අළු මතින් උපන් පීනික්ස් කුරුල්ලාත් සියලු දේ එපාවී අකර්මන්‍යවී කලකිරී පරාජය භාරගනීමට සූදානම් වූ මොහොතක් . . !
අරා නුබ ගැබ සරා සියොත් සකි
පුරා පියඹා ලොව දකිනු රිසි
ඉරා තිමිර පට තිබු නෙතු වැසි
පිරූ පාරමි කුරවියෙක් ඇති
ක්ෂිතිජ ඉම ඔබ දකිනු රිසි වූ
විසල් නෙත් හැර බලනු ලොබ වූ
නොදුටු සකි සඳු රැගෙන යනු වූ
අමිල පැතුමන් හදේ රැඳවූ
මහා ගමනෙක යන්ට පලමුව
බිඳි අත්තටු සලනු නොහැකිව
මිදී කඳුළැලි ඉනූ නෙත් මුල
පරාජිත වී ඇරඹුමේදිම . . . !
Wow! හරිම ලස්සනයි නෙ!!!!!
ReplyDeleteඑළ එළ සචී . . .
ReplyDeleteමේක පරන එකක් සචී . .
ReplyDeleteඊයේ අහම්බෙන් දැක්කා ගූගල් බස් එකේ තියෙනවා.
එතනින් අරගෙන මෙතන දැම්මා.
එච්චරයි
"පිරූ පාරමි කුරවියෙක් ඇති"
ReplyDeleteමේ පදය නොතේරිනි..
කුරවියෙක් = කුරුල්ලෙක්
ReplyDeletehttp://en.wikipedia.org/wiki/Cuckoo
"පරාජිත වී ඇරඹුමේදිම"..........කොච්චර දුඛ්‍ය සහගතද?
ReplyDeleteපරාජිත වී ඇරඹුමේදිම
ReplyDeleteවැටී ගිනිගෙන මියෑදෙන්නට
තැතනුවත් එයටත් ඉඩක් නැත
දුකා අයියා බලාගෙන ඇත
(පුංචි විහිළුවක්. තරහ නෑනේ?) ;D
කවි පෙළ ගොඩක් ලස්සනයි. අර්ථවත්.
ඇත්තටම ලස්සනට කවි ලියන්නත් පුලුවන්නේ.
ReplyDeleteමැණික්(සුළඟ)
දැන් ඉතිං ඕක තේරුම් කොගන්ට ආයෙම සිංහල මාස්ටර් කෙනෙක් ලඟට ටියුෂන් පලයංකෝ... අනේ අම්මපා මේ දුකා අයියාත් අපිට දෙන ගිනි ගෙඩි...
ReplyDeleteජීව් මළයා නිවාඩු ගිහින් නංගී වළලු දාපු අතින් උයපු කෑම කාල ඉස්මුරුත්තේ හැදිලද අප්පේ සිංහල අමතක උනේ. . . හික්ස්
ReplyDeleteනුබ ගැබ = අහස් කුස
සියොත් සකි = කුරුළු මිතුරන්
මේ ඇතෙයි?
@දිනේශ් !
ReplyDeleteඒකනේ දිනේශ්
මක්කා කොරන්නද
@පීනික්ස් කුරුල්ලා!
කවුද අප්පේ මේ පීනික්ස් කුරුල්ලා
@මැණික්(සුළඟ)!
අපෝ ඔයාලත් එක්ක හැරෙන්න තියා හිතන්න්වත් බෑ මට නම් .
ස්තූතියි ආ
කවියක් එක්ක පීනික්ස් කුරුල්ලව ඔය පැත්තට එව්වේ සිතුවිලි සිත්තමට නැගෙනා කවි පොතෙන්... කළිං කොමෙන්ටුව දාද්දි ආවේ කොහෙන්ද කියලා කියන්න එයාට අමතක වෙලා... ඕං දැං කිව්වා හොඳේ...
ReplyDeleteබලහං ඉතින්... උඹත් ඉඳල ඉඳලා බ්ලොග් එක ආපහු ලියන්න පටන් ගත්තා.... මෙලෝ මල දානයක් තේරෙන්නෙ නැහැ... අනේ බං සිංහලෙන් බ්ලොග් එක ලියපන්කෝ...
