twitter
    Find out what I'm doing, Follow Me :)

මා සැබෑ වාසනාවන්තයෙක්මි. . .!



ජීවිතයේ සිදුවන . . . . . . . . කඩාවැටීම් බිඳවැටීම් ඉඳහිට
ඒකාකාරී දිවියේ රිද්මය . . . සුලුවෙන්වෙනස් කෙරුමට
සිදුවන සිදුවීම් යැයි . . . . . . විඳගත හැකි නමුත් මට
මගේ දුකට හඬනා ඔබ ගැන . . කියන්නට වචන නැත මට

මා නුහුලන මහාමේරුව . . . . හිසමත තබාගත් ඔබට
දියයුතු නොවේද ඉසුඹුවක් . . . . . . එය බිමින් තැබුමට
ඉදින් ඔන්න අදින් පසු . . . . සිනාසෙමු පෙරසේ එකට
දුකා අනිද්දායින් පසු . . . . යයි අලුත් කොම්පැනියක වැඩට

සිදුහත්ට අබිනික්මන් කෙරුමට
මඟ පහසු කල යසෝදරා මෙන්
සියළු දුක් වේදනාවන්
සිනා මුවින් විඳගත් ප්‍රියාවිය

සියල්ල වෙන්නේ හොඳටයි කියා
නිබඳ සිතට දිරි දුන් දයාවිය
සැපදුක සමසේ බෙදාගන්නා
ඔබ මට සදා වාසනාවන් . . !

මටවත් නැති උවමනාවෙන්
සතර අතට ඉල්ලුම්පත් යවමින්
දන්නා නොදන්නා හැමතැන් සොයමින්
නිබඳ රැකියා සොය වෙහෙසුනු

උදේ හවා සැපදුක් සොයා
හිත තැවූ දුක් නිවූ
නෑසියන් මාපියන් සොයුරියන්
දයාබර මිතුරු මිතුරියන්

ඉදින් මොටද මට
රන් මිණි මුතු දියමන්තිද
ඔබලාගේ ආදරය සෙනෙහස
සමකල හැකිද ඒ කිසිවකට?

ප්‍රේමනීය බිරිඳක් පුතෙක් මාපියන්
නෑසියන් සොයුරියන්
සෙනේබර මිතුරු මිතුරියන්
මේ හැර වෙන කිසිවක්
ඇවැසිද ජීවිතයට
ජීවිතය සතුටින් තැබුමට
මේ හැම නොඅඩුව හිමි මා
සැබෑ වාසානාවන්තයෙක් නොවේද?

ආයතයේ ව්‍යාපෘති සියල්ල පාහේ ආයෝජකයින් කල්දමා ඇති නිසාවෙන් අස්ථීර ආර්ථික තත්වයන් උඩ සේවකයින් කප්පාදු කිරීම හැර වෙන විකල්පයක් නොවූ නිසාවෙන් ආයතයෙන් ඉවත්කරනු ලැබූ කීප දෙනා අතර මාද සිටියෙමි.

ඒ සිදුවීම අප විසින් පසුවට කල්දැමූ සියලුදේ තවත් කල් නොදමා පටන් ගැනීම සඳහා ලබාදුන් වරමකැයි අප සිතූ නමුත්,

ඒ සිදුවීම අපගේ හිතවතුන්ගේ හිස් මත තැබූ මහා බරක් බව ඔවුන් සියලු දෙනා මට වෙනත් රැකියාවක් සොයාදීමටත් අපට නන් අයුරින් උදව් කිරීමට ඉදිරිපත් වීමෙනුත්, උදේහවා දුක සැප සොයා බලා සිතට දුකක් නොදැනෙන්නටත් හිතේ දුකක් ඇත්නම් එය නැත්කරන්නටත් වචනයකින් හෝ දිරිදී කටයුතු කිරීමෙනුත් මට දැනුණි.

ඒ ඔවුන්ගේ මා කෙරෙහි, අප කෙරෙහි ඇති ආදරය සෙනෙහස නිසාවෙනි.

ඉන් ඔබ ඒ ඔවුන්ගේ මානුෂිකත්වයයි.

මේ සටහන ඔවුන් සියලු දෙනාගේ ඒ මානුශිකත්වයට උපහාරයක් වේවා . . !

