිපදවීම ඇරඹූ ඇය සුසිල් ප්රේමජයන්ත මහතාගේ පින්තූරයක් ද රාමු කර දිනපතා දුම් ඇල්ලීමට කටයුතු කළාය"  තීරු ලිපියම කියවන්න


"ආච්චි ගේ පැහැර ගැනීම සම්බන්ධව පොලිස් පැමිණිල්ලක් කරන්නට යාමේ අවසාන ප්රතිපලය වූයේ සීයාව රෝහල්ගත කිරීමට සිදුවීමය. අතුරුදන් ව ඇත්තේ කාන්තාවක් වන්නට උවමනා නැත. රෙදි වැලක වනා තිබූ ගවුම් රෙද්දක් නැති වූවත් ලංකාවේ පොලිසියට ඇත්තේ එක් පොදු අනුමානයකි. "ආච්චි කොල්ලෙක් සමග පැන යන්නට ඇති බවත් දවස් දෙක තුනකින් නැවත පැමිණෙනු ඇති බවත්" පොලිසිය පවසනු අසා සීයා ට කලන්තය සෑදිණ.  >> දැන් ගෙදර එක ගිනි විජ්ජුම්බරයකි. සීයා ආච්චි සමග විරසක වී ඇති අතර ඔවුන් දැන් අතුල - සමිතා තරමට ගමේ ජනප්රියය. මේ නාඩගම් නිසා තාමට දීගයක් කරගන්නට බැරිවෙතැයි පසුතැවිල්ලෙන් සිටින අක්කා සැනසූ ආච්චි , තව කිහිප දිනකින් මහින්ද රාජපක්ෂ මහතා සමග නැගිටින රැළියක් පැවැත්වෙන බවත්, ඉන්පසුව සීයා ගේ විරසකය අවසන් වන බවත් පැවසුවාය. අපට නම් ඔය කතා මෙලෝ දෙයක් තේරෙන්නේ නැත. ආච්චි පැහැදිලි කරන ආකාරයට මහින්ද සමග නැගිටින රැස්වීම් වලින් මෙතෙක් සිදු වී ඇති එකම සෙතේ වන්නේ විරසක වී ප්රසිද්ධියේ ගහ මරා ගත් දික්කසාද ජෝඩු යළිත් හාද වීමයි" තීරු ලිපියම කියවන්න 

"ආච්චිට ගිහි ගෙය කල කිරී ඇත. ජනවාරි නම වැනිදායින් පසුව නිවෙසට වී හැඬූ කඳුලින් , නොකා නොබී සිටි ඇය යාන්තම් ජීවිතය ගැට ගහගත්තේ තුන් වේලට බඩපුරා ආහාර ගැනීමෙනි. ගම්මු පැමිණ ඇය හාමතේ මිය යාවියැයි යන බියෙන් කෑම බීම කන්නටැයි බල කළ ද ඇය පවසා සිටියේ හිටපු ජනපති තුමන් අතින් තැඹිලි වීදුරුවක් පානය කරන තුරු තම උපවාසය අවසන් නොවන බවය. නමුත් ආච්චිව අමතක කළ හිටපු ජනපති තුමන් දහ අටේ ගැටිස්සියන් පිරිවරා සෙල්ෆී ගන්නා අයුරු රටම දැනගත් අතර, ඒ අසා අපේ ආච්චි විජාතික කුමත්රණයක් දුටු විමල් වීරවංශ මහතා මෙන් පරල වන්නට වූවාය.  >> සිනා නොමසෙන් දසන් දක්වා යැයි කාව්යශේඛරයේ කියා ඇත්තේ ආච්චි ටය. රූපවාහිනිය ඉදිරිපිට වාඩිගත් විට අපේ ආච්චිගේ හැසිරීම අන්තිමය. නිරෝෂාලා , යුරේනි නොෂිකලා කැළේය. විටෙක බඩ අල්ලාගෙන සිනා වෙන ඇය විටෙක කොක් හඬලා සිනාසෙන්නීය. යහපාලන ආණ්ඩුව ට පින් සිදුවන්නට යාපනයේ පාසැල් සිසුවියන් දූෂණය වන බව නාමල් රාජපක්ෂ මහතා ට්වීට් කර තිබෙනු දැක ආච්චි සිනාව නතර කර ගත්තේ වික්ටෝරියා ඇලෙක්සැන්ඩ්රා ෂීක් ගේ ඡායාරූපයක් නැරඹීමෙනි" තීරු ලිපියම කියවන්න 

"ආච්චිගේ සිත පෑරී ඇත. ඉන්දියාවේ සිට පැමිණි නරේන්ද්රසිං මෝදි මහතා අත් දෙක වන වනා එනු දැක ඇය යහපාලනය පිළිබඳ කලකිරීමෙන් පසුවේ.ආච්චි පවසන විදියට මෝදිට ඇඳුම් බෑගයක්වත් ගෙන ඒමට උවමනාවක් නැත. මොකද කියනවා නම් වත්මන් ජනපති තුමන් ළඟ මෝදිටත් සෑහෙන්නට ඒ ජාතියේ ඇඳුම් තිබෙන බැවිනි. >> සියල්ල මෙසේ වෙද්දී හිටපු ජනපතිතුමන් මිහින්තලයේදී මාධ්යවේදීන් ට පවසා සිටියේ පොලිස්පති කිව යුතු දේ නීතිපති කිවයුතු දේ එක එක්කෙනා කියමින් සිටින බවත් එය යහපාලනය නම් දෙයියන්ගේ පිහිටම බවත්ය. එසේ පැවසූ එතුමා සම අසුනක වාඩි වී හිඳිමින්ම සංඝයා වහන්සේ නමකගෙන් පිරිත් නූලක් බැඳ ගත් අතර සිරිසේන මැතිණිය එලිසෙබෙත් රැජින අදිරිපස හිස නැමූ ආකාරය රස විඳි බොහෝ දෙනෙකුට එම දර්ශනය මගහැරී තිබිණ." තීරු ලිපියම කියවන්න 

"කෙසේ නමුත් මේ දිනවල ඇගේ සිහි බුද්ධිය එතරම් හොඳ තත්වයක නැත. ආච්චි පුරවන්නට තිබූ දතක් පෙන්වීමට ප්රසව හා නාරි වෛද්යවරයෙක් හමුවීමට ගොස් තිබූ අතර ඇය පවසන්නේ ශෂී වීරවංස ඔවුන්ට ගේ කණේ අමාරුව හොඳ කිරීමට හැකි නම් ඇගේ දත ද පුරවන්නට හැකි වනු ඇති බවයි. - >> එක් ගමන් බලපත්රයක සඳහන් වයස අනුව බාල වයස්කාරියක විවාහකර ගැනීමේ වරදට තමා නීතිය හමුවට පැමිණවීමට පවා ඉඩ ඇති බැවින් වහාම දික්කසාද විය යුතු බව සීයා බල කර සිටියේය. අනෙක් ගමන් බලපත්රයට අනුව ආච්චි අපේ අම්මාට වඩා වසර දෙකක් වැඩිමල් වන බැවින් පංසලකට ගොස් බණක් භාවනාවක් කරන්නට කාලය එළඹ ඇතැයි යෝජනාවක් නැගිණි. එයට අකැමැත්ත පළ නොකරන ආච්චි පවසන්නේ නිවන් යන්නට වුණත් උපන්දිනය සෙලිබ්රේට් කරන හාමුදුරු කෙනෙක්ගේ පන්සලක් ම සොයාගතයුතු බවයි" තීරු ලිපියම කියවන්න 

""මාළිගාවේ මා රැජිණි යනුවෙන්" සුජාතා අත්තනායකයන් එදා ගැයූ අතර අපේ ආච්චි එය වරදවා වටහා ගෙන දළදා මාලිගාවේ දී මහ රජාණන් දැක රැජිණක මෙන් විලාප දී හඬන්නට විය. මට සිතෙන විදියට නම් ලංකාවේ කාන්තා ප්රජාව සම්ප්රදායක් වශයෙන් ගිය හකුරට අඬා වැලපෙන්නට රුසියන්ය. වසර ගණනාවකට පෙර ෂිහාන් මිහිරංග නම් කොලුවෙක් සුපර් ස්ටාර් තරගයේ හයවැනියා ලෙස පරාජයට පත් වූ අතර එතැන් සිට සමස්ත ලංකා විලාප දී හැඬීමේ කාන්තා තරගය ආරම්භ විය. - >> යූ ඇන් පී ය කෙසේ කිවුවත් එතුමා විඳින්නේ එසේ මෙසේ දුකක් නොවේය. අච්චර හඩු පෙරාගෙන - කොණ්ඩේ අවුල් කර ගෙන අඩුම තරමේ හරි හමං උඩු රැවුලක් වත් නොතිබූ ගඩාෆි වටේ හිටියේද අතිශය සුරූපි , උද්යෝගිමත් ලලනාවන්ය. නමුත් යුද්ධය නිමා කළ,සාඩම්බර පෙනුමක් ඇති නිතරම අතේ වශී බෝලයක් තබාගෙන සිටින අපේ හිටපු ජනපති තුමන් වෙත ආකර්ෂණය වන්නේ හොටු පෙරාගෙන අඬන වියපත් කාන්තාවන්ය. ආච්චි නම් පවසන්නේ ඕවා දිට්ඨ ධම්ම වේදනීය කර්ම බවයි. වයස හැත්තෑවේදී තම සම වයස් කාන්තාවන්ට අම්මේ යැයි ඇමතීමෙන් සිදු කර ගත්තාවූ කුසල කර්මය හේතු කොට ගෙන එතුම දුටු දුටු තැන හැත්තෑවේ ආච්චිලාට තනි ඇහැට පවා ඇඬෙන බව ඇගේ මතයයි" තීරු ලිපියම කියවන්න

