Tuesday, February 23, 2010

අබිසාරිකාවන්ගේ උන්මාද නෙතු අතරේ . . ..



මේක කලින් පෝස්ට් කරලා ඇනෝනිමස් කමෙන්ට් එකක් නිසා අයින් කර ගත්තු පෝස්ට් එකක්. ඒත් පස්සේ හිතුනා පොඩි පොඩි වෙනස්කම් ටිකක් කරලා ආපහු දාන්න ඕන කියලා . .. මොකද මේ කතාවත් මම අත්දැකපු එක්තරා රසබර සිදුවීමක්. . . .

මගේ මුල්ම පිට රට රැකියාව වුනේ මැද පෙරදිග රටක!

මැද පෙරදිග රටක් කිව්වාම තාමත් ගොඩාක් අය හිතන්නේ කාන්තාර වලින් ගහන, ඔටුවෝ පිටේ ගමනාගමනය සිදුවෙන, මත්වෙන ජාතියක් බෙහෙතකට වත් හොයා ගන්න නැති, ආසාවකට ගෑනු පරානයක් දකින්න නැති, දැක්කත් ඇස් දෙක විතරක් ඇරලා මුලු මූනම වහපු, ක්ශෙම භූමි වලින් වලවල් හාරගෙන වතුර බොන්න සිදුවෙන, වැරදි වැඩ කලාම කසපාර ගහන, බෙල්ල කපන, ගල් ගහලා මරන, මහා නොදියුනු රටවල් කියලයි !!!

එහෙම රටවලුත් තියෙනවාද කියලා නම් මම දන්නේ නෑ. නමුත් මම දන්න සමහර මැද පෙරදිග රටවල් තියෙනවා හරියට නිකම් අපි චිත්රපටි වල දැකපු ඇමෙරිකාවේ නගර වගේ. නැති නම් ප්රංශයේ සමහර නගර වගේ . මිනිස්සුත් ඒ වගේ .
පබ්, ක්ලබ්, අඩියෙන් අඩියට!
අරාබීන්ට වැඩිය සුද්දොයි - ආසියානුවොයි හැම තැනම !
සමහර ගෑනු ඇදුම් අඳින්නේ අවශ්යම (උන්ටද අපිටද ???) තැන් විතරක් වැහෙන විදිහට පොඩි රෙදි කෑල්කින්!
බීලා වැනි වැනි ටැක්සි හොයමින් පාරේ යන මිනිස්සු ඕන තරම් !
ඔන්න ඔය වගේ මැද පෙරදිග රට වලුත් තියෙන බව දැන ගන්න ඉතිං ඒවායේ ගිහින්ම බලන්න ඕන . . .

හැබැයි මම කියූ මම මගේ මුල්ම රැකියාවට ගිය රට නම් ඔය තරම්ම නිදහස තිබුනු රටක් නෙමෙයි. නමුත් හොර රහසේ හැම දේමත් තිබුනා. (සෞදි අරාබිය නෙමෙයි හොඳේ )

මගේ ආයතනයේ, මගේ අංශයේ, මා කල රැකියාවට මම යන විට හිටියේ මම විතරයි ! මට කලින් හිටපු එවුන් ඔක්කෝම වලියක් දාගෙන අයින්වෙලා ගිහින්. මාත් ඉතිං ආපු ගොංකමට කියල අවුරුද්දක් විතර තනියෙම බූරුවෙක් වගේ බර ඇදලා බර ඇදලා බැරිම තැන ලොක්කාට කිව්වා මට තව දෙන්නෙක් වත් දීපන් නැත්නම් මම ගෙදර යනවා කියලා . මම ගියොත් ඔක්කොම හබක් කියලා ඌ දන්න හින්දා මගේ මිතුරෝ තුන්දෙනෙක්ව ගෙන්න ගන්න ඌ මට අවසර දුන්නා !

ඔන්න ඉතිං උන් ටිකත් ආවා කියමුකෝ, අපි හතර දෙනාට නිදන කාමර හතරක් තියෙන ලොකු ඌ . .. ගෙයක් දුන්නා සියලුම බඩු මුට්ටුත් එක්කම!

අපි ඉතින් ඒකේ අම්බානකට පිස්සු නට නට ජොලියේ ඉන්නවා. අපේ දිව්ය ලෝකෙත් අපායත් ඒකම තමයි!

