twitter
    Find out what I'm doing, Follow Me :)

ස්තූතියි උඹට මයිකල් සීඩ් . . . !



අවුරුදු පහේදි පුංචි උඹ උඹේ තාත්තාගේ ලිංගික ගොදුරක් වුනා කියලා දැන ගත්තාම, ඔහුගේ අමානුෂික වද හිංසා වලට ලක් වුනා කියලා දැන ගත්තාම . . දන්නවාද උඹ වෛර කලාටත් වඩා උඹේ තාත්තාට මම වෛර කලා.

උඹේ ආච්චි උඹට තෑගි කල උඹ හීතලට පොරවන රෙද්ද, උඹේ අම්මා විෂාදයට බොන බෙහෙත් වැඩිපුර බීල අසිහියෙන් උඹේ රෙද්ද ත් පොරෝගෙන උඹ නිදා ගන්න සෝෆා එකේ නිදා ගනිත්දී උඹ හීතලේ පුටුවක ගුලි ගැහිලා වෙව්ල වෙව්ල හිටියා කියලා දැන ගත්තාම උඹේ අම්මටත් වෛර කලා.

ඒ විතරක්ද . . උඹට ආදරේ දක්වපු උඹේ ආච්චිට (අම්මගේ අම්මට) උඹ කලාටත් වඩා ආදරේ කලා මම.

උඹට අමානුශික වද හින්සා කරපු උඹේ තාත්තගේ අම්මා වුනු නපුරු ආච්චිගේ බෙල්ල මිරිකන්න තිබ්බනම් කියලා මම වෛරයෙන් දත් මිටි කෑවා.

උඹට ඉස්කෝලෙදි පහරදීපු, සෙල්ලම් කරද්දී උඹව ජරා අයිස් වතුර වගුරක ගිල්ලවන්න හදපු උඹේ ඉස්කෝලේ කොල්ලන්ව . . . . හපා කන මිනීමරු බල්ලෙක් වෙන්න මට තිබ්බ නම් කියලා මම හිතුවා.

අවුරුදු හයේ ඉඳන් දාසය වෙනකම් අම්මා පැනලා මැරුනු කෝච්චියටම පැනලා උඹ මැරෙන්න සැලසුම් කරද්දී, මුහුදේ ගිලිලා හරි වෙන මොන ක්‍රමේකින් හරි මැරෙන්න සැලසුම් කරද්දී සත්තයි උඹේ දුක බෙදා ගන්න උඹ එක්ක එකතු වෙලා මැරෙන්න තිබ්බා නම් කියලා මමත් හිතුවා.

ඇත්තමයි රිදී නිම්නයේ කුසලා වෙනුවෙන්, අඳවාදකයා හි පේතෲස් වෙනුවෙන්, පිරුනු හදක්හි කුසුම් වෙනුවෙන්, යහලු යෙහෙලිහි ඉන්ද්‍රරත්න වෙනුවෙන්, කර්නල්ගේ බිරින්දෑවරුහි කර්නල් චූලාභය වෙනුවෙන්, අපූගේ ලෝකයේ අපූ වෙනුවෙන්, අරණකට පෙම්බැඳහි අරසරණ මිනිස්සු වෙනුවෙන් මේ ඔක්කෝම වෙනුවෙන් කම්පා උනාට වැඩිය උඹ ගැන මම කම්පා උනා.

උඹ ගැන කියවන්න අරගෙන මුල් පිටු කීපෙන් පස්සේ දිගට කියවන එක කුමාරිගේ "ඔරොප්පු සාප්පාඩ" කවි පොත කියවනවා වගේ පපුවට උල් පිහියකින් අනිනව වගේ හැඟීමක් උනත් කුමාරිගේ පොත සම්පූර්ණයෙන් නොකියවා ම පැත්තකට දැම්මත් මුලින් සඳහන් කල තරම් කුරිරුකම් වලට මුහුන දීලත් උඹ මුලු ලෝකෙටම ආදරේ කරන සුන්දර මනුස්සයෙක් කරපු රහස දැන ගන්න මම උබව දිගටම කියෙව්වා . . .

