දවස් තුන !

මාසයක් පුරා විදි
ඉහිලුම් නොදෙන තනිකමට
තාවකාලික කොමාවක් තබන,
ගුවන් යානයේ වේගය
ඉතාම මදි යැයි සිතෙන,
දොරකඩවී බලා ඉන්නා
ආදරණීය දෑස් දකින තුරු
නොයිවසිලි ගැස්මක් පපුවේ පිරුනු  . . .
පළවෙනි දවස

ඒ පැත්ත බලා
මේ පැත්ත බලන ටිකට
ගෙවී නිමවෙන,
උදේ සිට රෑ වෙනතුරු
එහේ මෙහේ දුවන,
අම්මට වචනයකට වත්
ඉඩක් නොදී
අයියයි නංගියි තරගෙට මෙන්
තොරතෝංචියක් නැතුව
අප්පච්චී අප්පච්චී කියා දොඩවන,
නොදැනීම රෑ වෙද්දී
අයියෝ දවස ඉවරයි කියා සිතෙන . . . .
දෙවෙනි දවස

දරු දෙදෙනා ඇගට තුරුලුකර
රෑ එලිවෙන තුරා නිදාගෙන,
එලාම් එකට සාප කරමින්
උදේට ඇහැරෙන,
විනාඩි ගානක් ගතකර
තවත් මාසයකට ඇතිවෙන්න
ජීවන සුවද හොදින් විද,
ඇහේ කදුලු හිතේ පතුලේම ගුලිකොට
තවත් මාසයක දුෂ්කර ක්‍රියාවට
දොරින් එලියට බසින . . .
තුන්වෙනි දවස !

ඒ කාලය ආයේ පතමි !

ගඟට කැපූ ඉනි ගංදියෙ පාවෙනවා බලා උනිමි
පළගැටියෙකු විලසින් නුඹ පහන් දැල්ල වෙතම ඇදුනි
මහාමෙරක් උසට තිබුනු සෙනෙහස හෙමි හෙමින් ලිහුනි
හදේ කොනක සුව නොවෙනා තුවාලයක කබොල දැනුනි

මතක පොතේ පිටු පෙරළන හැම මොහොතෙම පපුව දැවුනි
සෙනෙහස සිහිවෙන මොහොතෙම අමාරුවෙන් දැස වසමි
කිසිම කෙනෙක් නොමැති තැනක කඳුලු දෝරේ ගලා යවමි
එක ගුලියට එකට උන්නු ඒ කාලය ආයේ පතමි

වෙන වටිනා දෙයක් නැතත් ආදර මිණි පළිගු තුබුණි
සොර සතුරෙක් පැමිණ සියලු මිණි මුතු හැංගුවා වැනී
අභිමානෙද ආදරයද එක කාසියේ දෙපැත්තෙනී
කවුද වැරදි කවුරුද හරි සිතා ගන්න කොහෙත් බැරී . . . !

Pic from: https://unsplash.com/photos/GIK1tsETnXI

කුසුමක සුසුමක් !

ඔබ
මඩ වගුරු බිමක
අහම්බෙන් පීදුනු
රතු රෝස ගසක,
සුවඳ හමන
රෝස කුසුම !

මේ මඩ වගුරේ
මල් නෙලන්න
කවුරු නම් ඒදැයි
සුළඟට ගතු කියාපු
රෝස කුසුම

වගුරු බිමට නිතර නිතරම
වටු කුරුළු බිත්තර
දඩයමේ ආ
කුරුළු දඩයක්කරුට
පෙම් බැන්ද
හිතුවක්කාර කුසුමිය

මලක් නම්
පුදසුනක පිදෙනු බැරිනම්,
ලොවට සුවඳ දී
ගසේම මිලින වීම
සැපයකැයි කී සුළඟට
නෝක්කාඩු බස් දෙඩූ
රූමතිය

ලොවම නිදිගත් රාත්‍රියක
ප්‍රේමය නම් මෙයැයි කියා
නපුරාට බහ දුන්
පෙම්වතිය

නපුරාගේ අත පත්ව
එකින් එක පෙති සිඳිදී යද්දී
කඳුලු පිරුනු දෑසින්
සුළඟට දෙස බැලුවාට
දුකින් කඳුලු හෙලනු මිස
සුළඟ වෙන කුමක් කරන්නද !


https://unsplash.com/photos/3FySzt4df70

තුන්සිත දැහැන් ගත වෙනා . . !