"තමා ජනපති මහින්ද මහතා පරදින බව දැන සිටි බව සුමනදාස නම් වූ යක්දෙස්සාණන් පවසා සිටි අතර ආච්චි පවසන්නේ එහෙනම් ජය ගන්නවා කියන්නට ඇත්තේ මැතිවරණ කොමසාරිස් මහින්ද දේශප්රිය ගැන බවයි.කෙසේ නමුත් ගාළු මුවදොර පිටියේ ජාතික වීරයන්ගේ පිළිම අතරට සුමනදාස ගේ පිළිමයක් තැබීමට තරම් ඔහු ජාතික මෙහෙවරක් කළ අයෙක් යැයි පවසන ආච්චි පවිත්රා වන්නිආරච්චි මහත්මිය ඔට්ටු ඇල්ලූ නිවස පිළිබඳව සොයා බැලුවාය. තමාත් නංගීත් මෙච්චර කල් වැටී සිටි ගෙදර ඔට්ටු අල්ලන බව ඇමතිනිය පැවසුවාය. පවිත්රා මැතිනිය සහ ඇගේම සහෝදරියක ජීවත් වූවානම් එක්කෝ අහළ පහළ එක ගෙදරක්වත් තිබෙන්නට බැරි බවත් සමහර විට බිහිරි පාසලක් නම් තිබෙන්නට පුළුවන් යැයි ආච්චි අනුමාන කරන්නීය. ආච්චිට හාල් ගරන ආකාරයත් , යශෝදරාවගේ මැරිටල් ස්ටේටස් පිළිබඳවත් සුසන්තිකා දෙසූ බණ ඇසූවන්ට ඉතිරිව ඇත්තේ ජේතවනයට ගල් ගැසීම පමණක් බව පවසන ආච්චි ලයිට් කපන විට පවා සති දෙකකට පෙර නෝටිස් දෙන බැවින් සෝමරත්න දිසානායක සහ ඔහුගේ ඇඹේණියට ඊ ළඟ ජනපතිවරණ දිනය කල් තියා දන්වන්නැයි නව ජනපති තුමන්ට දන්වා සිටියේ පිල් මාරුවකට සාධාරණ කාල සීමවක් අවශ්ය බැවිනි" තීරු ලිපියම කියවන්න 

"කසාදයක් කර ගත යුතු වයස එළැඹ ඇති බව මා කොතරම් පැවසූවත් පලක් වෙන පාටක් නැත. අපේ ආච්චි පවසන්නේ දැන් කාලයේ සිටින කෙල්ලන් සමග දීග යනවාට වඩා පොලිසිය සමග සැඟවූ ආයුධ පෙන්වීමට යාම හිතකරදායක බවයි. එහි ද ඇත්තක් නැත්තේ නොවේ. අද කාලයේ පොලිසිය කෙතරම් කාර්යක්ෂම ද කිවහොත් තව අවුරුදු දෙකක් ගත වෙන විට නීතිඥ වරුන්ට සහ නඩුකාර උන්නාන්සේලාට රස්සාවක් නැතිවේ යැයි මසිතේ සැකයක් පවතී . >> ඔය අතරවාරයේ විපක්ෂයේ පොදු අපේක්ශකයා විසින්තම මෑණියන්දෑ පැහැරගත් පවසමින් ළමා නළුවෙක් අයි.ටී.එන් නාලිකාවේ හොටු බේරෙන රඟපෑමක නිරත විය. අපේ ආච්චි පැවසුවේ සෝමරත්න - රේණුකා යුවල කරණම් නොගසා සිටියා නම් ඔය ළමයා යොදා තවත් ළමා චිත්රපටයක් නිර්මාණය කර රාජ්ය බලය යොදාගෙන ප්රදර්ශනය කරන්නට තිබූ බවයි" තීරු ලිපියම කියවන්න

"ඒ කතා වලින් වැඩක් නැත. අපේ ආච්චිගේ හිතත් විපක්ෂ මන්ත්රී පාලිත තෙවරප්පෙරුම මහතාගේ හිත වාගේමය. මේ දැන් කියූ දෙය තව මොහොතකින් අමතක කර දමන ආච්චි සියලුම පරණ කථා අමතක කර මේ දිනවල වර්ණ භේද වාදයට එරෙහිව නැගී සිටින්නැයි ඉල්ලා සුප්රකට රෝසා පාර්ක් මෙන් සටන්කාමිනියක් වී ඇත.මා දන්නා තරමින් ලංකාව තුළ එබඳු ගැටළුවක් නැති වුවත් ආච්චි සිතන පරිද්දෙන් මේ රට තුල කළු සමට ඇත්තේ අඩු සැලකිල්ලකි. ඒ කෙසේද පැවසුවහොත් කළු පාට ගෑවුණු කිසිම දෙයකට මේ රට තුළ අගයක් නොමැති නමුත් සුදු පැහැති සෑම දෙයක්ම පාහේ ප්රධාන ප්රවෘත්තියක් වේ. කැස්බෑවෙක් වේවා නයෙක් වේවා අතුරුදන් වී ඇත්නම් උන් සුදු පැහැති එවුන් වන අතර උන්ගේ වටිනාකම ද කියා මිල කළ නොහැක. - >> මෙම සිදුවීම පසු ගිය වසරේ සිදු විණි නම් මේ සුදු නයා තමාගේ ලොකු තාත්තා බවත් තමාට පීඩා කරන දුෂ්ටයින්ට දෂ්ට කිරීමට ලොකු තාත්තා සත්තු වත්තෙන් පැන ආ බවත් "නයි නළඟන" මවුබිම පත්තරයට පවසනු ඇති බව ඇයට විශ්වාසය.මේ ආකාරයට "සුදු" පාට හැම මගුලම අතුරුදන් වෙන්නට ගියොත් තව ටික කාලයකින් "ෆෙයාර් ඇන්ඩ් ලවුලි " සමාගම ලක් වාසීන් වෙනුවෙන්ම සම කළු පැහැ කරවන ක්රීම් වර්ගයක් හඳුන්වා දෙතැයි පවසන ඈ පොලිස් මාධ්යප්ර කාශක තුමා ඔහුගේ සුදු දත් ටික හංගාගෙන පච කෙලින්නේ මන්දැයි තමා තේරුම් ගත් බව ද පවසන්නීය" තීරු ලිපියම කියවන්න 

"ජාතික රූපවාහිනියේ සැළලිහිණියාටත් වඩා වැඩි වෙලාවක් රූපවාහිනී තිරයේ දිස් වන පොලිස් මාධ්ය ප්රකාශක තුමා ආර්. දුමින්ද සිල්වා මහතාට පසු හිරු නාලිකාවේ වැඩිපුරම දක්නට හැකි පුද්ගලයා බවට පත්ව ඇත. >> මේ අතරතුර රතු සාළුවක් සොයා ගත් අපේ ආච්චි කඩිමුඩියේ පරණ ට්රන්ක පෙට්ටියක් ද රැගෙන ගෙදරින් පිටත් වුවාය. නිරන්තරයෙන්ම සිංහල උපසිරැසි සහිත හෝ සිංහල හඬ කැවූ කොරියානු ටෙලි නාට්ය නරඹන බුද්ධිමත් ලාංකීය තරුණියක වන ආච්චි ගේ සිත චංචල බැවින් මා බියට පත් වුණෙමි. ඇය ජනතා විමුක්ති පෙරමුණේ සාමාජිකත්වය ලබා ගන්නට යන්නේයැයි සැකයෙන් ආච්චි පසුපස හඹා ගිය මුත් ඇය පැවසුවේ හැට පැන්නත් තවම හොට බිම ඇනී නැති බැවින් එවැනි තීරණයකට එළැඹීමට අවශ්ය නැති බවයි. ජනතා විමුක්ති පෙරමුණ ට දැන් ඉතිරිව ඇත්තේ සාමාජිකයන් කාලයක් තිස්සේ වැවු දිග රැවුල් පමණක් බව පැවසු ආච්චි අන්ජාන් උම්මාට රැවුලක් නැති බැවින් ඇයට ද ඇඩ්රස් නැති වී ඇතැයි සිහිපත් කළාය >> ඇය "දෙරණ - වාද පිටිය" හරහා ගොන්පොර බැලීමට තීරණය කර තිබිණ. දයාසිරි - හරීන් ගේ දේශපාලන දැනුමෙන්පිරී ඉතිරී ගිය වාද පිටිය නරඹන අතරමග කිහිපවරක්ම ජනේලය හැර ටොමියාට කෑ ගැසූ ආච්චිට සද්ද බද්ද එන්නේ මිදුලේ බලු පොරයකින් නොව දෙරණ වාද පිටියෙන් බව තේරුම් කර දීම පහසු වූයේ නත .එය නැරඹු පසු ඇය පවසන්නේ මින් ඉදිරියට ජනපතිතුමන්ගේ දෑත ශක්තිමත් කරන්නට අදහස් කර සිටින එක්සත් ජාතික පාක්ෂිකයන්ට නියමිත එන්නත් නිසි කලට ලබා ඇති බවට පශුවෛද්යවරයෙක්ගෙන් සහතිකයක් රැගෙන ඒම අනිවාර්යය කළ යුතු බවයි" තීරු ලිපියම කියවන්න