ප.ලි.
වසර 8ක 9ක කාලයක් තිස්සේ ළබැඳි මිතුරෙක් වූ ඉන්දියානු ජාතික මිතුරා සමඟ ඊයේ රාත්‍රී පැවති කෙටි සම්මුඛ සාකච්චාවකින් පසු ඔහුගේ ආයතන තුනේම එකවර ප්‍රමාන සමීක්ෂක සහ නිමානක (Quantity Surveyor and Estimator) ලෙස රාජකාරී කිරීමට බඳවා ගන්නා බව දැනුම් දී මේ සතියේ බ්‍රහස්පතින්දා සිට රැකියාව ආරම්භ කරන්න මෙන් ඉල්ලා සිටියෙන් දින දහයක් පමන වූ විරැකියා ප්‍රශ්නය නිමාවූ බව ඔබ සැමට දැනුම් දෙන්නේ සතුටිනි.


විජයගේ ආදරය චන්ද්‍රිකාටද - චන්ද්‍රලේඛාටද??



විජය කුමාරතුංග ජනප්‍රිය නලුවෙක්ව සිටි බව සැබෑවක් නමුත් ඔහුගේ බොහෝ චිත්‍රපටි නරඹා ඇති මගේ මිනුම් දඬු වලට අනුව නම් ඔහු විශිෂ්ඨ ගනයේ නලුවෙක් නොවේ.

ඔහුගේ විශිෂ්ඨතම රඟපෑම් ඇත්තේ කැඩපතක ඡායා චිත්‍රපටියේ බව මතක හැටියට වරක් ටැබූ කොහෝ තැබූ කොමෙන්ටුවක දුටු නමුත් අවාසනාවට එම චිත්‍රපටිය නරඹා නොමැති නිසාවෙන් ඔහු හා එකඟ වන්නට මට හැකියාවක් නැත.

කෙසේ නමුත් ඔහු ගායනා කල ගීත බොහොමයක් අසා ඇති මට ඔහු ඉතා විරල කටහඬක් ඇති අපූරු ගායකයෙක් බව නම් කටපුරා කිවහැකියි.

මිල්ටන් පෙරේරාගේ හඬින් ගයන්න ඔහුගේ පුතුන් වූ ප්‍රියංකර හා චලක චමුපති සිටින අතර අමිත් වල්පොල ධර්මදාස වල්පොල මහතාගේ හඬට සමාන හඬින් ගී ගයයි. චිත්‍රපටි පසුබිම් ගායනයට ජෝතිපාල මහතා අහිමි වූ නමුත් ග්‍රේෂන් ආනන්ද මහතා ඔහුගේ හිස් තැන ඔහු පමනටම නැතත් සුලුවෙන් හෝ පිරවූ බව මගේ අදහසයි.

මොහිදීන් බෙග්ගේ ගීත ඔහු පුත් ඉෂාක් බෙග්ද මර්වින් පෙරේරාගේ ගීත කීපයක් අමල් පෙරේරාද, මිල්ටම් මල්ලවාරච්චිගේ ගී ඔහු පුත් රනිල් මල්ලවාරච්චිද ගායනා කරන නිසාවෙන් අප මතකයෙන් ගිලිහී නොයා තවත් කලක් අප අතර රැඳෙනු ඇත.

එනමුත් විජය කුමාරතුංගගේ විරල කටහඬ හිමි කිසිවෙක් තවම කරලියට පැමින නැති නිසාවෙන් ඔහුගේ ගීත අපගේ වර්තමාන පරපුරට සේම අනාගත පරපුරටද අහිමිවී යාමේ අවදානමක් ඇති බව සිතෙන විට මට නම් ඇතිවන්නේ සියුම් වේදනාවක්.

මේ බ්ලොග් සටහන එවන් වූ මගේ වේදනාව මකා ගැනීමේ කුඩා තැතක් පමනි.

දේශපාලනයේ චරිතයක් වීම විජයගේ සිහිනයක්ව තිබුනා විය හැකියි. බලවත් දේශපාලනක පවුලක චන්ද්‍රිකා ට විජයගේ ආදරය හිමිවීමෙන් ඈ ඔහුගේ බිරිඳවීමෙන් පසු විජයගේ තිබුනා වන්නට විය හැකියැයි මා උපකල්පනය කරන දේශපාලකයෙකු වීමේ සිහිනය යතාර්ථයක් කර ගන්නට ඔහුට ඉඩ ලැබුනා වන්නට ඇත.

සිනමා ක්ෂේත්‍රයේ සංගීත ක්ෂේත්‍රයේ සියල්ලෝ "ඉතා උසස් මානුෂික ගති වලින් හෙබි සුන්දර මනුස්සයෙක්" යනුවෙන් නිතර අර්ථකතනය කල විජය අපට අකාලයේ අහිමිවීම ඔහුගේ දේශපාලන ආගමනය නිසා සිදුවූවක් බව මගේ පමනක් නොව බොහෝ අයගේ මතය නොවේද??