සති අන්තයේ අපේ යාලුවෝ 15-20ක් විතර එනවා . අපේ ගෙදර තිබූනේ අර මගුල් ගෙවල්වල උන තරම් ලොකු හට්ටි මුට්ටි. අපි වෙනමම අල්මාරියක් වෙන්කරලා තිබුනා සති අනතයේ එන මිතුරන්ගේ සරොම්, ෂෝට්, උන්ට දෙන තුවා, පොරවන රෙදි ආදිය දාල තියන්න . හැම සති අන්තයක්ම බොන පාටි. බීලා රෑ එලි වෙනකම්ම සින්දු කියලා (සමහරු වමනේ කරලා අපි ඒවා අස් කරලා, බාත් රූම් හෝදලා) ගොඩක් දවස් වලට පහුවදා උදේ තමයි ඉතිං නිදා ගන්නේ !!! (අපේ කස්ටිය පදමට වැදිලා සින්දු මරපු හැටි දන්නවනම් අදාල ගායකයෝ සියදිවි හානිකර ගන්නවා hiks)

එක පාරක් මම නිවාඩු ගිහින් එනකොට අලුතින් මිතුරො දෙන්නෙක් එක් වෙලා හිටියා අපේ "දිව්‍යලෝකයට" (අපායට නැතිනම් අම්බලමට)!!(මේ ඔක්කෝම නම් ගැලපෙනවා ඒකට )

එකෙන් නම් අහිංසක වැඩිය කතා බහ නැති එකෙක්. අනෙකා නම් මොනවා කරලා වත් දිරවන්නෙ නැති අපතයෙක්. පොර ටෝක්ස්, තෙල බෙදිලි, පන්ඩිත ටෝක්ස්, මඩ ගැහිලි, කම්මැලි වැඩ, පංගු බේරු වැඩ, කර ඇරිලි, ආදී අපිට දිරවා ගන්න බැරිම ජාතියේ දේවල් තමයි ඌ ලඟ තිබුනේ!

තව මාගේ හොඳම යාලුවෙක් එක්කගෙන ආපු පිස්සු කොල්ලෙක් හිටියා. අපිට වැඩිය අවුරුදු තුනක් විතර බාලයි. දෙහි ගෙඩි දෙකක් උස නෑ. නමුත් මාර ඇම්ඩා (හරිම හිතහොඳ කොල්ලා හැබැයි)කලොත් කරන්නේ මගෝඩි වැඩක් . දුන්නොත් දෙන්නේ ගේමක් . කිව්වොත් කියන්නේ බඩ පැලෙනකම් හිනා වෙන්න පුලුවන් දෙයක් . රස සාගරයක් . රස ආකරයක්. මූටත් අරූව දිරෙව්වෙම නෑලු මුල ඉඳලාම !!

සමහර පොරවල් ඉන්නවානේ ඔය අබිසුරු ළියෝ ඇසුරු කලා කියන එක සමාජයේ මහා පිලිගැනීමක් ලැබෙන දෙයක් කියල හිතන අය !!( අසව් අසව් . . ලිංගිකත්වය ගැන හෝ අබිසුරු ළියන් ඇසුර ගැන මම කිසිවක් මේ බ්ලොග් පෝස්ට් එකෙ ලියන්න හිතුවේ නෑ. ඒ ගැන කතා කිරීම නෙමෙයි මේ ලිපියේ අරමුන හොඳේ ! ! )

මේ පොරත් (නොදිරවන බුවා)සමහර විට අර දෙහිගෙඩි දෙකක් උස නැති එකාට (ඇම්ඩන් මල්ලිට) කියන්න ඇති ලොකු කමට අරෙහෙම කලා . මෙහෙම කලා . අර ජාතියේ අය මේ ජාතියේ අය ඇසුරු කලා කියල (මේ මගේ උපකල්පනයන්)

මේ පොර අර ඇම්ඩන් කොල්ලාගෙන් "මචං අරාබි අබිසුරුළිය ක් හොයා ගන්න විදිහක් නැද්ද බං . . " කියා අහලා තිබෙනවා ! (හෆොයි රජ බිසව අන්දරේගෙන් දොලදුක් කෑම ඉල්ලුවා වගේ)

අර ඇම්ඩා කොල්ලාට හිතුනාලු "අහ් නියම වැඩේ . . දෙන්නම් උඹට මම හොඳ අරාබි අබිසුරුළිය ක් " කියල හිතලා (ඉබ්බා දියේ දාන්නම් කිව්වම ඇන්නෑවේ කිව්වලු)දෙන්නම් ජම්බූ . . .!

"පුලුවන් හැබැයි මාර ගනන් . . " කියල කිව්වලු !

"කමක් නෑ කමක් නෑ " කියලා බුවා කියලා.