මගේ මැණික ඔන්න කිව්වා, අර ලොකු රිදී පාට තිරේ දිග ඇරෙන කතා වල හිටියට, ඒවායේ ඉන්න ජාතියේ, උදේ නැගිටලා පාන් ටෝස්ට් කරලා - බිත්තර ස්ක්‍රැම්බල් එක්ක - තේ එක ඇඳ ලඟට ට්‍රේ එකක ගෙනත් දෙන ප්‍රේමවන්තයා නෙමේ මම.

ඔයා මොන ගොංකම කලත් හිනා වෙලා "ආ ඒකට කමක් නෑ අපි ඒක හදාගමු" කියන, වැඩ ඇරිලා ගෙදර එනකොටම "ඔයාගේ ෆේස්බුක් ප්‍රොෆයිල් පික් එකට අද හවස හාට් රියැක්ෂන් දාපු සක්කරවට්ටම කවුද" වගේ ජාති කියලා ඇඟට ගොඩවෙන්න හදනවනම් - හිනා වෙලා විහිලුවක් කරන ප්‍රේමණීය පෙම්වතා නෙමේ මම.

ෂූටින් ගිහින් ආපු ගමන් ඇඳගෙන ආපු ඇඳුම් ගලෝලා හිතෙන හිතෙන තැන් වලට විසිකරන, උදේට නාලා ඉවර උනාම බිම ඉහිරුනු වතුර වයිප් නොකරන, නිදිමත ආපු ගමන් සැටියේ වැටිලා ගොරෝ ගොරෝ නිදියන, චූ කරද්දී කොමඩ් එකේ ලිඩ් එක ඉස්සුවත් ෆ්ලෂ් කරන්න අමතක වෙන්න ඉඩ තියෙන, සරල සාම්ප්‍රදායික ප්‍රේමවන්තයෙක් තමා මම හොඳේ !

ම් ම් ම් හා එහෙනම් මම ඒවට හැඩගැහෙන්න ට්‍රයි කරන්නම්කෝ . .

හැබැයි රත්තරන් ඔයා දැන ගන්න මමත් රේඩියෝ එකේ - ටීවී එකේ - ස්ටේජ් එකේදි අහන් ඉන්න  රසිකයන්ගේ ඇස් වලින් කඳුලු එන ජාතියේ දුක් ගී කිව්වට, වැලහින්නි වගේ අඬා ගත්තු ගමන් ඉන්න ගෑනියෙක් නෙමේ මම.

ගී පද රචකයෝ රචනා කල ජීවිතේ මේ තරම්ම සුන්දරද කියලා ගී පද ගැයුවට හැබෑ ජීවිතේදි සර්වශුභවාදී විදිහට ජීවිතේ දකින ගෑනියෙක් නෙමේ මම.

උදේ යද්දී බායි කියන්න අමත උනොත් මුලු දවසෙම තරහින් ඉන්න; මගේ අතින් වීදුරුවක් කැඩුනොත් හොරෙන් කුනු කූඩෙට දාන - ඔයා ඔයා එකක් බින්දොත් "මේ ගෙදර හැමදේම විනාස කරනවා" කියලා මාසයක් විතර ආඩපාලි කියන; අවුරුදු 10කට 15කට කලින් දවසක හරි ඔයා කරපු වැරැදි වල දිනය - දවස - තැන - අවස්ථා සම්බන්ධය මතක තියාගෙන ඉන්න, මට ඕන ඕන වෙලාවට ඒවා මතක් කරලා රන්ඩුවෙන; ලොකේ වටේම ට්‍රිප් එක්ක ගියත්, යන්න බැරි උනු එක තැනක් ගැන කියලා "මාව කොහේ වත් එක්ක ගිහින් නෑ" කියලා චෝදනා කරන හරිම සරල පෙම්වතියක් තමයි මාත් හොඳේ !

තුන්සිත දැහැන් ගත වෙනා
සිතුවිලි සසල කරවනා
පදවැල් අතර ගැයෙන
ස්වරයෙ සප්ත වරුණ
සිත ළඟ ගයනවද ඔයා . .

තුන් පැය අතර නිමවෙනා
මතකය අතර රැ‍ඳවෙනා
සිනමා පටයෙ රැ‍ඳෙන
සුන්දර සිහින රැඟුම
හිත ළඟ රඟනවද ඔයා . .