චන්ද්‍රලේඛා පෙරේරා, මාලනී බුලත්සිංහල, ඇන්ජලීන් ගුණතිලක ආදී ගායිකාවන් කීප දෙනෙකු සමඟ විජය යුග ගී ගයා ඇතත් ඔහුගේ යුග ගී අතුරින් විශාල ජනතා රසික ප්‍රදායක් දිනුවේ විජය සහ චන්ද්‍රලේඛා ගායනා කල යුග ගී බව මගේ හැඟීමයි.

ඉදින් විජයගේ ආදරය චන්ද්‍රිකාට නොලැබී චන්ද්‍රලේඛාට ලැබුනි නම් විජය අදටත් විශිෂ්ඨ ගායකයෙකු ලෙස අප අතර සිටින්න ඉඩ තිබුනා නොවේද කියා මට සිතීම අහම්බයක්ද??

. . . . . . . . . . . . . . . . . . . . . . . . . . . . . . . . . .

සිංහල හින්දු අවුරුදු සමය ඇති - නැති, ලොකු - පොඩි කාටත් එකසේ සිතට සුවය සදන සමයක් බව කිව මනාද? ගැමි ජීවිතයේ සුන්දරත්වයත් සිංහල හින්දු අවුරුදු සමයේ ඇති සිරියාවත් මේ ගීතයේ අපූරුවට ගැබ් වී අති අකාරය බලන්න.

පුංචි පැලත් මේ කාලේ මාලිගා
රජ මාලිගා දොලොස් මහේ නැකත ඇවිල්ලා
ගම්මානෙම මංගල ගී ගායනා ගැමි ගායනා
සිංහල අවුරුද්ද ඇවිල්ලා

මල් වරා තිබූ දළු මල් බරින් පිරී
රන් ගොයම් පැසී නැමී සැලේ
බාලොලියා බෝවිටියා හිනැහී ඇතේ
කෝළ ළඳුන් මුවඟ රබන් සුරල් සේ

කමත් බිම් කෙත පුංචි පැංචියන් පිරී
චන්ද කිඳුරු නාඩගම වෙතේ
කෝළ ළඳුන් ආල සිතුම් ගැටවු හා ඇති
ඈත කුඹුරු පිටියෙ සරුංගල් අරී


. . . . . . . . . . . . . . . . . . . . . . . . . . . . . . . . . .

අනෙකාගේ සෙවනැල්ල පවා හදට සිහිල සදන ගිමන් හලක්වූ, අනෙකාගේ සිතට සීමා මායිම් පැනවූ ඒකාධිපතියන් නොවූ, අනෙකාගේ සතුට සැපත පමනක් තමාගේ සතුට සැපත බවට පත් කරගත් ප්‍රේමයෙන් මුසපත් වූ යුවලකගේ ආත්මීය කථනයක්.

සැරයටියෙන් අපි යනෙන තුරා
සංසාරේ අපි එකට ඉමූ
සංසාරෙන් අපි සමුගන්නාදා
ඒ ගමනත් අපි එකට යමූ

ජීවන මංපෙත මලින් සැදී ගිය
යුගයක නොව ඔබ හමු වූයේ
කටු කොහොලින් පිරි කළල් වියේ මා
තනිව මියෙද්දිය හමු වූයේ
මින් මතු මංපෙත මලින් සදන්නෙමි
ළතැවුල් සෝ ගී නෑසෙන සේ
පමනක් නොව මේ සංසාරේ
උපදින වුව මතු සංසාරේ

මතු උසංසාරේ මා හුරුබුහුටිව
පෙම් කරනා කල එලඹෙනදා
කුළුඳුල් නැකතින් හමුවන පැතුමක්
පතනෙමු සසරින් නික්මෙන්දා
සංසිඳුවා සිතු පහන් කරන්නෙමි
මේ පෙම කුළුඳුල් පෙම යැයි සිතා
එන්නෙමි පසුපස සංසාරේ
කැපවෙමි ඔබ සිතු ගැනම සිතා

. . . . . . . . . . . . . . . . . . . . . . . . . . . . . . . . . .

ආදරය දෙස මෙත් සිතින් බලනු හැකි වැසියන් නොමැති; ආදරයෙන් බැඳුනු සිත් රිදවීම, කඩා ඉහිරවීම ඒකායන ප්‍රාර්ථනය කරගත් වැසියන් නොමැති; පෙදෙසක් කොහේ වේද? මිනිස් වාසයෙන් තොර වන දහන හැර එවන් පාරාදීසයක් මිහිමත වෙත්ද??