ඉතිං ඔන්න කට්ටිය කතාවෙනවා අර බුවාට කොහොමද ගේමක් දෙන්නේ කියලා ! ! (මේ දන්නවාද අපේ නඩේට සෙට් වුනු හැමෝම හොඳ ලමයි හරිය)හොඳ ආත්ම සංයමයක් තිබුනු කට්ටිය. පිටරට ආවා වුනත් ඕන තරම් නිදහස තිබුනා වුනත්, තමන්ගේ නම්බුව, ගෞරවය තියාගෙන ඉන්න ඕනා කියල හිතපු අය. (ටැබූ දැක්කොත් කියයිද දන්නේ නෑ ඒකට කියන්නේ ලිංගික කුහක කම කියලා හික්ස් )

මටත් මේ පොරව වැඩිය දිරෙව්වේ නැති නිසා මේ වැඩේට කොක්ක දාන්නෙත් නැතුව හිටියා . හැබැයි අනුබල දුන්නෙත් නෑ. මට හොරෙන් වගේ තමයි කලේ. මමත් දන්නවා වුනත් නොදන්නවා වගේ හිටියා.

ඔන්න ඊලඟ සති අන්තේ හවස් වෙන්න කලින්ම අර ඇම්ඩා මල්ලී එනවා අරාබි ගෑනු අඳින ඔලුවෙ ඉඳන් වැහෙන ඇඳුමක් හෙවත් කලු පාට අබායා එකකුයි , ගෑනු දාන කෝට් ශූස් දෙකකුයි. තිසර පටියකුයි . තිසර පටේ ඇතුලට පුරවන්න පැඩෙට් ටිකකුයි, අරාබි ගෑනු ගාන ජාතියට සමාන සුවඳක් තියෙන සෙන්ට් එකකුයි අරගෙන ! ඇවිත් ඒ ටික ඉස්සරහා කාමරේ හංගල ඌ ආපහු ගියා.

පස්සේ රෑ හතට විතර කට්ටිය සෙට් උනාම ඇම්ඩා මල්ලී ඇවිත් අර බුවාටයි අපිටයි කියනවා . . .

"මේ උඹලා කවුරුවත් සාලේ ඉන්න එපා . . ."

"එතකොට එයා (අරාබි අබිසුරුළිය) එන්නේ නෑ , බයට !"

"ඒක නිසා උඹලා අන්තිම කාමරේ ඉඳපල්ලා . මම එයාව ඉස්සරහා කාමරේට දාලා යන්නම් "

"මොකද මට අද ඔෆිස් එකේ රෑ වැඩ"

"මම එලියට ගිහින් වට පිටාව චෙක් කරලා උඹලට කෝල් කරන්නම් "

"ඊට පස්සේ උඹ (අර බුවාට ) සාලේ දොර ලොක් කරලා ඉස්සරහා කාමරේට පලයන්"

ටික වෙලාවකින් ඔන්න අපි අරූ කියපු විදිහටම අන්තිම කාමරේට වෙලා ඉඳලා ඌ කෝල් කලාට පස්සේ හොරෙන්ම ඉස්සරහා කාමරේ දොර යාන්තමට ඇරලා බැලුවා . . .

කාමරේ ඇඳ ලඟ ඩිම් ලයිට් එක දාලා තිබුනා, කලු අබායා එකක් ඇඳගෙන මූනත් වහගත්තු ගෑනියෙක් මුලු කාමරේම සුවඳ ගහගෙන අඳේ මුල්ලක ඉඳගෙන බිත්තිය පැත්ත බලාගෙන ඉන්නවා.

අර බුවා මොන පොර ටෝක් දුන්නත්, මෙන්න මූව ගැහෙනවා දියෙන් ගඩ ගත්තු මාලුවෙක් වගේ . ඌ අපිට කෙලවරේ කාමරේට යන්න කියලා අපි යනකම් ඉඳලා කකුල් දෙක මැඩ්ලින් ගහ ගහ වගේ ගිහින් හිමිහිට කාමරේ දොර ඇරියා.

ඌ දොර ඇරගෙන කාමරේට ගිහින් දොර වහගත්තා විතරයි අපි හැමෝම එක පිට එකා නැගලා කාමරේ දොරට කන් තියාගෙන අහගෙන ඉන්නවා මොනාද වෙන්නේ කියලා ! (චීයා කැත වැඩ)

මුලින්ම මූ මොනාද මන්දා කුටු කුටු ගෑවා . .

පස්සේ අපිට ඇහෙනවා ගෑනු කටහඬකින් කියනවා . . .