"ලාංකීය බොදුණුවන් ඇසල පොහොය එළැඹෙන්නට මත්තෙන්ම ආලෝක පූජා පැවැත්වීමට උනන්දු වූ අතර එහි ප්රතිපලයක් ලෙස අලුත්ගම - බේරුවල ප්රදේශයේ මුස්ලිම් කඩ සාප්පු ගිනි දෙවියන්ට බිලි වද්දී ප්රදේශය පුරා ඇඳිරි නීතිය ද ක්රියාත්මක කරන ලදී. >> අතපය කැඩුණු පිළිම වහන්සේලා පන්සල් වල බෝධි මූලය අසල දමා යන්නා සේ අතපය බැඳ දැමු සංඝයා වහන්සේලා පාලම් බෝක්කු අසලින් දමා යන යුගයක් උදා වී ඇත. වරෙක උසේන් බෝල්ට් ටත් වඩා වේගයෙන් දුවගොස් මහියංගන ප්රාදේශීය සභාවට වැඩම කළ ,තවත් වරෙක වානරයන්ගේ ටාර්සන් මෙන් ගස් මත වැඩම කළ වටරැක විජිත නම් වූ හිමි නම කැපුම් තුවාල සමග රෝහල්ගත කර තිබිණ. උන්වහන්සේ නොමිලයේ සුන්නත් කිරීමකට ද භාජනය වීමේ අවස්ථාවල ලබා ඇති බව පුවත්පත් වල සඳහන් ව තිබෙනු දුටු අපේ ආච්චි පවසන්නේ ලංකාව යනු භික්ෂුන් වහන්සේලාට හොඳින්ම සලකන රට බවයි" තීරු ලිපියම කියවන්න

"මේ අතර වාරයේ දැනට සිනමාහල්හි සාර්ථකව තිරගත වන "කොස්තාපල් පුඥ්ඥසෝම" නැරඹීමේ ආසාවක් හට ගත්තද අපේ ආච්චි ගෙන් එම අදහසට බාධා එල්ල විය. ඇය පවසන්නේ තුන්සිය හැටපස් දවස මුළුල්ලේම ප්රවෘත්ති වල පෙනී සිටින "පොලිස් මාධ්ය ප්රකාශක තුමන්" සිටින තාක් කල් අළුතෙන් "කොස්තාපල් පුඥ්ඥසෝම"ලා නැරඹීමට සල්ලි නාස්ති කිරීමට උවමනා නැති බවයි. >> අනුව එතුමා රූපවාහිනියට පැමිණ පවසන කථා එම චිත්රපට වල කතා මෙන්ම ඒකාකාරී වන අතර අවසානයේ සිදු වන්නේ කුමක් දැයි ඕනෑම පුත්තලම් බූරුවෙක්ට වුවද වටහා ගත හැකිය. වෙන්නට බැරි නැත. එතුමා පවසන පරිදි නිට්ටඹුවේ පොලිස් භටයන් විසින් පිටුපස සිට වෙඩි තබා ඇති අතරසිටි යතුරුපැදියේ පසුපස සිටි තරුණයාට වෙඩි නොවැදී එය ධාවනය කළ තරුණයාගේ ඇඟ ඉදිරිපසින් වෙඩි පහර වැදී ඇත.මේ පුවත අසා මාලි වික්රමසිංහ සහ පුෂ්පමාලි රාමනායක දෙදෙනා ඉලක්කයට වෙඩි තැබීමේ ඉසවුව සඳහා ඔවුන් විසින් දිනා ගත් පොදු රාජ්ය මණ්ඩල රන් පදක්කම් බේරේ වැවට විසි කරන්නට ඉඩ ඇතැයි ආචිචි පවසන්නීය" තීරු ලිපියම කියවන්න

"මේ අතර නවගත්තේගම ගුරුවරිය දණ ගැස්සු හිටපු ආණ්ඩු පක්ෂ මන්ත්රීවරයාට නීතිය ඉදිරියේ දණ ගැසීමට සිදු විය. තීන්දුවෙන් පසු මාධ්ය ඇමතූ ඔහු තමා ගුරුවරියක් හෝ සිසුවියක් දූෂණය නොකළ බවත් කුඩු විකුණුවේ නැති බවත් පවසා සිටි අතර සාපරාධි බිය ගැන්වීමට පමණක් වැරදිකරු වූ බව සාඩම්බරයෙන් ප්රකාශ කරනු ලැබුවේය. මෙය අසා සාපරාධි ලෙස බියට පත් වූ අපේ ආච්චි පවසන්නේ පසුගිය චන්දයේ දී එතුමාට නාමයෝජනා ලබා නොදීමෙන් රජය විසින් සාපරාධි වරදක් කර ඇති බවයි. ඉදින් එවර නාමයෝජනා ලැබිණි නම් , තවත් වරක් මන්ත්රී වරමක් හිමි විණි නම් , ඔය නොකළායැයි කී සකල සියලු දෑ කිරීමට එතුමාට ඉඩ අවකාශය ලැබෙන බව ඇය සිහිපත් කළාය" තීරු ලිපියම කියවන්න 

"ලෝක තරුණ සමුළුව අති සාර්ථක ලෙස හම්බන්තොට දී අවසන් වූ අතර 55 හැවිරිදි තරුණයෙක් වන ඩලස් අලහපෙරුම තරුණ මහතාට එහි සභාපතිත්වය හිමි ව තිබිණ. අසූ හැවිරිදි තරුණියක වන තමාද මෙම සමුළුවේ වැදගත් තනතුරකට ආරාධනා ලබා තිබුණද හදිසි අසනීප තත්ත්වයක් නිසා එයට සහභාගී වීමට නොහැකි වූ බව අපේ ආච්චි පැවසුවේ ඇගේ බොරු දත් කුට්ටම සහ වාතේ තෙල් බෝතලය කනප්පුව උඩ තබමිනි. >> මේ අතරතුර තරුණ සමුළුවට පැමිණි තරුණ පිරිස නයිජීරියාවේ බොකෝ හරාම් ත්රස්තයින් සිර කර සිටින ගැහැණු ළමුන්ව ආපසු දෙන ලෙස ඉල්ලා උද්ඝෝෂණයේ යෙදුණාහ. සාමාන්යයෙන් ලාංකීය පොලිසිය සහ හමුදාව උද්ඝෝෂණ වලට පන්න පන්නා පහර දීමටත් - වෙඩි තැබීමටත් උපන් හපන් කමක් දක්වන නමුත්, විදේශික තරුණයින්ගේ විරෝධතාවට අබැටක තරම් බාධාවක් සිදු නොකළහ. මෙය ඇසු අපේ විද්වත් ආච්චි පවසන්නේ මින් ඉදිරියට ආරක්ෂාකාරී පියවරක් ලෙස මීගමුවේ ධීවරයින් - කටුනායක ඇඟලුම් සේවකයින් - රතුපස්වල ගම්වැසියන් සහ පොළොන්නරු වී ගොවීන් ද ඉංග්රීසි භාෂාවෙන් උද්ඝෝෂණ කිරීම නුවණට හුරු බවයි. ඒ අතරවාරයේ "ඹ්‍රින්ග් බcක් ඔඋර් ගිර්ල්ස්" යනුවෙන් කෑ ගසන නයිජීරියානු තරුණියන් ඇමතූ අපේ ආච්චි පවසා සිටියේ තංගල්ල වෙරළ තීරයට හැර ඕනෑම තැනකට ඔය කියන ගෑනු දැරිවියන් ගෙන්නා ගත්තාට කමක් නැති බවයි" තීරු ලිපියම කියවන්න  

සංහිද ප්‍රකාශකයින්ගේ පොතක් ලෙස 2014දී එලිදැක්වුනු සහන් කසීරගේ ආච්චිගේ කොලම පොතේ දෙවෙනි කොටසත් ඉතා ලඟදීම එලිදක්වනවා ඇති.


Sunday, October 19, 2014

අකනිටා සමඟින් මරියසෙල් රුක්ශාන් සංගීත සැඳෑව . . !



මැදපෙරදිග රැකියා කරන / ජීවත් වෙන අපිට තියෙන්නේ හරිම එකාකාරී ජීවන රටාවක්

ඔෆිස් යන කෙනෙක් නම්
1. උදේ එලාම් එකට නැගිට්ටා
2. තේ එක බිව්වා, ටොයිලට් ගියා, දත් මැද්දා නෑවා වැඩට ගියා
3. යකා බැඳගත්තා වගේ වැඩ කලා (වැඩ අඩුයි නම් අයියෝ ලංකාවට මොකෝ වෙන්නේ කියලා ෆේස් බුක් එකේ පෝස්ට් දැම්මා / පෝස්ට් වලට කොමෙන්ට් දැම්මා / එක එකා එක්ක මරා ගත්තා)
4. හවසට ගෙදර ආවා - කෑවා, ටීවී බැලුවා / ෆිල්ම් බැලුවා / පොතක් බැලුවා
5. නිදා ගත්තා.
* සති අන්තේ නම් යාලුවෙක්ගේ ගෙදර ගිහින් හරි යායුවන්ට ගෙදර එන්න කියලා හරි උන් එක්ක දේසපාලනේ කතාකර කර අඩියක් ගැහුවා - පහුවදා කුජීත වෙන්න නිදා ගත්තා

වැටුප් රහිත බරපතලම රැකියාව කරන ගෘහනියක් නම්
1. උදේ එලාම් එකට නැගිට්ටා
2. ඉව්වා, ළමයි ස්කෝලේ යවන්න, හබියව ඔෆිස් යවන්න ලෑස්ති කලා - උන්ව පිටත් කලා.
3. ගෙවල් අස්පස් කලා, නෑවා, තියෙන තියෙක කෑවා-බීවා
4. ඉන්ටර්නෙට් එකේ ටෙලි නාට්ටි ටික බැලුවා.
5. බලා ගන්න අතදරු ළමයි නැති නම් වෙලාව ඉතුරු වෙලා තියේ නම් ටිකක් නිදා ගත්තා
6. හවස ළමයි ගෙදර මිනිහා ආවහම උන්ට කන්න හදලා දුන්නා, වලියක් දාගන්න චෑන්ස් එකක් තිබොත් පොඩි වලියක් දාගත්තා
7. ගෙවල් අස්පස් කරලා නිදා ගත්තා
* සති අන්තේ මිනිහා පාටි දානවා නම් එන අයට කෑම බයිට් හැදුවා කස්ටිය ගියාම බෝතල් විසි කලා, පහුවදා හවස් වෙනකම් ගෙවල් අස් කලා

ඔය ඒකාකාරී ලයිෆ් ස්ටයිල් එකේ දුවන ගමන් ෆේස්බුක් එකේ දකිනවා නෙලුම් පොකුණ රඟහලේ, යූත් සෙන්ටර් එකේ  අහවල් ප්‍රවීන ගායක / ගායිකා වගේ සංගීත සැඳෑව, සුගතදාස ස්ටේඩියම් එකේ ලයනල් රිචී, යානි ලයිව් ඉන් කොන්සර්ට්, ජෝන් ද සිල්වා එකේ අහවල් නාට්‍යය . . .