නෙතකට කඳුළ ගෙන දෙනා
නරඹන සිතද හඬවනා
දුක්බර ප්‍රේම රැඟුම
සුන්දර පියවි ලොවක
රඟන්න කියන්නට එපා . .

තනිකම සිතට කැඳවනා
තනිවම සිතින් වැලපෙනා
දුක්බර විරහා ගැයුම්
සුන්දර පියවි ලොවක
ගයන්න කියන්නට එපා . .

පෙම්බර වදන් වැල් විනා
දුක්බර දෙබස් නම් එපා
සිනමා ලොවක මිසක
දිවියක සැබෑ ලොවක
දුක්බර රැඟුම් නම් එපා . .

සුන්දර අදහසක් කියා
දුක්බර පදවැලක් ලියා
සත්සර අතර මිසක
සුන්දර සැබෑ ලොවක
දුක්බර ගැයුම නම් එපා

Pic from

ඇගේ ඇස අග !

ඇගේ ඇස අග

කඳුලකට පුලුවනි නම්

ඇහි පිල්ල්මක් යට

සදාකාලිකව නිදන්න

මහා වැස්සක් වගේ

කඩා හැලිය යුතු

අවස්තා මඟ හරිමින් සිටින්න !



ආදරයකට නොහැකි ඇයි

පවුව කොනක හෙමිහිට සැඟව ඉන්න

ආදරේ දැනෙන වෙලාවලදී

ඇස් පියාගෙන රසයවිඳින්න

ලෝකයට නෑහෙන්න

රහසින් හිනාවෙන්න ?

අපි රඟමූ-නටමූ-ගයමූ-වයමූ තුටින තුටින සැවොම එක්වෙලා !

මේ අවුරුද්දේත් SLQS  එකේ  Mid Summer Get Together එක කරන්න අපේ SLQS එකේ  කස්ටිය ලක ලෑස්ති වෙනවා.

වැඩේ බොහෝම වර්ණවත්ව අපූර්වත්වයකින් ඉදිරි පත් කරන්න ල සහ පවුල් වල අය වැඩි දෙනෙක්ගේ සහභාගීත්වය ඇතුව කරන්න ඕන කියන එක මගේ අදහස.

​මොකද ​SLQS Mid Summer Get Together ​එක පටන් ගැන්මෙදි ​​පවුල් වල අය ගිම්හාන නිවාඩුවට ලංකාවට ගියාට පස්සේ මෙහේ තනිවෙන ​QS​අන්කල්ලා සහ ​QS ​කොල්ලෝ එකතු වෙලා සමරණ තනිකඩ වසන්තය ජාතියේ ගෙට්ටුවක් උනාට පස්සේ ඒක, සාමාජිකයන්ගේ සහ පවුල් වල අයගේ ටැලන්ට් ශෝ එකක් බවට කාලීනව පරිවර්ථනය උනා.
​
එහෙව් එකේ වැඩි දෙනෙක්ගේ කලා හැකියාවන් පෙන්වන්න මේ පහල ජාතියේ අයිටම් මම යෝජනා කරන්න හිතුවා
​Dance Items: ​
1.     70’s Sinhala film stars - 70දශකයේ සිංහල චිත්‍රපටි වල ගීත වලට නර්ථනය

2.     70’s bollywood film stars - 70දශකයේ හින්දි චිත්‍රපටි වල ගීත වලට නර්ථනය

3.     Baila / Kapirigngna Dance - බයිලා ගීත ගීත වලට කපිරිඤ්ඤා නර්ථනය (මහාමෙරක් ලෙසට, ඉස්සර රජ කාලේ නොවෙයි දැන් මේ කාලේ, කීර්ති පැස්කුවල් ගේ ස්පැනිෂ් ගීතය)

4.     Love from Africa - ඇෆ්‍රිකන් ගෲප් ඩාන්ස් එකක්

5.     Latin American dance - සල්සා, සම්බා, ටැන්ගෝ චචා ආදී ලති ඇමෙරිකානු නර්ථනය (Despacito, Lambada, Hips don’t lie)

6.     Tap dance

7.     Udarata Dance - උඩරට නැටුම්

8.     Pahatharata Dance - පහතරට නැටුම්

9.     Wadi Dance-  වැදි නැටුම් (ග්‍රැන්විල්ගේ "ඔටා දමඥ්ඥා මර මර ඔටා දමඥ්ඥා, නිල් බමුනා  ගිරා මොටයා ඔටා දමඥ්ඥා" සහ "නංගීට බැඳපු මල් වියනයි" වැනි ගීත)

