උනුහුමට තුරුල් වී පපුවට
සීරුවට කිරි උරා බිව්
තනයක් අයින් කරනවායි ඇසූ විට
කඳුලක් නොහෙලා ඉන්න ඇහැකිද
මහමෙරක තරමට ආදරේ විඳපු
වයසට ගියපු උනත් දරුවන්ට
හැමෝටම හොඳ ටික බෙදා
වළඳේ අන්තිම දන්කුඩ ටිකෙත්
හොඳ ටික පිඟානකට හෙලා
වළඳේම කටක් දෙකටක් කා
බඩ පිරුනු බවක් අපිට පෙන්නා
හිනා වී අත හෝදපු . . . අම්මා
අනෙකා නොකල දේවලට
දොස් කියන එක දමා පසුවට
හැකි පමනටත් වඩා තව ටිකක්
කන් කෙඳිරියක් නැතුවම
දරුවන්ට සහෝදර සහෝදරියන්ට
යුතුකම් ඉටු කරන . . . අම්මා
කියන්න ඕනෑ වුනු දේ
පොල්ලෙන් ගැසූ සේ
කොන්ද කෙලින් තියාගෙන
මූනටදම දමා ගසා
හිතේ කහටක් නැතුව
ඒ ගමන්ම හිනා වෙන . . . අම්මා
වයසට ගියත් දරුවන්ට
දැනෙනවා දුක පපුවට
උනුහුමට තුරුලු වී
කිරි උරා බිව් තනයක්
අයින් කරනවායැයි ඇසූ විට . . .!
Pic from: https://dianablography.wordpress.com/
මේ ලෝකේ ජීවත්වුන,ජිවත් වෙන අම්මලා බහුතරයක් ඔය විදිහ තමා,අපේ අම්මලත් ඇතුළුව.අපේ පෙම්වතියෝ,බිරින්දෑවරු ගැනත් අපේ පැටවුන් ඔය විදිහටමකියාවි.කවිය ලස්සනයි.
ReplyDeleteජය වේවා....
ඔව් නේ හැම අම්මෙක්ම මේ කිව්ව වගේ තමා
Deleteබොහෝම ස්තූතියි
"අම්මා"
ReplyDeleteලෝකේ ලස්සනම වචනේ
Deleteලස්සනයි මල්ලි. අම්මල ගැන කුමන කවියක් ලීවත් හදවතටඒක දිනවා.
ReplyDeleteබොහෝම ස්තූතියි අයියා . .
Deleteඇත්තෙන්ම මේක මාසෙකට විතර කලින් ලිව්ව එකක්
ඉඳලා හිටලා හරි බ්ලොග් එකේ ලියන්න මේ ලැබෙන දිරිමත් කිරීම හරිම වටිනවා අයියා
http://sinhala.lankanewsweb.net/features/cyber-wall-lankanewsweb/15723-2015-02-09-23-51-05
ReplyDeleteලින්ක් එකටත් ගොඩක් ස්තූතියි අයියා . . මේ ලින්ක් එක මම ෆේස්බුක් එකේත් ශෙයා කලා
Deleteමේ කවිය ලස්සනයි. ජීවිතය අනිත්‍යයි කියලා කොච්චර දැනගත්තත් ,මේවගේ දේවල් දරාගන්න් අමාරුයි කාට වුනත්. හැම කෙනෙකුටම අම්මා සුවීශේශියි
ReplyDeleteඇත්ත ඉවාන් . . වයසට ගියා උනත් දරුවන්ට ළමා කාලේ අමතක වෙන්නේ නෑනේ
Deleteස්තූතියි උඹටත්
දැනුණු කවියක්..
ReplyDeleteබොහෝම ස්තූතියි අදහස් දැක්වූවාට
Deleteඇහැට කඳුලක් එක්කල පද පෙළක්..
ReplyDeleteබොහෝම ස්තූතියි අදහස් දැක්වූවාට
Delete"ඇහැට කඳුලක් එක්කල පද පෙළක්..." මගේ වචන ටිකකට එහෙම කරන්න පුලුවන් උනා කියලා ඇහුවම හිතට මොකද්ද මොකද්ද වගේ :D
ලස්සනයි
ReplyDeleteබොහෝම ස්තූතියි
Deleteසුපර්
ReplyDeleteතැන්කූ වේවා . . !
Deleteඅපි වෙනුවෙන් දහදුක් විදි අම්මා......ලස්සනයි දුකා
ReplyDeleteස්තූතියි මල්ලී . .
Deleteහිතට දැනුනා...
ReplyDeleteස්තූතියි ලොකු පුතා
Deleteමොනා කරන්නද බං. ජීවිතේ හැටි..
ReplyDeleteකියලා වැඩක් නෑ බන් . . ඔන්න ඔහොමයි ජීවිතේ
Deleteමොනවා කියන්නද දුකා... කවිය නම් පට්ට.. සිද්දිය නම් දුකයි... ජීවිතේ ඔහොම තමයි..
ReplyDeleteමොනවා කරන්නද මචෝ . . .
Deleteකරුණා සුවඳ තවරාලූ හද පියුමේ
ReplyDeleteමවගේ සෙනෙහසයි උල්පත සැනසීමේ
දුවලා ඇවිත් පෙර ලෙස මා එක පිම්මේ
අම්මා කියන්නේ කාටද අද අම්මේ
ලේ කිරි කරලා මට පොවලා
මා හැදු වැඩු අම්මේ
පුංචිකාලෙ දණ ගාගෙන යන විට
නැගිටින්නට අත දුන් අම්මේ
හොඳින් නරක දේ වෙන්කරලා
ඔවදන් දුන් අම්මේ
මතු සංසාරෙදි ඔබේම පුතු ලෙස
උපදින්නට පතනෙමි අම්මේ
දුවලා ඇවිත් පෙර ලෙස මා එක පිම්මේ
අම්මා කියන්නේ කාටද අද අම්මේ
බඩගිනි වීලා හැඩු විටදී
මට බත් කැවු අම්මේ
පාසල් යවලා උගන්නලා මට
මා ලොකු මිනිසෙකු කළ අම්මේ
ආදරයෙන් මට අඩගහලා
පුතා කියූ අම්මේ
ඔබ මතු බුදුවී දහම් දෙසන විට
මමත් නිවන් දකිනෙමි අම්මේ..........
ගායනය - නිහාල් නෙල්සන්
ගී පද - කොලින්ස් අලුත්ගේ
අම්මාට සමාන වූ කිසිවෙක් වේද ලොවේ...නම ඇසූ පමණින් මතකයට නැගෙන රූපයත්...ඒ අවසරයෙන් සංවේදී වෙන හිතත්....
ReplyDeleteමොනවා කියන්නද කියලා හිතා ගන්න බෑ.. ඒ වුනත් ඒ දෙයින් ඒ අම්මට සහනයක් ලැබෙනවනේ..
ReplyDeleteදුකා ඔව් ඒ තමයි අපේ අම්මා...................
ReplyDeleteසංසාරයට මඟ වියදම - අම්මා!
ReplyDelete@Duka, I am dilantha from Dubai, I need to contact you please send message to my fb account. Thanks a lot
ReplyDelete