ReplyDeleteමටත් ඉතින් කියන්න තිබුනා "මරේ මරු... හරි ෂෝක්.." කියලා... ඒත් බං තේරුනේ නැතිනම් මොකෑ කරෙන්නෙ ?
මට ඕ ලෙවල් කාලේ සිංහල පොතේ තිබුනු "උම්මග්ග ජාතකේ" මතක් උනා. එකත් කියෙව්වේ මේ වගේම ෆුල් ගේමක් දීලා...
ReplyDelete@දුමී!
ReplyDelete"අනේ බං සිංහලෙන් බ්ලොග් එක ලියපන්කෝ"
නොදකින්
තෝව කොටියම කාපිය . .
හික් හික් හික්
@සිතුවිලි සිත්තමට නැගෙනා කවි පොත!
ReplyDeleteහරියෝ.
කවුද කියලා තේරුනෝ.
මේ ඒක නෙමේ
ඔයාගේ බ්ලොග් එකේ කමෙන්ට් දාන්න බෑ නේද?
අයි ඒ?
ලස්සන පද පෙළ..
ReplyDeleteඕන්න බලාපන් ඉඳලා ඉඳලා කවි පුපුරනකොට කොහොමද කියලා..!
ReplyDeleteතව ලියපන් අයියේ!! :)
@ගී සිතුවම්!
ReplyDeleteබොහොම ස්තූතියි.
@ලිෂ්!
ඉඳලා හිටලා ලියවුනොත් තමයි කොල්ලෝ අපිට ඉතිං . . .
එහෙම ලියවුනත් මේ වගේ කාටවත් නොතේරෙන එකක් . .
හික්ස්
උඹලට වගේ නොසිඳෙන කවි උල්පත් කොහේද අපිට
පැතුම් ඉතිරිව දැවෙනු නොහැකිව..
ReplyDeleteබලා ඉන්නෙම් තවත් මම් ලොව..
දැවෙන්නේ මස් සම්ද ලේ වුව..
පැතුම් පිරු සිත දවනු නොහැකිය..
ඇරඹුමට ඉඩ දෙනු පිණිස වුව..
දැවී යන්නට නොහැක සමුගෙන..
අසුරු ගසණා ඇසිල්ලෙක් වුව..
වෙන්ව ඉඳුමත් නොහැක දැරුමට..
කවිය නුඹ ලිවු කියෙවුවෙමි මම
ReplyDeleteපදෙන් පද ගෙන ගැලපු වෙමි මම
කෙලින් හිත තුල ලැගුම් නැත තව
මොළෙන් කවියක් කියෙවුවෙමි අද
කවිය හොඳයි ගැඹුරුයි ... මට නම් මෙහෙම ලියන්න තව සෑහෙන කාලයක් යාවි ...
විල මතුපිටින් දිය දකින්නෙමි
ගැඹුර ගැන පසු නොම තැවෙන්නෙමි
නමුත් දිනකදි වැටුන විට මම
නොසිතු දේ ගැන පසු තැවෙන්නෙමි ...
කවිය කියවද්දි මතක් වුනේ ඇරඹුමම කඳුලක් වෙලා සිංදුව...
ReplyDeleteමං හිතන්නේ මටනම් ඕං කවිය චුට්ටක් විතර තේරුනාද කොහෙද... :)))
ආ... අර තිමිර පටි කියල වචනයක් කලින් අහල තිබුනෙ නෑනේ... තිමිර පට වගෙ මතක....
ගිනිනකි අළු තැනුව
ReplyDeleteකුරුලෙකි ඉන් නැගුන
බිඳුනත් අත් තටුව
ඉඟිලෙන්නට උපන
ඇතිතුරු හොටය
නිරතුරු රැකෙන
---
නිසසල විලක්
දියමත සිත්තමක්
මතුකල පන්හිඳක්
වේවා උල්පතක්
ගලන කවිගඟක්
ජය මිතුරේ!
@මාරයා!
