Thursday, July 14, 2016

සඳුදා උදේ !


අඩේ අද සඳුදා, 6.50හේ බස් එකේ එයා ගියාද දන්නෙත් නෑ, අපරාදේ තව ටිකක් කලින් එන්න තිබ්බා, ප්‍රදීප්ගේ බොක්කු කට නිසා ඔෆිස් එකේ මීටින් දවස සඳුදට මම කලින් යනව කියලා එයත් දන්නවනේ. ඒ නිසා එයත් හැම සඳුදම 6.50හේ යන්න එන නිසා මම බස් එක ඇතුලේ කියලා හිතලා එයා ඒකට නැග්ගද දන්නේ නෑ

“ඕයි මෝල් . . බස් එකට නගින්නේ නැතුව මනෝ ගහ ගහ ඉන්නැතුව එල්ලියන් ෆුට් බෝඩ් එකේ. උඹේ සීන කුමාරි හන්දියේ බලන් ඇති උඹ මේ බස් එකේ එනකම්”

“නෑ බන් එයා 6.50හේ යන්න ඇති”

“මං හිතන්නේ නෑ එයා උඹව නොදැක්කොත් බස් එකට නගින්නෙ නෑනේ”

“අන්දිය බයින අය ඉෂ්ෂරාට එන්ඩෝ . . .”

“මෙහ් උඹයි මායි උඩට යමන්, බන්ඩට ෆුට් බෝඩ් එකේ ඉන්න කියමු. එයා 6.50 නොගිහින් උඹම එනකම් ඉන්නවද කියලා පොඩ්ඩක් ඇතුලට වෙලා බලන් ඉමු.”

“කෂ්ටිය ඉක්මනට බයින්ඩ බයින්ඩ . . .”

“අඩෝ අර ඉන්නේ - 6.50හේ ගිහින් නෑ, පව් ඕයි 7.10හේ ගිහින් ඉස්කෝලේ යන්නත් පරක්කු වෙනවා ඇති.”

“ඒක තමයි බන් හෙට ඉඳන් 6.50හේ එන්න ඕන . . උඹලා දෙන්නත් 6.50ටම සෙට් වෙයන් හරී.”

“අන්න බලහන් අන්න බලහන් එයා බස් එකේ නගින්නේ නැතුව ඉස්සරහ ඉඳන් පිටිපස්සටම ස්කෑන් කරනවා. මළ පෙරේතයා තෝව හොයන්න. තව පොඩ්ඩක් මට කවර් වෙයන්”

“ඕයි බූරුවෝ බස් එක අද්දන්න කලින් ඔය ජනේලෙකින් තොගේ හොම්බ දාපිය එලිය, නැතිනම් කෙල්ලට ඉකෝලේ යන්න වෙන්නේ නෑ අද . . ”

“ඒයි බන්ඩා ෆුට් බෝඩ් එකේ ඉන්නෙ නැතුව උඩට නැගලා අපි ඉන්න තැනට වරෙන්.”

“අනේ බන් බොරුවට බන්ඩාට කතා කරන්න වගේ තොගේ හොම්බ එලියට දැම්මයින් කෙල්ල නැග්ගා බස් එකට - ඔන්න එනවා ඔන්න එනවා ”

“ආව් ආව් පැනි හිනා දෙන්නගේ . . . ”

“ඕයි ප්‍රදීප් උඹේ ඔය බෝක්කුව වහගන්නවකෝ බස් එකේ මිනිස්සුත් හිනාවෙනවා . .”