ඉතින් මැරෙන්න හදනවා "යකඩෝ මේ ජීවිතේ ණය ගෙවන්න මේ කාන්තාරේ ඇවිත් අපිට ඔය මොන මගුලක් වත් නෑ . . . ලංකාවේ ශෝස් වල ටිකට් රුපියල් පන්දාහයි දහදාහයි පාලොස්දාහයි ඒත් රුපියක් 30,000ක මාසෙ පඩිය ගන්න එකා උගේ පවුල පිටින් රුපියක් 10,000 ටිකට් වලට ශෝ එක බලන්න ගිහින් ෆේස් බුක් එකේ ෆොටෝ දානවා ඒත් මෙහේ ඉඳන් ඌ කරන රස්සාවට උගේ වගේ හතර පස් ගුණයක් පඩි ගත්තා උනත් එහෙව් එකක් බලන්න යන්න මට පින නෑ" කිය කියා .. . .

එහෙම කිය කිය මැරෙන්න හදන එවුන්ට මචන් මේ වීක් එන්ඩ් එකේ මියුසිකල් ශෝ එකක් තියෙනවා . . අහවල් අහවල් ගායක ගායිකාවෝ එන්නේ . . අහවල් හෝටලේ ඉන්ටර්නැෂනල් ඩිනර් එකත් එක්කම ටිකට් එකක් ඩිරාහ්ම්ස් 100යි 150යි කිව්වහම අර කියපු ඔක්කෝම ෆැක්ට්ස් (ලංකාවේ ශෝ රසවිඳින්න නැත් වීම, ලංකාවේ උන්ට වඩා හතර පස් ගුණයක් පඩි වැඩි කම, පොඩි ගානක් ඉපැයුවත් ලංකාවේ ඉන්න උන් පට්ට ෆන් එකේ ජීවත් වීම බ්ලා බ්ලා බ්ලා) අමතක කරලා "අම්මෝ ඩිරාහ්ම්ස් 100ක්ද" කියලා අහනවා ස්ටාර් හොටෙල් එකක ඩිනර් එකටම ඩිරාහ්ම 100ත් 150ත් අතර ගානක් යන බව දැන දැනත්. .

හරි ඔය වැල් බයිලා නෙමේ මට කියන්න ඕන උනේ මේ 23 වෙනි බ්‍රහස්පතින්දා රෑ 8 ඉඳන් සිරි ලාංකික අපිට සුපිරි ආතල් එකක් ගන්න අවස්ථාවක් මමත් සාමාජිකයෙක් වෙච්චි එක්සත් අරාබි එමීරයේ "අපේ කට්ටිය" මිතුරු සංගමයෙන් සංවිධානය කරලා තියෙනවා. 

මේ ප්‍රසංගයට සහභාගී වෙන ජනප්‍රිය ගායිකා "මරියසෙල් ගුණතිලක" සහ "රුක්ෂාන් පෙරේරා" දෙපල සහ සංගීතය සපයන එක්සත් අරාබි එමීරයේ අතිදක්ෂ වාද්‍ය වෘන්දය "අකනිටා වාදක මණ්ඩලය සමඟ එකට එකතු වී ගී ගයන සිංග් එලෝන්ග් සෙසන් විතරක් නෙමේ ප්‍රසංගය පවත්වන ඩුබායි නගරයේ රැඩිසන් බ්ලූ හෝටලයේ මහ විශාල සzබීල් බෝල් රූම් ශාලාවේ ඩාන්සින් ෆ්ලෝ එකේ දාඩිය දාන කම් හිතමිතුරන් එක්ක නටන්නත් පුලුවන්.

මුලින් 24  වෙනි සිකුරාදාට සලසුම් කරලා තිබ්බ ප්‍රසංගය 23 වෙනි බ්‍රහස්පතින්දා සවසට දාගන්න උනා 24 වෙනිදට ආගමික නිවාඩු දිනයක් යෙදෙන බැවින් 24 දවස මධුපානය තහනම් දිනයක් වෙන නිසා.

70 දශකයේ ක්ලැරන්ස් විජේරත්න මහතා ප්‍රමුඛ කන්ඩායම් සංගීත ලෝලීන් අරඹපු වේගරිද්ම පමනක් නොවන 70 දශකයටම ආවේනික අපූර්ව සංගීත ආභාෂයක් තියෙන මරියසෙල් රුක්ශාන් ගේ සංගීත සැඳෑවක්  - මදුවිතේ රසවිඳින සහෘදයන්ට මදුවිතෙන් සප්පායම් වෙලා ගායනයට වාදනයට අනුගතව ඩාන්ස් කරමින් විඳින්න ලැබීමත් මදුවිත තොල නොගෑවත් ගායනයෙන් සංගීතයෙන් මත් වෙන්න පුලුවන් සහෘදයන්ට ඒ මධුර සංගීතයෙන් ගීතයෙන් මත් වෙලා රඟන්න ලැබීමත් - තුසිත දෙව්ලොව සුරයන් මාධුර්යෙන් ආනන්දයෙන් නලවාපු කාමෝත්සවයක් නොවන සුයාම පූජවක් වෙයි කියලා හිතෙන්නේ නැද්ද?

ඉර එලිය වැටුනාම සං ගාලා වාෂ්ප වෙන තණකොල අගිස්සවල් වල තියෙන පිනි බින්දු වගේ ජීවිතේ - කොයි වෙලාවේ පොඃ ගාලා මැන්ටලේ ගහලා යයිද කවුද දන්නේ . . . එහෙව් එකේ මේ කාන්තාරේ අම්මා - තාත්තා, සහෝදර - සහෝදරියෝ, සමහර වෙලාවට බිරිඳ - දරුවෝ පවා ලඟපාත නැතුව දුක් විඳින ජීවිතේ පොඩ්ඩක් වෙනසකටත් එක්ක අඩියක් ගහලා, සින්දුවක් අහලා, ඩාන්ස් කරලා ජොලියක් දාන්න වරෙල්ලා බන් . . මෙහෙම අවස්තා හමදාම තියෙනවා කියලද . . නෑ නේ  . .. !!

හරි ඔන්න එහෙනම් හැමෝම එන්න මේ සුපිරි සංගීත සැඳෑවේ රසයෙන් මත්වෙලා සතුටු වෙන්න . . 

දවස: ඔක්තෝම්බර් 23 වෙනි බ්‍රහස්පතින්දා රාත්‍රී 8ටේ ඉඳන් 

තැන: ඩුබායි රෙඩිශන් බ්ලූ හෝටලයේ සාzබීල් බෝල් රූම් ශාලාවේ 

ටිකට් මිල: ඉන්ටර්නැෂනල් ඩිනර් එකක් සමඟින් වැඩිහිටි - ඩිරාහ්ම්ස් 175/- අවුරුදු 12ට අඩු 6ට වැඩි දරුවන් සඳහා ඩිරාහ්ම්ස් 75/- 

ටේබල් එකක වටේට පුටු 10ක් තියෙනවා - යාලුවෝ 10ක් එක්ක එනවා නම් ටේබල් එකක්ම වෙන් කර ගන්න පුලුවන්

තව ටිකට් වැඩිම උනොත් 100ක් ඉතුරු වෙලා ඇති. කෑම බීම සඳහා 

අවසාන හෙඩ් කවුන්ට් එක හෝටලේට දැනුම් දෙන්න ඕන නිසා හෙට 20 වෙනිදායින් පස්සේ ටිකට් විකුන්නන්නේ නැති බවත් මතක තියා ගන්න.

කොහොමටත් ප්‍රසංගය අවස්තාවේදී ටිකට් විකිනීමක් නම් කෙරෙන්නේම නැති බවත් කියන්න ඕන.




Thursday, April 24, 2014

අපේ සැටලයි එක.

ඊයේ පෙරදා ෆේස්බුක් එකේ දැක්කා මෙදා සැරේ බස්නාහිර පලාත්සභාවේ වීඩියෝ එකක්. ඒකේ තිබුනේ සභාවේ චන්ද විමසීමක් අතරතුර එක මන්ත්‍රී කෙනෙක් වට පිට බල බල කොලේකින් කාක්කෙක් හදලා විදින සීන් එකක් ඔව් ඔව් යකෝ අර අපි දෙකේ තුනේ පන්තිවල ඉන්නකොට විදපු කාක්කෝ හෙවත් රොකට් එකක් තමා . .

ඒක මම මගේ ෆේස්බුක් එකේ ශෙයා කලේ "රොකට් රෝහිත මේක දැක්ක ගමන් තාත්තට කියලා මේ යකාව ගන්නවා පලාත්සභාවෙන් පාර්ලිමේන්තුවට . . . " කියලා පොඩි කෙටි සටහනක් දාලා.

ඒ වෙලාවේ හිතුනා කෝ යකෝ අර ලංකාවේ අපි යැව්ව සැටලයිට් එක කියලා පෝඩ්ඩක් හොයලා බලන්න . . .