ReplyDeleteසියල්ල දැවී ගියත් ප්‍රාර්ථනා පිරුනු සිත දැවී නොයන
ඇසුරු සැනක් වත් පැතුමෙන් බැහැරව නොයන
මාරයාගේ පැතුම් ඉටුවී සදා සතුට රජවේවා.
@වත්!
අප්පේ ගජමන් නෝනටත් නොතේරුනානම් මේක ඒ කියන්නේ අටමගලක් වගේ නිසඳැසක් වෙන්ටැ.
ඉන්ට එහෙනම් නිවාඩු වෙලාවක මේ නිසඳැසේ තේරුම පහලින් ලියා දාන්ට.
@පුතා!
අම්මෝ ඇති යාන්තම් තේරුනා කියලා කිව්ව එකෙක් හම්බුනා.
අහ් පට, පටි දෙකම එක සමන තේරුම් එනවා කියලා මම හිතුවේ.
හරි ඔන්න ඒක හැදුවා හරිය.
@ඩීන්!
ඔව් නේද ඩීන් . .
දෛවයට අනුව ඉගිල්ලෙන්න උපන් එකෙක්ව මොනවා හරි කොරලා හිර කරලා තිබ්බත් නිදහසක් ලැබුනු ගමන් ඌ පියාඹනවා.
"නිසසල විලක්
දියමත සිත්තමක්
මතුකල පන්හිඳක්
වේවා උල්පතක්
ගලන කවිගඟක්'
මේ ප්‍රාර්ථනා ජීවිතය ජීවත් කරවයි . . . !
හයේ සිටන් සිංහල ඉගෙනුවා මදි
ReplyDeleteසිංහල පන්ති ගියමුත් මා එ‍හිදි නිදි
එහි රග දැනේ මේ වාගේ මොහොත කදි
මේ කවි තේරුම් ගන්න අපි පින් කලා මදි
පින් මදි මට මිසක් ඔබට නෙමෙයි ඕං .... ඔබ ලියන්න ජය වේවා දුකා අයියා
හැබෑටම මේ වගේ කවි ලියන්නෙ අර 'දෙක ලප්පම් කාල වත්ද ඈ .....හෙහෙ :D
@සහෝදරයා!
ReplyDeleteඅප්පේ . . මේ අපේ ළමයින්ගේ සිංහල දැනීම නම් ගන්න දෙයක් නෑ හරිම දුර්වලයි.
යකෝ මුන් ඉන්ගිරිස් වැරැද්දුවත් හිනාවෙනවා . . සින්හල තේරුම් ගන්න බැරි උනාමත් හිනාවෙනවා . .. හිටු වෙලාවක මේකේ තේරුම ලියලා දාන්ට
ඒ දෙක ලප්පම් අපි හදනවා විතරයි . . කන්නේ නෑ . . ඔව්ව කන්න දෙන්නේ දුමී වගේ කට කහන අයට විතරයි බන් . . කාටවත් කියන්න එපා හොඳේ . .
ලස්සන කවි පෙළක් දුකෝ.....එළ
ReplyDeleteගොඩාක් ලස්සනයි... හිතන්න දේවල් ගොඩාක් තියෙනවා. හැමදාම මේ වගේ ලස්සනට කවි ලියන්න සිතුවිලි ගංගාව නොසිඳී ගලන්න ඕනෙ.. බුදු සරණයි...
ReplyDelete@ප්‍රියන්ත!
ReplyDeleteතැන්කූ ප්‍රියන්ත මළේ.
@තාරා!
අදමයිද මන්ද ඔයාව දැක්කේ මේ අඩවියේ.
ස්තූතියි කිව්ව ඕන් ඔයාටත්.
Please re-consider the following phrases.
ReplyDelete1. තිමිර පටි (did you mean Thimira Pata?)
2. විසල් නෙත් (Did you really mean big eyes?)
@කසූ!
ReplyDeleteතිමිර පටි පට දෙකම එකක් කියලයි මම හිතුවේ. ඒක වෙනස් කරනෙමි ඕන්.
විසල් නෙත් කියලා අදහස් කලේ ඇහැට පෙන තරමට වඩා දකින්න උත්සාහ කරන කියන එකයි. .