හෆොයි . . . වහ කනවා මීට හොඳයි . . !

මෙහේ මිතුරන් කීදෙනෙකුත් බ්ලොග් සහ බස් වල දෙතුන් දෙනෙකුක් දන්නවා මේ දවස් ටිකේ මම ටෙන්ඩර් එකකට මුක පූට්ටු කරගෙන (කට තද කරගෙන) වැඩ කියලා . . .

ඔහොම මුක පූට්ටු වෙලා ඉන්න වෙලාවක එනවා මෙන්න කෝල් එකක් . . .

"මචං උඹ ඊයේ රෑ කෝල් කලා නේද . . . ආන්සර් කරන්න බැරි උනා බන් . . මොකෝ දැන් කරන්නේ"

"අනේ බන් මම මේ XXX ටෙන්ඩර් එකකට හිර වෙලා ඉන්නේ බන් . . "

"උඹ මොකද්ද කිව්වේ . . ඇහුනේ නෑ බන් . .මම මේ ස්පීකර් ෆෝර්න් දාලා තියෙන්නේ"

"මොකක් . . . XXXත් ඔතනද"

"ඔව් ඔව් මොකද්ද උඹ කිව්වේ"

"යකෝ ෆෝර්න් එතික්ස් දන්නේ නැද්ද? ස්පීකර් ෆෝන් දානවනම් කතා කරපු ගමන් කියන්න ඕන මම මේ ස්පීකර් ෆෝර්න් දාලා තියෙන්නේ කියලා . . බලපන් මම කිව්ව කුනුහරුප ඇහුනද මන්දා"

හෙන චාටරේ . . . හෆොයි . .

දුරකතන ඇමතුමකදී තමන් කතා කරන කෙනා හරියටම අඳුනගෙන ඉන්න ඒ පුද්ගලයා ඉන්න තත්වය තේරුම් අරන් කතා කරන්න කියලා අපේ ජීවිතේ මල් ලියන දිල්ෂාරා නගා කනට ගහල වගේ කියලා දෙන පෝස්ට් එකක් කියවලා මාසය්ක් ගියේ නෑ . . .

එම ගොං කම ම ආයේ කලානේ . . ශිශ්

සාමාන්‍යයෙන් අපි මිතුරන් සමඟ කතා බහ කරනකොට කිසිම පූර්ව කොන්දේසියක් නොදානේ කතාබහ කරන්නේ . . .


ඕනේම දෙයක් කියන්න . . ඕනෑම විහිලුවක් කරන්න පුලුවන් මිතුරෝ එක්ක විතරයිනේ . . .

ඒකනේ එයාලට මිතුරෝ කියන්නේ . ..

ඒත් මිතුරන්ගේ භාශාවේ සමහර වචන වල තේරුම් අහන් ඉන්න අය වරදවා හිතන්න තියෙන සම්භාවිතාවය හොඳටම වැඩී . . . .

නිකමට හිතපු අපි අපි කවුරු හරි දන්න කෙනෙක් ගැන කතා කරනවා . . .

ඌ ඒ කෙනා ගැන මට කියන්නේ මෙහෙමනේ . .

"අන්න උබේ කෑල්ල උඹ ගැන ඇහුවා"

"අන්න අරයා මෙහේ අවිත්"

ඕකේ අරයා සහ මෙයා අතර නියම සම්බන්ධතාවය බොහෝ විට මෙයා කැමති බව අරයා දන්නේ නැතුව වගේ දෙයක් වෙන්න ත් පුලුවන් . . .

එහෙම නැති නම් අරය වත් මෙයාවත් දෙන්නගෙම තුං හිතක වත් නෑ වෙන්න පුලුවන් . . .

ඒත් විහිලු කරන මිතුරාට ඒවා අදාල නෑනේ . . ඌට ඕන විහිලුවක් කරන්න විතරයිනේ . .

ඒ නිසා මින් පස්සේ ස්පීකර් ෆෝර්න් දාගෙන කාට හරි කතා කරනවනම් මචං මම ස්පීකර් ෆෝර්න් දාලා තියෙන්නේ කියලා කියන්න අමතක නොකර . . නැති නම් ඉතිං යාලුවෙක් නොමනා විහිලුවක් කලොත් සොරිම තමයි . . .

මම මේ තැන නොතැන නොබලා කතා කරලා හොඳටම පරිප්පු කාපු එකෙක් වෙලත් . .

හෆොයි . . ආයෙත් මම ම ඔන්න මටම ටොක්කක් ඇන ගත්තා . .

අහ් මෙහෙම තැන නොතැන බලලා කතා කියන එක ගැන කිව්වාම මතක් උනේ තැන නොතැන බලලා සිංදු කියන්න ගිහින් මම නෑව නෑමක් . . .


ඉස්සර අපි කටාර් ඉන්න කාලේ දවසක් කස්ටියම ගියා ෂොපින් .. . ලුලූ හයිපර් මාර්කට් එකට . . .

බඩු අරන් අතින් කටින් බෑග් උස්සන් එන කාර් එකට එන අතරේ අපේ පිගී හෙවත් තුෂාරට මතක් වෙලා ඉස්සර රේඩියෝ එකේ තැටිය එක තැන කැරකෙන සීන් එකක් . . .

"මචංලා උඹලා අහලා තියෙනවද අර පරන සිංදුව . . අනේ පිඬු සිටානෝ . . අනේ  . . අනේ . . අනේ  . . අනේ . . "

"ඒක නෙමෙයි බන් ලස්සන සින්දුව . . . බුදු තාත්තේ බොන්න . . . බොන්න් බොන්න බොන්න . . ..  " චමල් පිගීගේ සිංදුව බලෙන් නවත්වල කියන්න ගත්තා . . .

"අයියෝ ඔව්වත් සිංදුද බන් . . . අහපල්ලා මේ සින්දුව" ගිය ආත්මේ ඝන්ටාර පූජා කොරපු නිසා මේ ආත්මේ ලැබුනු ටකරමට බොරළු ගහන සද්දෙන් මම පටන් ගත්තා . .

"මලකිම් බේරෙන පැනි බින්දූ . . . "

සිංදුව නවත්තනකොටම නිකමට පැත්ත බලන කොට මෙන්න ලංකාවේ පවුලක් . . .

ගෑනු මනුස්සයා බිම බලාගෙන යනවා . .

පිරිමි කෙනා මගේ මූනට එබිලා දත් තිස් හතරම පෙන්නලා "හි හී" කියලා කැ . . .. ත හිනාවක් දාලා ගියා . .   

Pic from: http://www.nowpublic.com/