වනසපු මල් පිපෙන වන රොදේ
ජීවිතයේ සුවඳ විජිතයේ
ඔබ හමුවන්නට මා ආවේ
ලොවින් සැඟව මේ වන දහනේ
ගහකොල මල් සෙවනැලි අතරේ
වැතිරෙමු අපි පිනි කැට යහනේ

කුරිරු සිතින් දළ තුඩු ඇන
අප රිදවන කිසිවෙකු නැත
බොරු හසරැලි මල් රොන් යට
විස සඟවන කිසිවෙක් නැත

පෙමට නිවන් මඟ සලසන
වන ගහනය සිත සුව දෙන
ඔබෙත් මගෙත් සිත හඳුනන
කුරුළු ගීත අසනු මැනවි


. . . . . . . . . . . . . . . . . . . . . . . . . . . . . . . . . .

දෙතැනක සිරවුනු දෙසිතක සෙනෙහසක් එක්තැන්ව ප්‍රේමයේ සිහිල විඳින දවස කවද උදාවේද?

ඈත එහා . . . ඔබ සිටිනා . . .සිතක සිනා
ඒ සුවඳ හමා
මගේ හදේ ලියවී තියෙනා
කැකුල පිපේයා . . සුවඳ හමා
ඈත එහා . . . ඔබ සිටිනා . . .සිතක සිනා
ඒ මහද සලා
මගේ හදේ සිරවී තිබෙනා හැඟුම් ගලා යා
ඔබව සොයා

පියඹා එන්නට අවසර දෙනු මැන
ලංවී ඉන්නට සැමදා ඔබ වෙත
සෙනෙහස ගන්නට පහස ලබන්නට
සිහිය ලොවින් හෝ සැබේ කරනු මැන

ඔබ හා සිතනා මාගේ පැතුමන්
හමනා සුළඟේ මුදා හරින්නම්
සීත පටලයන් අතරේ සැඟවී
උනුසුම් සුසුමන් නිවා හරින්නම්


. . . . . . . . . . . . . . . . . . . . . . . . . . . . . . . . . .

නගරයේ ඇති කෘතිම විච්චූර්ණ අරුමෝසම් මායාව විසින් සුන්දර සිහිලැල් ගම්මානය ආක්‍රමනය කිරීම කොතරම් පාපයක්ද?

මා දිනු ගම්බද මේ බිමේ
ගුම් බිඟු ගී නෑසේ
ලාළිත සුන්දර ලාළනා
දැන් නෑ ගම්මානේ
මාදුටු කෝළ ලඳු මේ ගමේ උන්
වෙනස් වීලා ඔබ වගේ

පැරණි දේවල් අගය නෑ නේ
නගර ගම්මානේ
ආල සිත මා ඔබට දුන් ඒ
අගය දැන් නැතිදෝ

ළමැද ඇට පොට ඔසරි වළලූ
ඔබට දැන් හුරු නෑ
ගම වෙනස් වී හිත වෙනස් වී
ඔබත් නෑ මතකේ


. . . . . . . . . . . . . . . . . . . . . . . . . . . . . . . . . .

ගම්මානයේ සිරියාව නගරයේ අරුමෝසම් වැස්සේ දියෙන් සේදී ගියත් කැකුලෙක් කැකුලියකට ආදරය කිරීම මහා පාපයක් ලෙස සිතන පුහු ආකල්ප වෙනස් නොවූයේ මන්ද??

පෙරමඟ සුභ නිමිත්ත වී
හෙටත් උදෑසන වඩින්න
අකුරට යන බාල නගේ
වෙල ඉස්මත්තේ
එපා ඉන්න හෙට මේ ලෙස
මං යනවා පිට පාරේ

වටින් ගොඩින් එලිය වැටී
දොල ලඟ බැද්දේ
එන්න එපා කතා හැදෙයි මේ ගම්මැද්දේ
කුමාරියක් බලා හිඳී හද විල් තීරේ
පුංචි නෙළුම් මල් යහනාවේ

ජම්බු රතට රතට වෙරේ
ඇහළ මලක් පෙමට හඬයි
පිට දිග වරලේ
පුර පෝය හඳ එලියේ අන්දර හෙවනේ
ඉන්නෙ කෙසේ පෙම් පිලිසඳරේ


. . . . . . . . . . . . . . . . . . . . . . . . . . . . . . . . . .

තෙතමනයක් නොමැති හදවත් ඇති සියක් දාහක් මිනිස් පුරයක් වුව පිපාසයට දිය බිඳක් නොමැති කතරක් නොවේද?