"නෝ නෝ . . .මනී ෆස්ට්. . මනී ෆස්ට්. . " කියලා

අරූ ගේ කටහඩ ඇහෙනවා

"හව් මච් . . " කියලා

ආපහු ගෑනු කටහඩ

"ෆයිව් හන්ඩ්රඩ් . . කියලා . . "

මෙන්න මූ එලියට එනවා . . .

අපි හැමෝම දුවලා ගිහින් ආපහු කාමරේ ලොකු කතාවක් පිට ඉන්නවා වගේ ! !

"මාර වැඩේනේ මචං පන්සීයක් ඉල්ලනවානේ. මගේ ලඟ තියෙන්නේ 300යිනේ. ඔන්න ඔහේ යන්න කියමුද ? "

"ආ 200ක් . . " මුගේ යාලුවා පර්ස් එක ඇදලා 200ක් දුන්නා. . .

මූ ආපහු කාමරේට ගියා විතරයි අපි හැමෝම ආපහු දොර ලඟ . . .

ටික වෙලාවකින් පොඩි සද්දයක් ඇහුනා . . .

එක පාරටම කාමරේ දොර ඇරියා. දොරට හේත්තු වෙලා කන්තියාගෙන හිටපු අපි ඔක්කෝම එකපාරටම කාමරේ ඇතුලේ. එකෙකුගේ පිටේ නැගලා උඩින්ම හිටපු එකෙක් ගෙම්බා පොලොවේ ගැහුවා වගේ බිම.

අර ඇම්ඩන් මල්ලී කොට කලිසමකුත් ඇදගෙන, ටී ෂර්ට් එකට උඩින් ඇඳපු තිසර පටේ ඇතුලට පැඩේට් පුරවගෙන ඌ අර බිම වැටුනු එකාට උඩින් පැන ගෙන ගිහ්න් සාලේ, අබායා එක ඇඳ උඩ!!!!

අර බුවා . . . හීනෙන් බය වෙලා වගේ (නැත්නම් අර ගෝනියක් ඔලුවට දාලා කට්ටියම ටොකු ඇනලා ගෝනිය අහකට ගත්තාම ඉන්නේ, අන්න ඒ වගේ) කටත් ඇරගෙන "මේ මොකද බොලේ මේ වුනේ . . " කියලා බලන් ඉන්නවා !!!!!

ඇම්ඩන් මල්ලියි අපි කට්ටියයි, උඩ පැන පැන, බඩවල් කොර වෙනකම් හිනා වෙනවා !!!!!

33 comments:

  1. හික් හික්!
    පොරට නියම පාඩම

    ReplyDelete
  2. අරූට මල පැන්නේ නැද්ද?
    මිනිහා පාඩමක් ඉගන ගත්තද ඒකෙන්වත්?

    ReplyDelete
  3. බඩ පැලේන්න, බිම පෙරලි පෙරලි, අම්බානක හිනා උනා ... [ඇත්තටම බිම පෙරලුනේ නැහැ ..]

    ReplyDelete
  4. කාලෙකින් අම්බානක හිනා උනා..
    :D

    ReplyDelete
  5. මාර හිනා යනව මචෝ.....එත් අනේ මන්ද ඔය කියන් තරමට ආතල්ද....බං ඒක....

    ReplyDelete
  6. හොදවෑඩෙ...පන්ඩිතයට...
    අප්පෝ.... හිනායනවා....

    ReplyDelete
  7. ඔන්න අපි මුකුත්ම කියන්නෙ නෑ. !

    ReplyDelete
  8. එළම තමා.
    ගින්දර ගේමක්නේ දීලා තියෙන්නේ... උඔලගේ නොදිරවන බුවාවත් මතක් කළා කියපං :)
    -ජය

    ReplyDelete
  9. ඒකා අර සල්ලී ටිකත් ගත්තාද? තියා ගන්නම..
    ඒක මරු කතාව බං..

    ReplyDelete
  10. හි හි...... එළ වැඩේ සහෝදරයා... ඔය වගේ මිනිස්සුන්ට හොද මතක හිටින ගේම දෙන්න ඕනේ..

    ReplyDelete
  11. කියලා වැඩක් නෑ.....superbbbb..........

    ReplyDelete
  12. patta.habai kalin ekath mama kiyawala comment ekak damma mage hithee!

    ReplyDelete
  13. @නදී , බිඟුවා, චේජනා !

    හික් හික් . . .හික්!

    ReplyDelete
  14. @චමිදේවා!
    මල නොපැන තියෙයිද බන් . . .

    අනේ මන්දා ඊට පස්සේ අපේ ගෙදර එන එක නම් අඩු කලා හික් හික්

    ReplyDelete
  15. @වැප් , Ansh Lucky Sri Jay !

