ඔබ
මඩ වගුරු බිමක
අහම්බෙන් පීදුනු
රතු රෝස ගසක,
සුවඳ හමන
රෝස කුසුම !
මේ මඩ වගුරේ
මල් නෙලන්න
කවුරු නම් ඒදැයි
සුළඟට ගතු කියාපු
රෝස කුසුම
වගුරු බිමට නිතර නිතරම
වටු කුරුළු බිත්තර
දඩයමේ ආ
කුරුළු දඩයක්කරුට
පෙම් බැන්ද
හිතුවක්කාර කුසුමිය
මලක් නම්
පුදසුනක පිදෙනු බැරිනම්,
ලොවට සුවඳ දී
ගසේම මිලින වීම
සැපයකැයි කී සුළඟට
නෝක්කාඩු බස් දෙඩූ
රූමතිය
ලොවම නිදිගත් රාත්‍රියක
ප්‍රේමය නම් මෙයැයි කියා
නපුරාට බහ දුන්
පෙම්වතිය
නපුරාගේ අත පත්ව
එකින් එක පෙති සිඳිදී යද්දී
කඳුලු පිරුනු දෑසින්
සුළඟට දෙස බැලුවාට
දුකින් කඳුලු හෙලනු මිස
සුළඟ වෙන කුමක් කරන්නද !
https://unsplash.com/photos/3FySzt4df70
ලාමක හීනයක බොඳවෙන කඳුළු කැට
ReplyDeleteපාවඩ අතුරවයි නිසසල තනිකමට
පාර සොයන බඹරුනි ආදර කමට
කෝල හැඟුම් නොනගනු දුක හිතෙයි මට...
මගෙ පරණ කවියක් මෙතන්ට ගැළපෙයි කියළා හිතුනා.
ඇත්තටම උඹේ නිර්මාණය රහයි දුකා.
ජයවේවා!!!
වැදෙනෙවා, සැරට!
ReplyDeleteළැම පමණක් ලොවට පෙනෙන ලය නොපෙනෙන් ලඳුනේ..........
ReplyDeleteනෑයෙක් නෑකම් නොකියන
වීදි සරණ ලඳුනේ ............
විචාරක දියණිය
හ්ම්ම්.....
ReplyDeleteමේ වනවිට ඔබේ නිර්මාණ බොහොමයක් රස විද තිබෙනවා . ඒවා විවිධ පරාස කරා යන අයුරු අපූරුයි . බ්ලොග් කලාවට අළුත් මට ඔබේ භාවිතය හොද අත්වැලක් . ඉඩක් ලැබුණොත් මගේ අහස් ගව්වෙන් එහා ලෝකයට ගොඩ වැදිලා අඩුපාඩු ලියන්න . වැඩි පිරිසකට මගේ නිර්මාණ රසවිදින්න උදව් කරන්න . ඔබට ජය
ReplyDelete