10.  Devil Dance - යක් නැටුම් (සන්ෆ්‍රවර්ස්ලගේ "යමලොව ඉපදුන - හොඳ හොඳ වැඩ දෙන සොමියට බර අපි සොමි කාරයෝ" "ඩෙන්න ඩෙනා නාඩෙන ඩෙන ඩෙනා ඩෙනෝ" වගේ ගීත)

11.  Break dance

12.  Hip Hop

13.  Falk Dance - ගැමි නැටුම් - සඳසාවී මා සඳ මඩලේ පාලුවේ මෙදා ගීතයට හෝ ක්ලැරන්සෙගේ ඇල දොළ පිරුනා කුඹුර සරු වුනා ගීයට හෝ ක්‍රිස්ටෝපර් පෝල් ගේ ඇළ දොළ ගංගා යාවෙ ගලා ගීයට රෙදි හැට්ට ඇඳි ගෑනු ළමයි සහ සරොම් බැනියම් ඇඳි පිරිමි ළමුන්ගේ නැටුමක්

14.  Russian Dance රුසියන් ගෲප් ඩාන්ස් එකක් - ඉවාන් පවුලූෂා ගීයට ඩාන්ස් එකක්

15.  Singapore / Malaysian Dance  සින්ගපූර් මැලේෂියන් ගෲප් ඩාන්ස් එකක් (පට්ට ලස්සන ඇඳුම් ඩිසයින් කරන්න පුලුවන් මේ ඩාන්ස් වලට)

16.  Japanese Dance - ජපන් ගෲප් ඩාන්ස් එකක් (කිමෝනා ඇඳපු ගෑනු ලමයිගේ කන්ඩායම් නැටුමක්)

17.  Brazilian Dance - බ්‍රසීල් ගෲප් ඩාන්ස් එකක් (පාට පාටින් ඩෙකරේට් කරපු පිහාටු වගේ ඒවායින් හදපු ඇඳුම් ඇඳි පිරිසකගේ ඩාන්ස් එකක්)




​Music Items:
1.     Trumpet Paly by Prabhath Hettiarachchi

2.     Group Band play by Srinath Mahendra’s band

3.     Sadadara Jothi Mashup - ජෝතිගේ ලස්සනම ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

4.     Aruna Kirana

​ ​ - පිනිබර යාමේ සැවුලන් හඬලනවා, අද ඉපැදුනු නැවුම් ලොවට, පිණි බිඳුමුතු මල් සැනකෙලියේ​
5.     CT - Rukmani Mashup - පුන්සඳ හිනැහෙන්නේ, මල්බර හිමිදිරියේ, කිමද සුමිහිරියේ මේ අරුමේ, සින්හින ලොවේ මිහිර මැවූ මාලී, මී වදයකී ජීවිතේ, රෑ පැල් රැකලා පැල් කවි කියලා, අනේ ඩින්ගක් ඉන්නකෝ ඔය දෑත පොඩ්ඩක් දෙන්නකෝ

6.     Jothi – Anji Mashup - ජෝතිගේ සහ ඇන්ජලීන්ගේ ලස්සනම චිත්‍රපටි ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

7.     Sinhala film songs Mashup - සිංහල චිත්‍රපටි ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

8.     Bollywood film songs Mashup - හින්දි චිත්‍රපටි ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

9.     Baila Mashup - බයිලා ගීත ගීත කොටස් එකතු කර විනාඩි 8-10ක පමන මෑෂ් අප් සෙෂන් එකක් - මුලු ගතම වෙහෙසුනා, ගොලු හදවත් විවර කරන්න, නෝනේ මගේ සුදු නෝනේ, ගෙලේ රන්මාල දා හැඩවී, පොල් කටු හැන්ඩේ මිට වගේ රූබර ඇගේ ආදරේ, සීටින් අයියේ කියමුද බයිලා ලස්සන තාල දමාලා, ආදරේට ඇස් නැති හන්ඩා ඉසෙබෙල් මම ඔයාව බැන්දා, සුරන්ගනීට මාලු ගෙනවා