තාම සම්පූර්ණයෙන් කියවලා ඉවර නැති උනත් උඹ අවුරුදු හයේ ඉඳන් උදේ හවා ප්‍රාර්ථනා කරපු සියදිවි හානිකරගන්න ප්‍රාර්ථනය අත්හැරපු තැනදි පහුගිය ටිකේ ට්‍රැක් පැනලා සුපුරුදු සැහැල්ලුවෙන් මිදිලා ඔලුව කුරුවල් කරගෙන හිටි මගේ ඔලුවට උඹ හිල් වෙන්න ටොක්කක් ඇන්න වගේ දැනුනා.

ඇත්තෙන්ම මගේ ඇස් දෙක කඳුලින් පිරුනා. ඇඟේ හිරිගඩු පිපුනා. මවිල් කෙලින් උනා.

එහෙම උනේ දුකටද, සතුටටද, මම මම ගැනම සහ මම ගනන් ගන්න අනෙක් උන් ගැන හිතලා රිදුනු හිත සුවපත් උනු නිසාද, මොකක් හරි හේතුවකට . . .. නැති නම් හේතු ගොඩකට . . .

මොකක් උනත් කමක් නෑ . . .

තමන් හෑබෑ තමන් වීමෙන් තමන්ට ම දැනෙන සීරියස් ගතිය දරා ගන්න බැරි කමට මවා ගත්තු තමන් කෙනෙක් වෙලා ලෝකෙට ජෝකර් කෙනෙක් වෙන්න ඕන උන් ඔහේ හිටපුවාවේ . . .

තමන්ගෙත් පවුලේ උන්ගෙත් බඩ පුරවන්න ඕන කම නිසාම අසාධාරනේට හැඟීම් දැනීම් නැති අන්ධයෝ බීරෝ ගොලුවෝ වගේ ඉඳලා තමන්ගේ බඩගෙඩි ටික පුරවන අය වෙනුවෙන් ෂොපින් යන උන් ඔහේ ෂොපින් ගියාවේ . . .

තමන් දරන මතේට විරුද්ධ මතයක් දරන උන් ඔක්කෝම මකබෑවිලා ගියාවේ කියලා උන්ව විනාස කරන ක්‍රියාදාමෙට උඩගෙඩි දීලා හෙට ඒ ක්‍රියාදාමේ සමාජ සම්මතයක් වෙලා තමනුත් තමන්ගේ පවුලේ දූ දරුවනුත් ඒ ක්‍රියාදාමේ ම ගොදුරක් වෙන බව දැන දැන ත් නොදන්න වගේ ඉන්න උනුත් ඔහේ ඉඳපුවාවේ . . .

තමන් උපන් දෙමාපියන් අදහන ආගම, ඒ අය කතා කරන භාෂාව තමන්ගේ ආගම භාෂාව කියලා හිතලා අනෙක් ආගම් අදහන අනෙක් භාෂා කතා කරන උන් . . . උන් ජීවත් වෙන පරිසරේ වැඩි දෙනෙක් කතා කරන භාෂාව කතා කරන්න ඕන අදහන ආගම අදහන්න ඕන කියලා හිතන උනුත් ඔහේ හිටියාවේ . . .

මේ ඔක්කෝම උන්ගේ හිතවත් කම ලබන්න, ආදරේ ලබන්න තරම් වාසනාවන්තයෙක් වීම ගැන සතුටු නොවී "මොන මගුලකට අනෙක් උන් කරන, කිය න, හිතන දේවල් නිසා උඹේ හිත රිදෝ ගන්නවාද බන්?" කියන දේ ඔලුව හිල්වෙන්න තරම් ටොක්කක් ඇනලා කියලා දුන්නු මයිකල් සීඩ් . . ස්තූතියි උඹට ඇත්තෙන්ම . . .

අහ් ජබෙල් අලී ඉඳන් කෝච්චියේ ගිසස් මගේ ගෙදරට ම ඇවිත් මේ පොත දීලා "අයියේ ඔයා මේ පොත අනිවාර්යෙන් කියවන්නම ඕන. . " කියලා බල කරපු භාෂිත මල්ලී . . .උඹටත් ස්තූතියි . . .