මෙන්න වදේ ගූගල් කලාම එනවා ශ්‍රී ලංකා මිරර් කියන සයිට් එකක විස්තරක් "ලංකාවෙන් එහෙම එකක් යවලා නෑ " කියලා විද්‍යාත්මක කටයුතු පිළිබඳ ඇමති මහාචාර්ය තිස්ස විතාරණ මහතා පවසයි. කියලා පෝස්ට් එකක්

"පසුගිය වසරේදී ශ‍්‍රී ලංකා රජය චීන සමාගමක් හා එක්ව චන්ද්‍රිකාවක් අභ්‍යවකාශ ගත කලේ යයි පැවසුවද එවැනි චන්ද්‍රිකාවක් ශ‍්‍රී ලංකාව අභ්‍යවකාශ ගත කර නැතැයි විද්‍යාත්මක කටයුතු පිළිබඳ ඇමති මහාචාර්ය තිස්ස විතාරණ මහතා පවසයි.


ඔහු මේ බව පැවසුවේ එජාප පාර්ලිමේන්තු මන්ත‍්‍රී අජිත් සී පෙරේරා විසින් අසන ලද ප‍්‍රශ්ණයකට පිළිතුරු ලෙසය.


අමාත්‍යවරයා වැඩිදුරටත් එහිදී සඳහන් කර ඇත්තේ චීනයේ හා ශ‍්‍රී ලංකාවේ පෞද්ගලික සමාගම් දෙකක් එවැනි කටයුත්තක් ක‍්‍රියාත්මක කර ඇති බවයි.


2012 නොවැම්බර් 27 දා සවස චීන වේලාවෙන් 6.13 ට චීනයේ සීචුඇන් ප‍්‍රදේශයේ ඇති සිචැන්ග් චන්ද්‍රිකාව ගුවන්ගත කිරීමේ මධ්‍යස්ථානයේ සිට චයිනාසැට්-12 නම් මෙම චන්ද්‍රිකාව අභ්‍යාවකාශ ගත කළ බවද, එය නිවැරදි කක්ෂයට ළඟා වූ බව සහ චන්ද්‍රිකාව නිවැරදිව කි‍්‍රයාක්මක වන බවද චීන නිල ප‍්‍රවෘත්ති සේවය වන සිනිහුවා ප‍්‍රවෘත්ති සේවය පසුදා වාර්තා කළේය.


එය චයිනා සැටලයිට් කොමියුනිකේෂන් සමාගමේ 13 වැනි වානිජ චන්ද්‍රිකාව වන අතර ආසියාව, අපි‍්‍රකාව සහ යුරෝපයේ සේවාදායකයන්ට මෙයින් සේවා ලබා ගත හැකි බවද පැවසිණ.


ප‍්‍රංශයේ තේල්ස් ඇලීනියා ස්පේස් ආයතනය නිෂ්පාදනය කළ චන්ද්‍රිකාව ලෝන්ග් මාර්ච්-3ඊ නම් ප‍්‍රවාහන රොකට්ටුව ආධාරයෙන් අභ්‍යාවකාශගත කර තිබිණ. එය ලෝන්ග් මිර්ච් ප‍්‍රවාහන රොකට් මාලාවේ 173 වැනි ගුවන්ගත කිරීම වෙයි.


මෙය ශ්‍රී ලංකාවේ චන්ද්‍රිකාවක් බව ආණ්ඩුවේ මාධ්‍ය වාර්තා කර තිබුනද, මෙම චන්ද්‍රිකාව සහ ශී‍්‍ර ලංකාව සම්බන්ධයක් පිළිබඳව චීනය නිකුත් කළ පුවත් වාර්තාවේ සඳහන් නොවින."


ආච්චිගේ රෙද්ද

යකෝ මේක පුදුම අපහාසයක්නේ . . . මේ හාල් පාරු අපිට නෙමේ අපේ රටේ ප්‍රධාන පුරවැසියගේ බාල පුතාට මේ අපහාසේ කරන්නේ.

එතකොට අර වීඩියෝ ප්‍රෝගෑම් පුරා රෝහිත පුතා කිව්ව මහා ලොකු වියදමක් දරලා යැව්වේ ආච්චිගේ රෙද්දද?

බොරු නම් බලපල්ලා මේ වීඩියෝ එක



අනික ඒ වෙනුවෙන් සෑහන ගානක් වියදම් කරලා ඔෆීසියල් සිංදු හිටන් හැදුවනේ.

ඔව් ඔව් බන් අර මිනිස්සු උඩ බලන් ඉන්න සීන් තිබ්බ වීඩියෝ එක තමා. බාතිය සන්තුෂ්ලානේද ඒක කලේ. . .
මේ තියෙන්නේ ඒ වීඩියෝ එක


මේ විදිහට ජනාදිපතිගේ පුතාට රටේ ප්‍රවීන ගායකයන්ට අපහාස කරන්න ඇමතිලට බලය දුන්නේ මොකාද?

මම නම් කියන්නේ ඒක තනිකරම ජාත්‍යාන්තර කුමන්ත්‍රණයක් . . අපි මේවට එරෙහිවෙන්න ඕන . . සිරි ලාංකිකයෝ විදිහට අපේ දේවල් අපේ තාක්ෂණය අගය කරන්න ඕන . . 


ඒක නෙමේ ප්‍රශ්නේ කෝ බන් හැබෑට රෝහිත යවපු සැටලයිට් එක?

අහ් මේන් ඉන්නවා අර කාක්කෝ යවපු මන්ත්‍රී . . .

මේන් තියෙනවා කාක්කෝ ගහපු වීඩියෝ එක . . 



රොකට් ගැසීම අවුරුදු ක්‍රීඩා වලට එකතු කලොත් මොකද කියලා චාමියා කිව්වහමයි මතක් උනේ මේ අවුරුදු ක්‍රීඩාවක් උනු හොඳම හිනාව වීඩියෝ එකත් මේකට එකතු කරන්න. රෝහිත මල්ලිගේ සැටලයි එක ගැනත් මේකේ කෑල්ලක් තියෙනවා. උඹලා පෝස්ට් එකවත් අනිත් වීඩියෝ වත් නොබැලුවත් කමක් නෑ මේ වීඩියෝ එක බලහල්ලා . . .

Thursday, February 16, 2012

හස්බන්ඩා සහ වයිපරේ . . . !!


කස්ටිය තරහා වෙන්ට එපා ඕන් ඈ . .

අදත් ඊමේල් එකකින් ආපු එකක් දැක්කාම මට මේකත් ඔයාලත් එක්ක බෙදා හදා ගන්නේ නැතුව බැරි උනා . . .

මේක කියවද්දීත් මැරෙන්න හිනා උනා හැබැයි . . .

සමහර ඒවා නම් කලින් අහලා තිබ්බ ඒවා . . .

කොහොම නමුත් කියවලා ම බලන්නකෝ . . .

මේකේ තියෙන ඒවා සකච්චා කරන්න ගිහින් 3 වෙනි 4 වෙනි ලෝක යුද්ද ඇති වුනොත් එහෙම අපි නෑ හරිය

. . . . . . .. . . .. . . .

Husband texts to wife on cell..

"Hi, what r u doing Darling?"

Wife: I'm dying..!

Husband jumps with joy but types "Sweet Heart, how can I live without U?"

Wife: "U idiot! I'm dying my hair.."

Husband: "Bloody English Language!

. . . . . . .. . . .. . . .

Angry wife to her husband

An Angry Wife To Her Husband 0n Phone:

"Where d Hell Are You ...?"

Husband: Darling You Remember That Jewellery Shop Where You Saw The Diamond Necklace n Totally Fell In Love With It n I Didn't Have Money That Time n I said "Baby It'll Be Yours 1 Day ... "O:)

Wife, With A Smile & Blushing: Yeah I Remember That My Love!

Husband: I ‘m in the Pub Just Next To That Shop

. . . . . . .. . . .. . . .

A Special Package for Business Men.

An Airline Introduced A Special Package For Business Men.

Buy Ur Ticket Get Ur Wife's Ticket Free.

After Great Success, The Company Sent Letters To All The Wives Asking How Was The Trip.

All Of Them Gave A Same Reply..."Which Trip?"

. . . . . . .. . . .. . . .

Husband was seriously ill

Husband was seriously ill. Doc to wife: Give him healthy breakfast, be pleasant & in gud mood, don’t discuss ur problems, no tv serial, don’t demand new clothes & gold jewels,

Do this for 1 yr & he will be ok.

On the way home.. Husband: what did the doc say ?

Wife:- .No chance for u to survive

. . . . . . .. . . .. . . .

An intelligent wife

''An Intelligent Wife Is One Who Makes Sure She Spends So Much

That Her Husband Can't Afford Another Women"

. . . . . . .. . . .. . . .

New SIM to surprise her husband

Woman Buys A New Sim Card Puts It In Her Phone And Decides To Surprise Her Husband Who Is Seated On The Couch In The Living Room.

She Goes To The Kitchen, Calls Her Husband With The New Number:

"Hello Darling"

The Husband Responds In A Low Tone:

"Let Me Call U Back Later Honey, The Dumb Lady Is In The Kitchen..

. . . . . . .. . . .. . . .

Wife treats husband

A Wife Treats Hubby By Taking Him To A Lap Dance Club For His Birthday ..

At The Club: Doorman Says: Hi Jim How R You?

Wife Asks: How Does He Know You?

Jim Says: Oh Dear, I Play Football with Him

Inside Barman Says: The Usual Jim ?

Jim Says To Wife: Before You Say Anything, He's On the Darts Team in My Local

Next A Lap Dancer Says: Hi Jim

Do You Crave Special Again?

The Wife Storms Out Dragging Jim With Her & Jumps Into A Taxi..

Driver Says "Hey Jimmy Boy, You Picked Up An Ugly One This Time.."