10.  Wada Baila session -

11.  Calipso Mashup - මල්බර හිමිදිරියේ, සුවඳයි මුවේ මල් පැනී, මාලී රුවන් මාලී, මුහුදු රැල්ල ඔස්සේ, මී ඇබ වනයේ ගී හද පතුරා, මන්ගෝ කලු නැන්දේ

12.  We miss you Wijaya - විජය කුමාරතුන්ග ගේ ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක් - රැල්ලෙන් රැල්ලට පාවෙන ඔරුවේ, ගඟ අදහර මා සිහිල් සෙවනේ සැනහී, පායා සීත රැයේ, දඟ ගෙයි දඬුවම් සියුමැලි වැඩිනම්, එක වරක්, වළාකුලක් ගෙන මුවා කරමු හිරු, ඔබ නෙතු මාහා රන්දා, සැරයටියෙන් අපි යනෙන තුරා, ඔරුකඳ පාවී දියඹට යාවී

13.   Maestro Kemadhasa memorial session -  සෙවනේ කුඹුක් සෙවනේ, දේදුන්නෙන් එන සමනලුනේ, සුමුදු සයනේ සිඳු ඇතිරිල්ලෙන්, උදුම්බරා හිනැහෙනවා, සුළඟ වගේ ඇවිදින්, අම්මාවරුනේ, ළඳුනේ, පවනට සැලෙනා, අඳුරු කුටිය තුල, සීත රෑ යාමේ අඳුරේ,

14.  Sadadara Milton - සදාදර මිල්ටන් - මිල්ටන් මල්ලවාරච්චිගේ ගීත කොටස් එකතු කර විනාඩි 8-10ක පමන මෑෂ්අප් සෙෂන් එකක්

15.  Tamil Song Mashup

16. English Songs Mashup
​
තව අයිඩියාස් දෙන්න පීස් !

බැඳුනාද - ලිහුනාද . .?

ලඟදී facebook එකේ අපූරු සටහනක් දැක්කා.

මිතුරු-නෑදෑ-හිතවත් බැඳීම වලින් බැඳිලා ඉඳලා, ඒ බැඳීම ලිහිල් වෙලා හෝ උවමනාවෙන් ගලවා දමලා ඉවර වෙලා ආපහු වර්තමානයේ සිදුවෙන සිදුවීම් පැරණි බැඳීම එක්ක සමපාත කරලා බලද්දී හදවතින්ම එන වේදනාවක් අකුරු කිරීමක් කියලා හිතුනේ.

ඒ වචන ඇතුලේ . . 

ලඟින්ම හිටි කාලේ සමහරු අරයා මෙහෙමයි - මෙයා අරෙහෙමයි කියද්දී, හැමෝටම ඇති බැඳීමට හෝ ජන්මයෙන් ලද එහාට මෙහාට කේලාම් කියන්න බැරි පුරුද්ද නිසා කිසි කෙනෙක්ට කිසි දෙයක් නොකියා ඉඳලා අන්තිමේදි එහේට මෙහේට කියපු අය මාර හිතවතුන් විදිහට පෙනී හිටිමින් නිශ්ශබ්දව හිටි එකා වැරදි කාරයා කිරීමක වේදනාබර දෝංකාරයක් තියෙනවා . . .!

ඒ වචන ඇතුලේ . . 

ලඟින්ම හිටි කාලේ එකිනෙකාට උදව් උපකාර පිහිටවීම් වෙනවානේ. ඒ සිදුවීම් අනිත් එකා කිසි දෙයක් නොකර අනුන්ගෙන් උදව් ලබා ගත් එකෙක් විදිහට වෙන් වෙලා ගිය අය කියූ බවක් තුන්වෙනි පාර්ශවයන්ගෙන් අහන්න ලැබුනාම දැනෙන වේදනාවක දෝංකාරයකුත් තියෙනවා . . .!

කොටින්ම අර ෆන් ෆේස්බුක් පේජ් පෝස්ට් වල තියෙනවා වගේ "අන්තිමට දිය යටින් ගින්දර ගෙනිච්ච උන් ඔක්කෝම හොඳ උන් වගේ එක පැත්තක - කියන්න තියෙන දේ කෙලින් කියන එකා වැරදිකාරයා වෙලා පැත්තක" වගේ වුනාම දැනෙන කුරිරු සතුටක දෝංකාරයකුත් ඒ වචන අස්සේ තියෙනවාද හිතෙනවා !