මල් හසරැල් සැලෙන ලොවක්
දුල් රසු දැල් අසිරි සලක්
සිහින ඉසව්වක්
සිත් කතරක නෙත් දනවන
සිහින දනව්වක්

කතරක් වෙන කොතැනක හෝ
කෙම් බිම් යලි හමුවෙනවා
දුක් අරගෙන යන ගමනේ
හසරැල්ලක් මුසුවෙනවා
කඳුලින් තරු වූ උයනේ
මිනිසත් කම් දලු ලනවා

සිත තෙත් නැති කාලේ
කොතැනත් කතරක් වෙනවා
හදවත් පිවිතූරු වූ දා
නව කෙම් බිම් බිහිවෙනවා
දෙසිතක් මුසුවූ දැහැනේ
දහසක් මල් පිබිදෙනවා

. . . . . . . . . . . . . . . . . . . . . .. . . . . . . . . . . .

පුංචි කාලේ ගෙවුනු තාලේ ආයෙමත් සිහිවේ
අපගේ බාලේ සෙනෙහේ දාමේ නෑ තවත් බිඳුනේ
ඔබගේ දෑතේ එතිලා ආයේ නැගෙනිය මා අයියේ
දෑස වාගේ සෑමාදා මා ඔබලඟමයි ඉන්නේ

වී කරල් පැසුනා මී මලුත් පිපුනා
වෙල් එලි මැද දුවලා කාලයම ගෙවුනා
සොයුරේ පෙර දිනේ ගී සිනා සිහිවේ

දෑසමන් නෙලලා මාලයක් ගොතලා
අයියන්ඩිගේ ගෙලලා මා බලා සිටියා
නැගෙනී පෙරදිනේ ගී සිනා සිහිවේ


මේ ගීතයට මා විසින් පෙර ලියූ බොහෝ දෙනාගේ ප්‍රසාදයට ලක්වූ "කරදරකාර නංගී හෙවත් දෙවියන් ලබා දුන් අගනා තෑග්ග" නම් වූ ලිපිය හර වෙන යමක් ඇවැසිද??

“කුඩාකල මහා කරදර කාරියක් ලෙස අප සිතා සිටින නංගී සැබැවින්ම කරදරකාරියක් නොව දෙවියන් විසින් දුන් අගනා වස්තුවක් බව කඳුලින්ම මුනගැසී . . . කඳුලින්ම සමුගන්නා මගේ නංගී මා හට පසක් කර දුන්නා යැයි මට නිතරම හැඟේ . . ..”

. . . . . . . . . . . . . . . . . . . . . . . . . . . . . . . . . .

විජයගේ විශිෂ්ථ ගායන කුසලතාවය හඳුනා ගත හැකි තවත් අපූරු ගීත දෙකක්

මිණි කිංකිනි හඬ පරදා
මේ ගැල් ගමනේ
කළුවර කතරේ
කඳු වැටි මානේ
දුක් ගී රාවේ සවනත පෑරේ
සුදු මැනිකේ

පාලුවේ පාවී හපුතල් කඳේ
පුර හඳ නැගුනේ මේ දිගු ගමනේ
ගවකුර වැඩිවේ ගව්වෙන් ගව්වේ
ඔබ නැති ගම්මනේ මේ දුර පෑහේ

සීපදේ රාවේ සියොළඟ සසැලේ
ඔබ සිත සැඟවේ දාහය උතුරා
උනුසුම ඔබගේ සිරුරේ තැවරේ
නෑ හිරු පායන්නේ
නෑ මට ආයේ


. . . . . . . . . . . . . . . . . . . . . . . . . . . . . . . . . .

ඔබ නෙතු මා හා රන්දා
මා සිතු ඔබ හා බන්දා
ආදර හැඟුමන් හදතුල අතුරා
ඇයි දැන් සැගවෙන්න
මා සිත රිද වන්නේ

කාටත් දෙන ඔය නෙතේ කැලුම්
සැමට පිදෙන ඔබේ නුරා බැලුම්
මුතු අතරින් එන පොකුරු සිනාවෝ
ආදර සිත කලඹයි
මා ආදර හද කලතයි

සසර සැරි සරා සෙවූ සිහිනේ
පෙරුම් පුරා ලා බැන්ද සෙනේ
තලන්නෙපා අත හරින්නෙපා
ආදර සිත ඇත්තයි
මා ආදර හද සත්තයි


. . . . . . . . . . . . . . . . . . . . . . . . . . . . . . . . . .

පින්තූරය ගත්තේ : http://www.sundayobserver.lk/2008/02/24/imp03.asp

සයිබර් අවුරුදු උත්සවය 2011 - "මොනව වුනත් වැඩේ කැතයි"



"උඹ කලේ හරිම කැත වැඩක්"

ඔබ වැරැද්දක් කල විටෙක ඔබේ මිතුරෙක් ඔබට මේ ලෙස චෝදනා කලොත් ඔබ කරන්නේ කුමක්ද? ඔබට කුමක් සිතෙයිද?