Jim's Funeral Is On Sunday

. . . . . . .. . . .. . . .

Cool message by a wife

Dear Mother-in-law,

"Don't Teach me how 2 handle my children, I'm living with one of yours & he needs a lot of improvement"

. . . . . . .. . . .. . . .

Lion bounced on wife

In an African Safari, A LION suddenly bounced on Santa's wife.

WIFE: Shoot him! Shoot him!

SANTA: Yes, Yes. I'm changing d battery of my camera..

. . . . . . .. . . .. . . .

Throwing knives on wife's picture

Husband was throwing knives on wife’s picture.

All were missing the target!

Suddenly he received call from her "Hi, what r u doing?"

His honest reply, "MISSING U"

. . . . . . .. . . .. . . .

I will think about it

When a married man says "I'll think about it",

What he really means that,

He doesn't know his wife's opinion yet..

. . . . . .. . . .. . . .

Habbit of talking in sleep

A Lady to Doctor: My husband has habit of talking in sleep! what shud i give him to cure?

Dr: Give him an Opportunity to speak wen hez awake

. . . . . .. . . .. . . .

Head & Neck of the family

It is said that Husband is the head of the family,

but remember that wife is the Neck of the family & the Neck can turn the Head exactly the way she wants.

. . . . . .. . . .. . . .

What is the Difference between Mother & Wife?

A - One Woman Brings U into this world crying...

& the other ensures U Continue to do so.

. . . . . .. . . .. . . .

To whom do you owe your success as a millionaire

Interviewer to Millionaire: To whom do you owe your success as a millionaire?"

Millionaire: "I owe everything to my wife."

Interviewer: "Wow, she must be some woman.

Interviewer: "What were you before you married her?"

Millionaire: "A Billionaire"

. . . . . .. . . .. . . .

I look at your picture and the problem disappears

Wife: You always carry my photo in your handbag to the office. Why?

Darling: When there is a problem, no matter how impossible, I look at your picture and the problem disappears.

Wife: You see, how miraculous and powerful I am for you?

Darling: Yes, I see your picture and say to myself, "What other problem Can there be greater than this one?

. . . . . . . . . . . . . .

Do you know the meaning of WIFE?

Husband asks: Do you know the meaning of WIFE? It means...

Without Information, Fighting Everytime!

WIFE says: No darling, it means:

With Idiot For Ever

. . . . . . . . . . . . . .

Wife wish 2 be a newspaper

Wife: I wish I was a newspaper so I would be in ur hands all day.

Husband: I too wish that u were a newspaper so I could have a new one every day.

. . . . . . . . . . . . . .

Husband, wife & spare tyre

HUSBAND and WIFE are like 2 tyres of a vehicle.

If 1 punctures, the vehicle can't move further

Moral: Always Keep a SPARE TYRE....

. . . . . . . . . . . . . .

WIFE IS DANGEROUS

LOVE IS LIFE

LIFE IS WIFE

WIFE IS KNIFE and

KNIFE IS DANGEROUS

. . . . . . . . . . . . . .

What if you don't see me for 2 days?

A man came home late at night after a party.

His wife yelled: "how would you feel if you don't see me for two days?"

The man couldn’t believe his luck: 'that would be great'!

Monday passed and he didn’t see her......

Tuesday and Wednesday passed too.....

On Thursday his swelling became better

And now he could see her from the corner of one eye.

. . . . . . . . . . . . . .

Why women starts with W

You know why women starts with 'W'...

because all questions start with "W".. !

Who ?

Why ?

What ?

When ?

Which ?

Whom ?

Where ?

&

Finally Wife..!!!

. . . . . . . . . . . . . .

NATURAL DISASTERS JUST HAPPEN

Nobody teaches Volcanoes to erupt,

Tsunamis to devastate,

Hurricanes to sway around

& no one teaches How to choose a Wife,

NATURAL DISASTERS JUST HAPPEN.

. . . . . . . . . . . . . .

Difference between Friend & Wife

Difference between Friend & Wife

U can Tell ur Friend "U r my Best Friend"

But Do u have courage tell to ur Wife "U r my Best Wife?"

. . . . . . . . . . . . . .

Recently fired stock trader

A recently fired stock trader said ...

"This is worse than divorce... I have lost everything

and I still have my wife..."

. . . . . . . . . . . . . .

Your husband needs rest

Doctor: Madam, your husband needs rest and peace, so here are some sleeping pills.

Wife: Doc, when should I give them to him?

Doctor: They are for you.!!

. . . . . . . . . . . . . .

මේකේ ඒවා ගොඩක් බටහිර රටවලට අදාල ජෝක්ස් . . අපේ අයට අදාල ඒවා තියෙන්නේ නම් කීපයයි . ..

ඔන්න අපි කලින් අවවාද කලා හොඳේ . . . .

හික් හික් හික්

Saturday, August 20, 2011

හුචක්කුවේ අතුරු කතා . . . !


මෙහේ යූ ඒ ඊ වල මගේ හොඳම මිතුරෙක්ගේ බිරිඳයි දරු දෙදෙනායිත් පාසැල් නිවාඩුවට මෙහේ ඇවිත්. (යාලුවා කවුද කියලා නම් කියන්න බැරියෝ.)

ආපු දා ඉඳන් දෙගොල්ලෝම කොහේ හරි යමු කිය කිය හිටියට අපේ නිමක් නැති ගමන් බිමන් එක්ක එයාලා එක්ක එහේ ගිහින් සෙට් වෙන්න කාලයක් ලැබුනේම නෑ.

බැරිම තැන දවසක් යාලුවා කතා කරලා දුමීලගේ ගේ තියෙන තැන ඇහුවා. (දන්නවනේ දුමී ගෙදර අපිට බාර දීලා නිවාඩුවට ලංකාවට ගිහින්)

"අද උඹලා ගෙදර හිටපල්ලා. අපි එනවා උඹලා ඉන්න දිහාවේ"

"හරි වරෙන්, මට එලියට යන්න තියෙනවා. එක වාහනයක යමු. උඹලවයි අපේ ගෙදර උන්දෑවයි ෂොපින්ග් මෝල් එකක දාලා මම මගේ වැඩේ කරගෙන එන්නම්" මම කිව්වා

යාලුවයි පවුලේ අයයි ඇවිත් තේ එකක් බිව්ව විතරයි, ගෑනු දෙන්නට කෝප්ප හෝදන්න කාලයක් හම්බ උනෙත් නෑ යාලුවගෙන් ප්‍රශ්නයක්.

“අනේ මචං අර ෆේස් බුක් එකේ තිබුනේ හුචක්කුව කියලා වීඩියෝ එකක්. මම ඒක ගැන මේ මනුස්සයට කිව්වා. මෙයා මාත් එක්ක වලි දානවා ඒක මම ගොතපු කතාවක් කියලා. ඒක මට ආපහු හොයා ගන්න බෑ මෙයාට පෙන්නන්න. උඹේ ෆේස් බුක් එකේ ඒක තියෙනවද?”

"මමත් දවසක් දැක්කා. ඔක්කෝම බලන්න බැරි උනාද කොහෙද"

අපේ උන්දැත් කිව්වා

"අයියෝ ඒක හොයන එක එච්චර අමාරු නෑ"

මම යූ ටියුබ් එක ඕපන් කරලා හුචක්කුව කියලා ටයිප් කරලා වීඩියෝ එක අරගෙන ප්ලේ වෙන්න දැම්මා.

"උඹලා ඕක බලපල්ලා" අපි දුමීලගේ සාලේ ඉඳගෙන ටී වී බලන්න පටන් ගත්තා.

මේ පහල තියෙන්නේ ඒ හුචක්කුව වීඩියෝ එක තමයි ඕන්.

නොදැකපු කෙනෙක් ඉන්නවනම් මුලින්ම මේක බලලම ඉන්න.


ටික වෙලාවකින් කිචි කිචි සද්ද සහ මුනු මුනු සද්ද ඇහුනත් අපි ඇහුනේ නෑ වගේ හිටියා.

ටික වෙලාවකින් මෙන්න බිරින්දෑ වරු දෙන්නා එනවා හුචක්කුවේ අතුරු කතා ටික අරගෙන

1. අර මනූස්සයා එක්කෝ ගෑනි මැරිච්ච කෙනෙක්, එහෙම නැති නම් ඩිවොස් වෙච්චි කෙනෙක් (නැත්නම් කොහොමද ඔහොම බය නැතිව ඇත්ත කතා කරන්නේ. . හික්ස්)

2. ඒත් නැත්න්ම් මේ වීඩියෝ එක ඒ මනුස්සයගේ ගෑනි දැකලා නම් එහෙම ඒ මනුස්සයා මේ වෙනකොට ජීවතුන් අතර නෑ.(හෆොයි අසරන මනුස්සයා)

3. ඔය ඔෆිස් වල බෙන්ස් කාර් උනත් ගෙවල් වල ඉන්නේ හුචක්කු වගේ තමයි අනේ (දෙයියනේ බෙන්ස් කාර් වලට ගිය කලක්)

4. හුහ් යමන්කෝ අද ෂොපින් . . . අපිටත් බෙන්ස් කාර් වෙන්න පුලුවන් කියලා මේ දෙන්නට පෙන්වන්න (අපේ උන්දෑ එයාගේ සප්ලිමන්ටරි ක්‍රෙඩිට් කාර්ඩ් එක හෑන්ඩ් බෑග් එකට දාන ගමන් කියනවා - ඇයි දෙයියනේ මම කිව්වැයි ඔයා හුචක්කුවක් කියල . . . ) යාලුවගේ බිරිඳත් යාලුවගේ අතින් අල්ලගෙන එලියට යන්න ආවා.