හැමෝම මේ පොත හොයාගෙන කියවන්න. අමාරු ඉංග්‍රීසි නෙමේ තියෙන්නේ . . . (මමත් කියෙව්වා කියන්නේ ඉතිං හිතා ගන්න කොයි තරම් ලේසි ඇද්ද කියලා)

අවසානයේ මේ පොත කියවන්න බල කරපු මුල් පිටේ වචන ටික ත් මෙතන ලියන්නම් . . .

"If you read any book this year, read this one.

He overcome the horrors of his childhood and went on to help others.

Believe this story, weep, then cheer his triumph."

30 යි අදහස්:

yasasi said...

hmm..

සපතේරු උන්නැහේ said...

මැද හරියෙන් පස්සෙ ටිකක් සැර වැඩිද මන්ද...?

බට්ටි said...

ඔයා කියල තියෙන විදියට මගේ හිතත් හරිම පෙරේත වුනා මේ පොත කියවන්න. ඒත් පුළුවන් වෙයිද යන්තම් yes no ගැට ගහන බට්ටිට ඔය පොත කියවන්න.

අඩවි රජා said...

හොයාගෙන කියෝමු බලන්න එහෙනං..

දුමී said...

දුකා, දුක් නොවී සන්තෝසෙන් හිටපන්....!

වර්ණා said...

මට මේ පොත තග්ගකට හම්බවුනා. වැඩ රාජකාරි එක්ක කියවන්න වෙලාවක් තිබුනේ නැහැ. කියවන්න ඕනා.

Beetle said...

Then he spoke. He told me I was there to do some milking. He had to produce milk and I was going to help him.

"I'll show you what to do," Daddy told me. "It's very easy." ////බලධාරියා විසින් කපාදමන ලදී.. කියවන්න අවශ්‍යනම් පොත ගන්න////

"Do you think you can do that by yourself, Michael?" he asked.

"Yes," I told him.

පිණිබිඳු... said...

බිඳුණු බිලින්දා පොතේ ජෝඩි ගැන මට හිතුනෙත් ඔය විදිහටමයි

න දී said...

මමත් හොයාගන කියවන්න ඔනේ මේ පොත.ස්තූතියි විස්තරේට.

ඊ මේල් කවිකාරි said...

"Left to Tell"කියවපු වෙලාවෙ මටත් ඔන්න ඔයවගේ හිතුන. තදින්ම කතා නායිකාවට බද්ධ උනා. අපේරට යන අත බලන කල අපි එයට හුරුවිය යුතුයි. හැකිනම් කියවන්න. Immaculée Ilibagiza දැං ඉන්නෙ ඇමරිකාවෙ. රුවන්ඩාවෙ වෙච්චහරිය චිත්‍රපටියකිනුත් දැක්ක.http://en.wikipedia.org/wiki/Hotel_Rwanda

Dinesh said...

හොයාගන්න ඕන මේකත්..

දයානන්ද රත්නායක said...

මාර විචාරයක්..ආයෙ දෙකක් නෑ පොත ඉක්මනින් හොයාගත යුතුමයි.
මේක නම් වදින තැන්වලට වදින්නම ලියල තියනවා.තව මොනව ලියන්නද පොත ගැන කරපු මේ හැඳින්වීමට...
ස්තුතියි දුකා උඹට මේ පොත ගැන කිව්වට

prasanna86k said...

ගන්න ඕනේ... ස්තූතියි අයියේ...

ළහිරු හිමේෂ් said...

කියවීමට අවශ්‍ය යැයි සිතුනෙමි. තුති

සරත් ලංකාප්‍රිය said...

ඇත්ත සැරයි තිත්තයි එත් ඇත්ත කතාකරන්න ඕනෑමයි..

පොත් ගුල්ලා said...