මගේ මිතුරෙක් මට චෝදනා කලා නම් මුලින්ම සිදුවන්නේ මා සිත් වේදනාවට පත් වීමයි (යකෝ මූ යාලුවා වෙලත් මට බැන්නනේ) දෙවෙනුව කරනු ලබන්නේ ඒ මිතුරා කපා හැරිය යුතු මිතුරන්ගේ නාමලේඛනයට ඇතුලත් කිරීම හෙවත් බ්ලැක්ලිස්ට් කිරීමයි.

එසේ සිත් වේදනාවට පත් වීමේ හේතුව ලෙස මා දකින්නේ මා වැරැද්දක් කල නමුත් මා කල වැරැද්ද සාධාරණීය කිරීමට හේතුත් ඒ වන විට මා විසින්ම නිමවා ගෙන "ඒක සුලු දෙයක් - මට වෙන කරන්න දෙයක් තිබුනේ නෑ" යන නිගමන වලට එලඹ තිබීමයි.

නමුත් මගේ නිගමනය වැරදි බව මිතුරා පෙන්වා දුන් පසු මා කල (කුඩා හෝ) වැරැද්දේ බරපතල කම මගේ සිතට වද දෙන්නට පටන් ගැනීම සිත් වේදනවට හේතුව බව මගේ වැටහීමයි.

කෙසේ නමුත් පසු අවස්ථාවක නිදහසේ මගේ වැරැද්ද ගැන යලි සිතා බලන මොහොතක මා අතින් සිදුවූ වැරැද්දත්, එහි බරපතලකමත්, වැරැද්ද පෙන්වා දුන් මිතුරාට ඒ ගැන ස්තූති කරනවා වෙනුවට, ඔහු/ඇය කපා හැරීමේ මහා පාපිෂ්ඨ ක්‍රියාවත් යන මේ සියල්ල ගැන වැටහීමක් ලැබෙන නමුත් ඒ වනවිටත් ටූ ලේට් නොවී මිතුරා/මිතුරිය මගේ මිත්‍රත්වය යලි පිලිගැනීමට සූදානම් නම් එය මහා ලොකු දෙයක් වනු ඇත.

. . . . . . . . . . . . . . . . . . . . . . . . . . . . . . . . . . . . . . . . . . . .

"අපෝ මෙයාගේ වැඩ නෑ කටින් බතල කොල හිටවනවා විතරයි"

මේ උපහැරණය ඔබ කවදා හෝ අසා තිබෙනවාද??

අපේ සමහරු තම තමන්ගේ බ්ලොග් වලින් තමන්ව හඳුන්වා ගන්නා විදිහට ඔවුන් විහිලුවටවත් බොරුවක් නොකියන මහා සත්‍යවාදියෝ. අනෙක් අයෙක් වෙනුවෙන් මැරෙන්න හෝ ඉදිරිපත් වෙන්න කැමති මහා පරාර්ථකාමියෝ.

ඒත් සැබෑවටම ඔවුන් එසේ කියනා තරමින් සත්‍ය වාදියෝද ?? පරාර්ථකාමියෝද??

තම තමන්ගේ හදවත් වලට පොඩිම පොඩි තට්ටුවක් දමා අසා බලන්න . . .!!

අද දින අහම්බෙන් ඇස ගැටුනු විවේචන නම් වූ බ්ලොග් අඩවියේ සයිබර් අවුරුදු උත්සවය නම් ලිපියේ මේ ඡේදය බලන්න.

"උත්සවයේ අරමුණ බ්ලොග් කරුවන් එකතුකර 'ආතල්' එකක් දැමීමය. පසුව ඊට දිලුම්ගේ අවශ්‍යතාවයද එකතු වුන බැවින් ඒ පිලිඹඳව සලකා බැලීම්ද සිදුවිය. එනිසා මෙහි මුල් අරමුණු සහ දිලුම්ව පටලවා ගැනීම සඳහා යමෙකුට අවශ්‍ය නම් එයද දැන් සුන් වී අවසානය. දිලුම් හුදෙක් අවුරුදු උත්සවයේ ද්විතීයක ලෙස එලි පැමිණි අරමුණකි. අවුරුදු උත්සවය ආරම්හ වන්නේ බ්ලොග් කරුවන් සඳහා නියම ගැදරින් එකක් අවශ්‍ය නිසාය."