5. අර ගෙදර ආවහම බිරිඳව අතගාලා ප්‍රබෝදමත් කරන්න කියන්නේ. මෙයාලා ආපු වෙලාවේ ඉඳන් එක්කෝ කොම්පීටරේ ලඟ නැත්නම් ටී වී එක ඉස්සරහා. අපිට තනියෙම අතගාගෙන ප්‍රබෝදමත් වෙන්න තමයි වෙන්නේ (මේ අතුරු කතාව ඇහුවේ මහ රෑ දෙගොඩ හරියේ නිදා ගන්න යද්දී තමයි හික් හික් හික් හෆොයි අරූට කොහොමෙයි ඕවා කියන්නේ)

දැන් මේ සිදුවීමට දවස් ගානක් නිසා ඔක්කෝම අතුරු කතා මතක නෑ වගේ අප්පා.

පස්සේ මේ හුචක්කුවේ දෙවෙනි කොටස බලද්දෙ තමයි තේරුනේ මෙතුමා අපේ දයාබර කතා කරුවෙක් වන සරත් විජේසූරිය මහත්තයා බව.

මගේ නඩුව ඉවරයි, නිරානන්දය, සතුටින් ජීවත් වෙන හැටි වගේ පොත් එතුමා ලියපුවා.

ඇත්තෙන්ම ගෑනු පිරිමි හැමෝටම ප්‍රයෝජනවත් කරුනු රාසියක් එතුමාගේ කතාවේ තියෙනවා.

පලමු කොටස විනාඩි 6යි තත්පර 11යි.

ඒත් දෙවෙනි කොටස විනාදි 41යි තත්පර 20යි.

දෙමව්පියන්ගේ ආදරය අපි අඳුනා නොගන්නා හැටි.

පොඩි ප්‍රශ්නයක් උනත් මහා ලොකු ප්‍රශ්නයක් කරගෙන විඳවන හැටි.

පොඩි ප්‍රශ්නයක් උනත් පවුල් අවුල් වෙන තරම් දුර දිග යන හැටි.

පිරිසිදු කම ගැන අපි විශේෂ සැලකිල්ලක් නොදක්වන එකෙන් වෙන පවුල් ප්‍රශ්න.

අඬවැඩියා සංගීතය අසන්නන් ට දැනෙන හැටි.

කෙනෙක්ගේ පෞරුෂය ගැන අනෙක් අය සොයන්නේ කොයි අකාරයෙන්ද බව.

පවුලේ සාමාජිකයින් අතර සන්නිවේදනයේ අඩු ලුහුඬුකම්.

පෙම් කරන කාලයේ තිබූ ආලය විවාහයෙන් පසුව දියාරු වී යන හැටි.

ඔය ආදී විශාල පරාසයක මාතෘකා මේ විනාඩි හතලිහේ සුලු කාල සීමාවේදී එතුමා විග්‍රහ කරන අයුරු හරිම අපූරුයි. සිත් ඇද ගන්නා සුලුයි. සිත කම්පා කරනවන සුලුයි.

අපි අනවශ්‍ය දේවල් කරන්න කාලය කොයි තරම් නම් කැප කරනවද.

ඒ නිසා ඒ විනාඩි 41 බලන එක අපරාදයක් කියලා මොහොතකට වත් හිතන්නේ නැතුව මේ පහල තියෙන මුලු විඩියෝවම බලන්නයි කියා මම ආදරයෙන් ඉල්ලා සිටිනවා.


Tuesday, August 24, 2010

චූචි චීචර්ට වෙච්චි දේ . . . හෆොයි . . .!!




අර මම කලින් ලියපු ඇටසැකිල්ලේ කතාව මතකයි නේද . . ?, ඇයි අප්පා අර හදිසියට ඇටසැකිල්ල කියලා ලියන්න ගිහින් පලමු දවසේ නිසා චකිතයට පොඩි අකුරු ටැපලිල්ලක් වෙලා අකරතැබ්බයකට මූන දුන්නු ටීචර්ගේ කතාව . . හරි දැන් මතකයිනේ මතක නැත්නම් මෙන්න මෙතනින් ගිහින් ඒක බලලා එන්න . . .

. . . . . .

හරි හරි . . . අද මම කියන්න යන්නේ ඒ ජාතියෙම තවත් ටීච කෙනෙක්ට වෙච්චි තවත් අකරතැබ්බයක් ගැන කතාවක් . . .

මේකත් මම ඇහුවේ දැක්කේ කොහේදිද කියලා නම් ඉතිං හාංකවිසියක මතකයක් නෑ ඕන් . ..

. . . . . .. . . .. . ..

හරි කතාවට බහිමුකෝ දැන් . . .

ඔන්න තවත් අලුත් ටීච කෙනෙක්ට මූලික පත්වීම ලැබුනලු බොහෝම දුෂ්කර පලාතක

ඉතිං මේ ටීචත් සූට් කේස් එකකට ඇඳුම් කැඩුම් ටික සාරි හැට්ට ටික අඩුක් කරගෙන කොලඹින් නැග්ගලු ටීචගේ ඉස්කෝලේ තියෙන පැත්තේ ටවුන් එකක නතර කොරන බස් එකකට.

ඒ බස් එක හතර වරම් ගහලා ගහලා ටවුන් එකේ නවත්තන කොට හොඳටෝම හවස් වෙලාලු.

බැහැපු ගමන් චූටි ටීචර් විපරම් කලාලු ඉස්කොලේ තියෙන ගමට යන බස් එක ගැන . . .

මනුස්පයෙක් පොඩි හුංඩුවක් වගේ වෑන් කට්ටක් පෙන්නලා කිව්වලු "ආං නෝනේ ආං අර බස් එක තමයි ඔය ගමට යන අන්තිම බස් එක . . .” කියල . .

අපේ චූටි ටීචත් එක අතකින් සාරියත් පැත්තකින් උස්සගෙන අනිත් අතින් සූට් කේස් එකත් උස්සගෙන දුවලා දුවලා ගිහින් නැග්ගලු අර මොරගහ හේනේ පොල් පටෝපු බස් එක වගේ බස් එකට

දන් මේ ටීච කොන්දොස්තර ළමයට කියලා ඉස්කෝලෙට හැරෙන හන්දියෙන් බැස්සලු . . . ඒත් එක්කම තව අවුරුදු 3ක විතර පුංචි කොලු පැටියෙක් වඩා ගත්තු අම්ම කෙනෙකුයි කොලු පැටියගේ අප්පච්චි කියලා හිතන්න ඇහැක් මනුස්සයෙකුත් බැස්සලු.

බැහැලා බැලින්නම් හතර අත කට්ට කලුවරයිලු.

ටීචර් අර මනුස්ස පරාන දෙකෙන් ඇහුවාම ඉස්කොලේ තියෙන්නේ කොයි හරියෙද කියලා අර කොලු පැටියගේ අප්පච්චි කිව්වලු "අනේ නෝනේ ඉස්කෝලේට මෙතන ඉඳන් මයිල හතරක විතර දුරක් යන්ට වෙන්වා නොවෑ . . " කියලා

ඒ මනුස්සයා එක පාරටම මයිල කිව්ව ගමන් ටීචර්ව පොඩ්ඩක් අන්දොස් උනු බව දැක්ක ගෑනු කෙනා " ඒ කිව්වේ නෝනේ මේ හැතැප්ම හතරක්" කියලා මනුස්සයගේ කතාවට ගෑනු කෙනා නැටි කෑල්ලක් එල්ලුවලු.

"මේ අපේ ස්කෝලෙට අලුතෙන් එන ගුරුතුමී වෙන්ටැ . . . සතා සරුපයියා හක්කලන් කොරන මේ වෙලාවේ ගුරු නිවාසෙට යන්ට ඇහැකිය . . ?? ඇහැක් විදිහට අද අපේ දිහා ඉඳලා හෙට උදානැක්කේ ගුරු නිවාසෙට යන්ට බැරුවායැ" කියලා අර ගෑනු කෙනා මනුස්සයගෙන් අවසර ඉල්ලන බැල්මක් දාගෙන කිව්වලු.

"අනේ අක්කේ ඒක නම් ලොකු උදව්වක්" කියලා ටීචර් ස්තූතිපූර්වක බැල්මක් දෙන්නටම දැම්මලු.

කොහේදෝ තිබිලා හුලු අත්තකුත් පත්තු කරගෙන තුන් හතර දෙනා යන ගමන් අර මනුස්සයා "හැබැයි නෝනේ ඒ වුනාට අපේ ගෙදර එහෙමට ඉඩ පාඩු නම් නැතෙයි" කියලා කිව්වහම

“කමක් නෑ අයියේ මට අද රෑට විතරයිනේ කියලා ටීචර් ඒක ශේප් කලාලු.

දැන් ඉතිං ඔන්න කට්ටියම ගෙදරට ආවලු.

කටු මැටි ගහපු මේ ගෙදරට තියෙන්නේ එකම එක කාමරයයිලු. කනු හිටෝපු පිලක් දාපු පොඩි ස්තෝප්පුවේ පැලළි දොරෙන් ඇතුල් වුනාම මේ කියපු කාමරේ ඉන් එහා තව පැලළි දොරක් ඇරියාම ගෙට එහාට වෙන්න තියෙන කුස්සියලු. කට්ට කලුවරේ නිසා ටීචර්ට මේ කිසි දෙයක් හිතා ගන්නත් බෑලු.

ගෙදරට ඇවිත් අර ගෙදර ගෑනු මනුස්සයා ටීචර්ව කාමරේට එක්ක ගිහින් ඇඳුම් මාරු කරගෙන ඇවිත් මූන කට ඩිංගක් හෝදගෙන කෑවායින් නොකෑවයින් නිදා ගන්නලු ලෑස්තිය.