ජීවිතය සමග පොරබදා ජීවිතේ ගොඩ දාගත් චරිතයක් වගෙයි. මටත් කියවන්න ලැබී නැහැ. බීට්ල් ගේ කමෙන්ටුව කියවද්දී මතක් උනේ God of Small Things. මේ පොතත් සොයා ගෙන කියවන්නන්. මෙවන් කෘතියක් අපට හඳුන්වාදීම ගැන දුකාට ස්තුතියි!

ජීවිතේ මල් said...

අයියා. මේ වගෙ දාස් වතාවක් ප්‍රකම්පනයට පත් වෙන්න කැමතිද ?
බිඳුනු බිලින්දා කියවන්න . කැතී ග්ලාස් රචිකාවගේ.

හැබයි කියවලා සතියක්වත් යනකල් ඒ සත්ය කතාවෙන් ඇතිවෙන ආතතියෙන් මිදෙන්න නම් අමාරුයි

ජීවිතේ මල් said...

පරිවර්තනය: දිලිප ජයකොඩි
ෆාස්ට් පබ්ලිශර්ස්ලගේ පොතක්

Dude said...

පොත් කියවන්න වෙලාව තියෙන ව්‍යාපාරිකයෙක්. හොඳයි හොඳයි!

henryblogwalker the Dude

නිදහසේ නවාතැන said...

අයියා ලියල තියෙන විදියට මාටත් හිතුනා මේ පොත හොයාගෙන කියවන්න ඕනෙ කියලා.

නවම් said...

දරුණු වැඩියි වගේ බං අයියෙ මේක නම්

කින්නරාවි said...

අයියෝ මට මේ පොත මිස් වෙලානේ. ඉක්මනට හොයාගෙන කියවන්න ඕනා.

දිනුක said...

අනුවේදනීය සත්‍ය කතා කියවලා හිත රිද්දගන්නෙ මොකටද කියලා මම දැං ඔය ජාතියේ පොත් කියවන්නේ නෑ.අඩුම තරමේ මම ස්වර්ණවාහිනියේ නිව්ස් බලන්නෙත් නෑ ඔය හේතුව හින්දා.

Anonymous said...

If you can read this book, it would be great...
" openning the door of your heart " by ajan brahm

Bindi said...

අපොයි වැදගත් පෝස්ට් එකක්නේ . ළමයින්ට වෙන අසාධාරනකම් කියවන්න දුකයි තමයි. හොයාගෙන කියවන්න ඕන . ස්තුතියි දුකා

NJ ranGO said...

තමන් උපන් දෙමාපියන් අදහන ආගම, ඒ අය කතා කරන භාෂාව තමන්ගේ ආගම භාෂාව කියලා හිතලා අනෙක් ආගම් අදහන අනෙක් භාෂා කතා කරන උන් . . . උන් ජීවත් වෙන පරිසරේ වැඩි දෙනෙක් කතා කරන භාෂාව කතා කරන්න ඕන අදහන ආගම අදහන්න ඕන කියලා හිතන උනුත් ඔහේ හිටියාවේ . . .

මට තාම ඒ පොත නම් කියවන්න බැරි වුණා. ඉක්මනට ම හොයාගෙන කියවන්න පුදුම ආසාවක් ඇති වුණා! ස්තුතියි අයියේ!!

නිසුපා said...

මෙන්න තවත් ගන්න පොතක්. ස්තූතියි අයියේ...

samzi said...

මුලින්ම පෝස්ට් එක දෑක්ක ගමන්ම මතක් උනේ බිඳුනු බිලින්දා පොත.සරසවි බුක්ශොප් එකේදි උඩින් පල්ලෙන් ඒ පොත මුලින්ම බලපු වෙලාවෙ මට කලන්තෙ වගේ උනා. මේකත් ඒ වගෙ වෙන්න ඕනි.පොත හොයාගන්න ඕනි. ස්තූතියි දෑනුවත් කලාට.

ඉන්ද්‍රජිත් said...

හොද පොතක් වගෙ...

Sirage Kamare said...

අය්යන්ඩි මගෙ කාමරෙටත් පොඩ්ඩක් එබිලා යන්න එන්න

Post a Comment

සිංහලෙන් අදහස් දක්වන්න අවැසි නම්
මෙතනට යන්න..

Related Posts with Thumbnails