    හා හා වැඩිය හිනා වෙන්න එපා . . හිනා හිර වුනොත් එහෙම

    ReplyDelete
  16. @Anonymous!
    "අනේ මන්ද ඔය කියන් තරමට ආතල්ද....බං ඒක"

    ඒක කිව්වේ???

    ReplyDelete
  17. අපි මේ ළඟදි පැය 20 ක් විතර ගත කරපු අරාබි නුවරක (ඒක නම් නුවරක් ම තමා) උදේ පාන්දර එලියට බැහැපු ගමන් දැක්කේ ඉතා අඩුවෙන් ඇඳුම් ඇඳපු චීන මූණක් තියෙන ගෑණු කෙනෙක්. හවස ආපහු එන්න ලොබියෙ ඉන්නැද්දි උස, රූමත් රුසියානු ඇක්සන්ට් එකක තියෙන ගෑණු දෙන්නෙක් දොරටු පාලයත් එක්ක වාදයක්...මම දවසම අත් දිග කමිසයක් ඇඳගෙන... හැබැයි මැද පෙරදිග දිවා කෑමක් කෑවා.... බොරුනම් තු....... ගෙන් අහලා බලන්න..!

    ReplyDelete
  18. ෂෝක් කථාව..හොද වැඩේ..

    ReplyDelete
  19. මේව නරක වැඩ. හොඳ යාළුවො නං කරන්නෙ හොඳ නරක ක්‍රිල දෙන එකයි. ඒත් කොළු කාලෙ ඔහොම තමා!

    කතන්දරකාරයා

    ReplyDelete
  20. @බින්කු, නික්!
    පරිස්සමින් හිනා වෙයල්ලා ලමයිනේ හිනා ඉස්මොල්ලෙ ගියොත් එහෙම හික්ස්

    ReplyDelete
  21. @රොකියා | Udara!
    මේක සිද්ද වුනේ අපි උඹ දැන් ඉන්න රටේ ඉද්දි මලයෝ . . හික් හික්

    ReplyDelete
  22. @යෝගී!
    හෙ හෙ හේ ඔව් ඔව් ගින්දර වගේ තමයි . . අනේ ඌ දැන් දක්කාම මම නම් යන්නම් එන්නම් කියාගෙන යනවා.

    @පිස්සා!
    අපෝ ඌ එහෙම සල්ලි වියදම් කරන ජාතියේ එකෙක් නම් නෙමෙයි. සමහර විට ඔය වැඩේට ගිහින් ඒ අයගෙන් සල්ලි ඉල්ලන් එන ජාතියේ බුවෙක් මට හිතෙන හැටියට නම් හික්ස්

    ReplyDelete
  23. @ළමයා , නිල් අහස !

    api ehemai . . .hik hik hik . . .

    ReplyDelete
  24. @මුචා!
    ඔව් ඔව් කලින් එකට මුලින්ම කමෙන්ට් කරලා තිබුනේ උඹ මලයෝ !

    ReplyDelete
  25. @ireshasy!
    පව් කියලත් හිතෙනවා දැන් නම් මතක් වෙද්දී .

    @KK
    වැඩේ නම් හොඳ නෑ තමයි බන්. ඒත් හොඳ යළුවෙක් වුනා නම් එහෙම කරන්නේ නෑ. සමහර විට අපි දුන්නෙ ගේම නිසා ඌ ආපහු එහෙම දෙයක් ගැන හිතනකොටත් චූ යන්න ඇති . . හික් හික්

    ReplyDelete
  26. @හෂිත !
    අඩේ මට තුෂාරගෙන් අහන්න බැරි වුනා උඹ ඕවා දැකලා කලන්තේ හැදිලා වැටුනේ නැද්ද කියලා . . හික් හික්

    ReplyDelete
  27. හක් හක් හක්.. අඩො හිනාව නවත්ත ගන්න බෙරි උන ඔය සීන් එක කියවල... පව් කියලත් හිතෙනව බන් හක් හක්....

    ReplyDelete
  28. හෆ්ෆා... හිනා සාගරයක්... හික්! :D
    එළ එළ තව ඉස්සරහටත් මේ වගේ කතා ලියන්න... ආසාවෙන් කියෙව්ව...

    ReplyDelete
  29. හිකිස්! සිරා සීන් එක!!

    ReplyDelete
  30. ආතල් ඒත් කැතයි හොඳේ..............!

    ReplyDelete

සිංහලෙන් අදහස් දක්වන්න අවැසි නම්
මෙතනට යන්න..

මේ ලිපිත් කියවල බලන්න

Related Posts with Thumbnails