මේ පිලිබඳ මගේ අදහස නම්:

මූලික පරමාර්ථය ලෙස බ්ලොග් කරුවන් සෙට් වීම ප්‍රධාන වුවත් ද්වීතියික අදහස ලෙස උත්සවයට එකතු වන සියලුම මුදල් වල ඉතිරිය දිලුම්ගේ ශල්‍යකර්මයට බැරකරනවා යන්න ප්‍රචලිත වීමත් සමඟ සහභාගී වන්නන්ගේ සංඛ්‍යාව ප්‍රමානාත්මකව ඉහල ගිය බවයි.

ඒ අපේ බ්ලොග් කරුවන්ගේ අනෙකෙක් වෙනුවෙන් තමන්ගේ යුතුකමක් ඉෂ්ඨ කිරීමේ මහඟු අරමුණ "ආතල් එකකුත් අරගෙන ඒ ගමන්ම දිලුම්ටත් උදව්වක් කරන්න ඉබේම ඉඩ සැලසෙනවානේ" යන පරමාර්ථයත් සමඟ බද්ද වීම නිසා නොවේද?

මට එසේ සිතන්න අනුබල ලැබුනේ දිලුම්ගේ ඉලංදාරියා බ්ලොග් අඩවියේත්, මගේ බ්ලොග් අඩවිය ඇතුලු බ්ලොග් අවකාෂයේ බොහෝ බ්ලොග් අඩවි වල දිලුම් වෙනුවෙන් ලියවුනු ලිපි සහ ඒවාට ලැබුනු "බය වෙන්න එපා මචං අපි ඉන්නවා උඹ එක්ක; අපි උඹව කොහොම හරි සනීප කර ගන්නවා මචං" ආදී කොමෙන්ටු ආදියත් නිසා යැයි කීම අතිශයෝක්තියක්ද?

. . . . . . . . . . . . . . . . . . . . . . . . . . . . . . . . . . . . . . . . . . . .

සයිබර් සිහින අවුරුදු උළෙල ඉතා සාර්ථක ලෙස නිමා වූ බව එයට සහභාගී වූ සියළු දෙනා සාක්ෂි දරන අතර ෆේස් බුක් හි පින්තූර දුටු සියලු දෙනා එය පසක් කර ගන්න ඇති බව මගේ විස්වාසයි. එය එසේ ඉතා සාර්තකව නිමා කරගන්න දයකත්වය සැපයූ සියලු දෙනාට මගේ ආචාරය ද මේ සමඟ පිරිනමන්න කැමතියි. එය පිලිගන්න.

. . . . . . . . . . . . . . . . . . . . . . . . . . . . . . . . . . . . . . . . . . . .

"උඹ කලේ හරිම කැත වැඩක්", "අපෝ මෙයාගේ වැඩ නෑ කටින් බතල කොල හිටවනවා විතරයි", ලැබුනු "බය වෙන්න එපා මචං අපි ඉන්නවා උඹ එක්ක; අපි උඹව කොහොම හරි සනීප කර ගන්නවා මචං" ආදී ලෙස ඉහත ලියූ එකිනෙකට නොගැලපෙන සියල්ල එකට එකතු කිරීම මෙතැන් සිට.

. . . . . . . . . . . . . . . . . . . . . . . . . . . . . . . . . . . . . . . . . . . .

අවුරුදු උළේලේ මා දුටු අප්‍රසන්නම සිදුවීම නම් කෑම පාර්සල් ඉතා විශාල ප්‍රමානයක් ඉතුරු වීමයි.

හේතුව සොයා බැලීමේදී දැනගන්නට ලබුනේ අවුරුදු උළෙලට කලින් බෙදාහැරි ෆෝරමය පුරවා අංකයක්ද ලබාගෙන අනිවාර්‍‍යෙන් සහභාගී වන බව සහතික කල 400ක් පමන ප්‍රමානයෙන් සැබැවින්ම පැමින සිටියේ 150ක් පමන ප්‍රමානයක් බවයි.

ගූගල් බස් එකක මා දුටුවේ ඒ වැඩිවූ කෑම පාර්සල් සහ වැඩිපුර ගෙන කේක් නොගෙන සිටියානම් ඉලංදාරියාගේ ගිනුමට තව රුපියල් 15,000ක් පමන බැර කිරීමේ හැකියාවත් තිබුනු බවයි.

එය ඇසූ මොහොතේ මගේ සිතට ඇතුලු වූ හැඟීම් සමුදාය මෙන්න:

1. තමන්ගේ බ්ලොග් වලින් අසාධාරණයට පලමුවෙන් විරුද්ධවන අය ලෙසට, මහා සත්‍යවාදියෝ ලෙසට, කියන දේ කරන කරන දේ කියන අය ලෙසට පොර ටෝක්ස් දෙන මේ බ්ලොගර්ස්ලා තමන් දුන් පොරොන්දුවක් ඉටුකිරීමට තරම් වත් සැලකිල්ලක් නැති අයද??