කොලු පැටියගේ අම්මයි තාත්තයි කාමරේ පැදුරක් එලලා හෙලිකොට්ටෙන් නිදාගෙන හිටපු කොලු පැටියව පැදුරේ තියලා "ගුරුතුමී එහෙනම් මේ කාමරේ තියෙන අපේ එකම ඇඳේ නිදා ගන්ට . . අපි දෙන්නා ඉස්තෝප්පුවේ පැදුරක් දාගෙන නිදා ගන්නම්. කොලු පැටියා ඉස්තෝප්පුවේ නිදා ගත්තොත් පිනී බායිනේ . . ඒක නිසා ඌව මෙතන බිමින් නිදි කලා " කියලා ටීචර් ස්තූති කරද්දී ගෙදර තිබුනු එකම කුප්පි ලාම්පුවත් අරගෙන කාමරෙන් ඉස්තෝප්පුවට යන්න තිබුනු පැලැළි දොරත් වහගෙන ගියාලු.

කට්ට කලුවරේ කොහු ලනු මෙට්ටේ එහාට මෙහාට ඇඹරී ඇඹරී ඉන්නවා මිසක් ටීචර්ට නින්ද අහලක වත් නෑලු . . .

ඔහොම පැයක් දෙකක් ඉන්න කොට අපේ මේ ටීචර්ට එනවලු අම්බානක පිප්පි බරක් . . .

මේ කෑලි කපන්න පුලුවන් කලුවරේ කාමරේ දොරක් කොහේ තියෙයිද කොහාට කියලා යන්නද කියලා නොදන්න ටීචරුත් ඉවසගෙන ඉන්නවලු දැන් එලිවෙයි දැන් එලිවෙයි කියලා . . .

ම්ම්හූ එලිවෙන පාට කෙසේ වෙතත් තව ඉවසගෙන හිටියොත් මුත්‍රා බොක්ක පැලයි වත්දෝ කියලා හිතලා කොහොමද මේ බරෙන් නිදහස් වෙන්නේ කියලා හිත හිත ඉන්න ටීචර්ගේ ටිකිරි මොලේට ආවලු නියම අයිඩියා එකක් . ..

ටීචර් කලුවරේ අත ගගා ගිහින් අර කොලු පැටියව උස්සගෙන ඇවිත් තිබ්බලු ඇඳ උඩින් . .. තියලා කොලු පැටියා නිදාගෙන හිටපු පැදුරේ පිප්පි කලාලු . . . "දැන් හරි දැන් ඉතිං මේක වැටෙන්නේ මේ කොලු පැටියගේ එකවුන්ට් එකටනේ" කියලා හිතලා ආපහු කලුවරේ අත ගගා ඇවිත් කොලු පැටියව ආපහු පැදුරෙන් තියන්න ඒකාව වඩා ගන්න හදනකොට ටීචර්ට ආපහු පාරක් චූ බර හැදෙන වැඩක් වෙලාලු . ..

පොඩි එකා ඇඳේ කක්කි දාලලු . . ..

. . . ..

pic taken from : http://lagringasblogicito.blogspot.com/

Thursday, August 5, 2010

ඇටසැකිල්ල



මගේ බ්ලොග් එකේ තියෙන වෙන්න හිනා කරදර ඉවත දමා කියන කැටගරි එකට යමක් ලියන්න ඕන කියලා දවස් ගානක් හිත හිත හිටියා.

ම්හු කෙටි ඒත් හිනා යන දෙයක් මතක් කර ගන්න අමාරු වුනා.

මාගල් වගේ දිග කතා නම් තියෙනවා ඒත් කෝ ලියන් න වෙලාවක්.

ඔහොම ඉන්න කොට ඊයේ මගේ සොඳුරු ත්‍රස්තවාදියා උඩට එකක් අඳින්නේ නතුව කටු බොඩිය පිටින් ඉන්න්කොට අපේ ගෙදර උන්දෑ "බලන්නකෝ මේකගේ හැටි ඇටසැකිල්ල විතරයි" කියලා කියපු ගමන් සං ගාල මට පරන කතාවක් මතක් වුනා.

හැබැයි මේ පරන කතා කියද්දී දාන කොන්දේසිය මතකයිනේ කවුද මේක කලින්ම කිව්වේ කොහෙන්ද මේක හොයා ගත්තේ ඔන්න ඕව්ව අහන්න බෑ හරිය මොකෝ මට ඒවා මතකම නෑ . ..

හරි මෙන්න කතාව

අපි ස්කෝලේ පහේ හයේ වගේ ඉන්නකොට (මතක හටියට) එක පාරක් රුපියල් දාහේ පඩියට වැඩකරන්න ගුරුවරු බඳවා ගත්තා.

මේ ගුරුවරු ගුරුවරියෝ ගොඩක් වෙලාවට හරිම තරුණ අය. මේ අය අයට ඒ කාලේ කොල්ලෝ කෙල්ලෝ කිව්වේ දාහේ කෑලි කියලයි මට මතක හැටියට.

අපේ ස්කෝලේටත් ආවා මේ දාහේ ගුරුවරියෝ කීපදෙනෙක්ම ඒ අයගෙන් සමහර අය හරිම ලස්සන අක්කලා.

අපේ ස්කෝලේ පිරිමි පාසලක් නිසා අපේ ලොකු අයියලා ඉස්සර මේ ලස්සන ටීචර්ස්ලාට හරියට උදව් කලා අපි දැක්කා. කොච්චරද කියනවනම් මේ අයට එක පංතියක ඉඳලා තව පන්තියකට තනියෙම යන්නවත් දෙන්නේ නෑ වැටෙයි එහෙම කියලා . . හික්ස්

අතුරු කතා එපා . . . ආපහු කතාවට එමු.

හරි ඔන්න ඉතිං මේ වගේ එක ටීච කෙනක්ට ලැබුනු පත්වීම මිශ්‍ර පාසලක්ලු. ලැබුනු පන්තිය හත වසරලු. විශය සෞඛ්‍යලු.

ඔන්න ඉතිං මේ ටීච පලමු දවසේ කකුල් දෙකත් මැඩ්ලින් ගහ ගහ ගියාලු පංතියට. ළමයින්ට ආයුබෝවන් ළමයි කියලා සුභපතලා එහෙම . .

"ළමයි මම තමයි අද ඉඳලා ඔයාලගේ සෞඛ්‍ය ටීචර් . . . මගේ නම . . .. .. ගම . .. . . බ්ලා . . . බ්ලා . . . බ්ලා . . . කියලා

"හරි ඔයාලා මේ පංතියට වෙනකම්ම සෞඛ්‍ය ඉගෙන ගත්තානේ . . අපි බලමු ඔයාලගේ සෞඛ්‍ය පිලිබඳ දැනීම" කියලා කළු ලෑල්ලේ තඩි පොල් ගෙඩි අකුරින් ලිව්වලු "ඇටසැකිල්ල" කියලා . ..

ලියලා ඉවරවෙලා මේසෙට හේත්තු වෙලා ළමයි දිහා හිනාවක් එහෙම දාගෙන කිව්වලු හරි දැන් මේ ළමයි මේ ගැන ඔයාලා දන්න දේවල් අහලා තියෙන දේවල් . . දැකලා තියෙන දේවල් කියන්න කියල . . .

පංතියේ ගෑනු ළමයි ඔක්කෝම ඇස් උඩ තියාගෙන බලන් ඉන්නවලු . .. කොල්ලෝ අත් වලින් කටවල් වහගෙන හිනාව හිර කරගෙන ඉන්නවලු . . .

ටීච හිතුවලු "හහ් . . මුන් මේ මගේ පලවෙනි දවස හිංදා මට රැගක් දෙන්න වෙන්න ඇති හදන්නේ" කියලා හිතලා . . ."ඔයාල මෙච්චර කල් මොනාද ඉගෙන ගත්තේ . . කොයි ලෝකෙද ජීවත් වුනේ" කියලා ටිකක් තදින් ඇහුවලු . ..

ඒත් නෑළු කිසි වෙනසක් . . . ආපහු ටිකක් තරහින් වගේ කිව්වළු "මේ ගැන කිසි දෙයක් කියන්න දන්න එක ළමයෙක් වත් නැද්ද මේ පන්තියේ" කියලා . . .

ඔන්න ගෑනු ළමයින්ගේ පැත්තේ එක කටකාර වගේ කෙල්ලෙක් නැගිට්ටලු . . .

නැගිටලා වට පිට බලලා කිව්වලු . . .

"ටීච ඕක අපේ ආච්චිට තිබුනේ නෑ . . ඒක නිසා අපේ අම්මට තිබුනෙත් නෑ . . අම්ම්ට තිබුනේ නැති නිසා මටත් නෑ . . . ඒත් . . . ඕක අපේ සීයට තිබුනා . . . ඒක නිසා අපේ තාත්තටත් තිබුනා . . . තාත්තට තියෙන හින්දා තමයි මල්ලිටත් තියෙන්නේ කියලා අපේ අම්මා නිතරම තාත්තට බනිනවා මට ඇහිලා තියෙනවා" කියලා කිව්වලු . .. .

පන්තියේ කෙල්ලෝ කොල්ලෝ ඔක්කෝම හූ කිය කිය උඩ පැන පැන හිනා වෙන්න ගත්තලු . ..

ටීච ෆුල් අඤ්ඤකොරොස්ලු කෙල්ලගේ මේ කොහේටවත් නැති උත්තරේ හින්දා . . . .

දැම්මලු හීනියට දාඩිය පාරකුත් . . .

සාරි පොටෙන් දාඩිය පිහිදගෙන ආපහු බැලුවලු කළු ලෑල්ල දිහා . . .


මල කෙලියයි . . .


ටීච "ඇටසැකිල්ල" කියලා කළු ලෑල්ලේ ලියද්දී චකිතය හින්දා පොඩි ටැපලිල්ලක් වෙලාලු

මේ ලිපිත් කියවල බලන්න

Related Posts with Thumbnails