“හරි හරි මම කට වහගන්නම් ඔච්චර හිනා වෙන එකේ ලව් බැලුම් දාන එකේ අදවත් කතා කරහන් බූරුවෝ ”

“කොහේ කතා කරන්නද ඕයි - ඇහෙන්නේ නැද්ද ඩහ් ඩහ් ගාන සද්දේ . . .. ”

“බන්ඩයි මායි නම් ඉස්කෝලේ යන උන් කිව්වෑකි තෝ මේ රස්සාවක් කරන එකා වෙලත්.. ”

“අනික ඒ ලමයා ස්කූල් යුනිෆෝම් එකෙන්නේ බන් . . හරි නෑනේ බන්”

“අනේ පොල් බූරුවා, මීහරකා, ගොන්වස්සා .. අනිත් උන්ගේ ලව් වලට චන්ඩියා වගේ කතා කරන  එකාට මේ තරම්ම ඕකේ එක දෙන කෙල්ලට කතා කරන්න ගට්ස් නෑනේ .. ලැජ්ජයි ඕයි . . ”

“අනුන්ගේ ඒවට කතා කලාට අපි තමා කිරිකෝඩු පොරවල් බන් . . හෙටම කතා කරනවා . .”

“අනේ උඹේ හෙට . .”
________________________________ 

සඳුදා උදේ දුර එද්දී මා - වැට ගාව ඔබ ඉන්නවා
රහසින් බලා නොකියා කියූ - ඔය රහස මම දන්නවා
සඳුදා ඉඳන් හැමදා උදේ මග මම් බලා  ඉන්නවා
සුරතල් මුවේ හිරිමල් හිනා දෙනදාක පිලිගන්නවා.

පාසල් වියේ පුංචි අපි නම් අනේ
අඳුන්නන්නේ නෑ ආදරේ
ඔබමයි හිතින්  ඉඟි පා නෙතින්
පවසන්නේ ප්‍රේමාදරේ

මේ ගේ ලඟින් යද්දී පැටලෙයි දෙපා
නුහුරුයිනේ මට ආදරේ 
කිරිකෝඩු මං මේ පෙම් රටේ
අපි තාම පොඩි උන් වගේ . .

සඳුදා උදේ දුර එද්දී මා . .

ගායනය - නිරන්ජලා සරෝජනී සමඟ ජාලිය රණතුංග



Pic From : colorful.bigbangfish.com

12 comments:

  1. පරණ දුකා ඉට්ටැයිල් එකේ ලිපියක්.. හැබැයි කොටායි.. :-D

    ReplyDelete
  2. "සුළඟ වගේ" මතක් උනා …

    ReplyDelete
  3. දුකා සහෝදරයා මේ අත්දැකීම් එමටයි. ඒක නිසා මේවා ඇතුලේ මම ජීවත්වෙනවා. මරු

    ReplyDelete
  4. බස් ලව්.... ඒ කාලෙ මතක් වෙනව...

    ReplyDelete
  5. පටන් ගන්නකොටම ඉවරයිනේ බොල

    ReplyDelete
  6. කතාව කියවනකොට ගොඩක් දේවල් මතක් උනා... ඒ සිංදුව හරි ලස්සනයි...

    ReplyDelete
  7. තාමත් බස් එකේ එයාගේ ගේ ඉස්සරහින් යද්දී බලාගෙන යනවා ඉන්නවද කියල. (තාමත් ඒක පාර්ශවික ආදරේ)

    ReplyDelete
  8. අනෙ මට නම් ඒ කලෙ ඔය ලව් තිබුණේ නෑ . එ නිසා ද කොහෙද හරිම අපුරුවට මේ කතාව රස වින්දා. හරියට ටෙලි නාට්‍යයක් බැලුව වගේ .

    ReplyDelete
  9. This comment has been removed by the author.

    ReplyDelete
  10. අනෙ මටනම් ඔය කාලෙ බස් ලව් තියා මොන ලව් වත් නෑ . ඒ නිසා ද කොකොහෙද මේ ලව් එක හරි අපුරුවට රස වින්දා . හරියටම ටෙලියක් බැලුව වගෙයි .😂

    ReplyDelete

සිංහලෙන් අදහස් දක්වන්න අවැසි නම්
මෙතනට යන්න..

මේ ලිපිත් කියවල බලන්න

Related Posts with Thumbnails