2. දේශපාලකයෝ පොරොන්දු කඩ කරන අවස්ථාවන් වලදී සරම කරට අරන් කෑ ගසන බොහෝ අයට තමන් දුන් පොරොන්දුවක් ඉෂ්ඨ කරන්න උවමනාවක් නැති කල එසේ අන් අයගේ වැරදි වලට කෑ ගසන්න සදාචාරාත්මක අයිතියක් ඇත්ද යනවග !

3. ඉලංදාරියාට "බය වෙන්න එපා මචං අපි ඉන්නවා උඹ එක්ක; අපි උඹව කොහොම හරි සනීප කර ගන්නවා මචං" යනුවෙන් මහා සද්භාවයෙන් කොමෙන්ටු දැමූ මේ අය "අපිට උගේ එකවුන්ට් එකට සල්ලි කීයක් වත් දාන්නත් බැරි උනු එකේ ටිකට් එකක් අරගෙන ඌට උදව්වක් කරන්න එක කෙසේ වෙතත් අපිට යන්න බැරි බව කලින් දන්වා සිටියා නම් අද කාලයේ හැටියට රුපියල් 300ක් පමන මිල වන කෑම පැකට් එකේ මුදල වත් ඌට ලැබෙයි නේද" කියා මොහොතකට වත් නොසිතුනේද??

4. බ්ලොග්කරුවෝ යනු සමාජයේ සාමාන්‍ය අයට වඩ නිර්මාණශීලීත්වයෙන් අනූන, මානුෂිකත්වයෙන් හෙබි, හෙට දවසේ නායකත්වය භාර ගැනීමට සුදුසු, කලාකාමී පිරිසක් බව මගේ හැඟීමයි. එවන් වූ පිරිසකගේ පොරොන්දුවක් ඉටු කිරීමේ ගති ලක්ෂන මෙය නම් කිසිම දෙයක් කෙරෙහි සංවේදී නැති, එලොවටත් නැති - මෙලොවටත් නැති, මෙලෝ රහක් නැති, උපන්නාට මේ ලොව වැනෙනවා විනා ලෙස ජීවත් වන සාමාන්‍ය පුද්ගලයෝ ගැන මොන කතාද?? හෙට දවසේ නායකයන් වන්නේ මොවුන් නම් අපේ හෙට දවස කොයි තරම් නම් අවිනිශ්චිත එකක් වේද?

මේ ලිපිය කියෙව්වාට පසු බොහෝ අය මාවත් මා මුලින් කිව් බැලැක් ලිස්ට් එකට දමා ගන්නවාට සැකයක් නැති බව මා දන්නා නමුත් කිව යුත්ත කෙලින් කියනවා විනා මොකටද මේ යාලුවෝ තරහා කරගන්නේ කියා නිහඬව සිටීමට මට නොහැකිය.

සර්ව සම්පූර්ණ මිනිසුන් මේ ලොව කොහේවත් නැත.

පොරොන්දු කඩ කරන්න එප යැයි පොර ටෝක්ස් දෙන මාද ඇතුලුව එසේ සර්ව සම්පූර්ණ මිනිසුන් නොවූ අප අතින් මේ පොරොන්දු කඩ කිරීම් ඕනෑ තරම් වෙන්න ට පුලුවන.

වුන දේ වුනාවේ - ගිය දේ ගියාවේ . .

මින් මතුවට වත් පොරොන්දුවක් දෙන්න ප්රථම තමන්ට එය ඉෂ්ඨ කරන්න හැකියාවක් ඇත්දැයි දෙවරක් සිතන්න පෙලඹේ නම් මා බැලැක් ලිස්ට් එකට වැටෙනවා වුනත් කම් නැත.

එසේ වේ නම් හෙට දවසේ අපිට සත්‍යගරුක මිනිසුන් ගැන - නායකයින් ගැන බලාපොරොත්තු තබා ගත හැකි වේවි නේද??

මොනවා වුනත් යලිත් අවසානයට - "සයිබර් අවුරුදු උත්සවයට අනිවාර්‍යෙන් සහභාගී වෙනවා යැයි සහතික කොට නොපැමිනි සහෝදර බ්ලොග් කරුවනි කාරියනි - ඔබලා කල වැඩේ කැතයි."

පින්තූරය : චමිල ඩි අල්විස් සොයුරාගේ පින්තූරයක් ගත්තේ විවේචන බ්ලොග් අඩවියෙන්
Related Posts with Thumbnails