දුකා බ්ලොග් එකට අදට අවුරුදු දෙකක් . . . !

බුදු අම්මෝ . . . මෙන්න බොලේ මගේ බ්ලොග් එකට අදට අවුරුදු දෙකක් වෙලා . . .

සෝඩා බෝතලේ කැඩුවා වගේ වැඩ කරන මගේ ඉතිහාසයේ මේ තරම් උනන්දුවෙන්, පිලිවෙලකට, එක දිගට වැඩක් කලාමද කොහේද.

හරි ඕන් ඉතිං ස්තූති කතාව.

මේ අවුරුදු දෙකේ බ්ලොග් ගමනේ ස්තූති කල යුතු අය ගැන කියනවනම් සුපුරුදු පරිදි මුලින්ම බයිස්කෝප් අඩවියේ නිර්මාතෘ පොතේගුරා හෙවත් ඉසිර මළයා තමයි ඉදිරියෙන්ම ඉන්නේ. ඔහුගේ ඉල්ලීම සහ උදව් නොවෙන්න මෙහෙම බ්ලොග් එකක් නිර්මාණය නොවෙන්නත් තිබ්බා.

ඉන් පස්සේ මගේ ගෙදර උන්දැ, මගේ පුද්ගලික මිතුරන් කැල, කාලයක් ඇසුරු කරලා සමීප වුනු පුද්ගලික මිතුරන් තරම්ම සමීප වුනු බ්ලොග් අවකාශේ නිසා අඳුන ගත්තු මිතුරන් කැල . . . . මේ අය නිසා නොවේ නම් මගේ මේ බ්ලොග් ලියන එක නතර වෙලා බොහොමයක් කල් කියන එක නම් අනිවා ඩෙෆා කියන්න ඕන.

පුද්ගලික යාලුවෝ ජනක මල්ලියි මනෝජ් මල්ලියි, දමිත්, ගයාත්‍රි, ළලන්ත චමල්, චමීරා, සුදත් (මැටි පූස්), චන්දිමාල් ආදී කී නොකී යාලුවෝ හැමෝමත් උදව් කරපු බව කියන්න ඕන මේ බ්ලොග් කෙරුවාවට.

මේ වෙනකොට ලිපි 171ක් ලියලා මේ ලියන්නේ 172 වෙනි ලිපිය. හිට්ස් එක ලක්ශ පනස් දාහක් පැනලා . . කොමෙන්ට්ස් අම්මේ එව්ව නම් මතක් වෙද්දිත් ජොලි . . ..

මගේ ලිපි අතුරින් කරදරකාර නංගී, ආදරණීය අක්කලා, අපේ ගෙදර උන්දෑගේ උපන්දිනේට හදපු කොපිකැට් සිංදුව, විරුල් නම් සොඳුරු ත්‍රස්තවාදියා, වික්ටර්, බනක් ගිය දුරක්, Facebook අප්පිරියාව, මාව ගින්නට අහුවුනු හැටි, බඩගැස්තරයා, ගාමන්ට් කෑලි, ආදී පෝස්ට් බොහෝ දෙනෙක් කැමැත්තෙන් කියවපු ලිපි කියලා මම හිතනවා.

ස්තූති කල යුතු අය ගැන හිතුවොත් තව දුරටත් කාලිංග ඇතුලු සිංහල බ්ලොග් කරුවන්ගේ සංසදයේ කට්ටිය, වැප් ඇතුලු ලාංකික සිතුවිලි අඩවියේ කට්ටිය, කොත්තු අඩවියේ අය, ෆේස්බුක් එකේ මිතුරු කැල, හැමදා කමෙන්ට්ස් මඟින් මාව දිරිමත් කරන මේ බ්ලොග් එක කියවන ඔබ සැම මේ සියළු දෙනා නම් වශයෙන් ලියන්න ගියොත් මේ ලිපිය දිගම දිග ලිපියක් වෙනවා .

ඒත් සඳහන් නොකරම බැරි බැරි බ්ලොග් එකට සම්බන්ද විශේෂ සෙදුවීම් සිහි කිරීමක් නම් කරන්නම වෙනවා.

1. විශේෂම සිදුවීම නම් හදිසියේ අප අතරින් සමුගත් ඉලංදාරියා ගේ ශල්‍යකර්මය වෙනුවෙන් කැපවෙලා යමක් කරන්න උත්සාහ කිරීම. මුලින්ම අභීතයි අසේලයි මුනගැහුනෙත් ඉලංදාරියා මුනගැහෙන්න ආසිරි රෝහලට ගිය වෙලාවේ තමයි. ඉලංදාරියාගේ හොඳම මිතුරෙක් වන අසංකත් මුන ගැහුනේ එදා.

2. බ්ලොග් වලට සම්බන්ද අය මුනගැසීම් සිහිකරන කොට මුල්ම හමුවීම විදිහට මතකයේ තියෙන්නේ ඩුබායි - බාඩුබායි වල පැනොරාමා හෝටලයේදී අක්කන්ඩිවයි ඩෝසාවයි මුනගැසීම.

3. ඊලඟට සචී - හශිතලගේ නිවසේ ලිෂාන්, චමිල, ලසිත, රචින්ත, සඳුන්, තරංග, අක්කන්ඩී යන අය සමඟ එකතුවී පැවැත්වූ සාදය. ඒක නම් සුන්දරම රාත්‍රියක්.

4. තව විශේෂ දෙයක් තමයි දුමී, තිස්ස, ඩීන්, වරුණ, හර්ෂනී ආදී ඩුබායි අබුඩාබි ජීවත් වන බ්ලොග් සහෘදයෝ අඳුන ගන්න ලැබීම. මේ අතරින් දුමී ජෝර්ජ් අයියා, දර්ශන, රජීව්, ආනන්දලාල් සහ තව විශාල මිතුරු කැලක් සමඟින් ඇතිකරගෙන තිබූ "අපේ කට්ටිය" ගෲප් එකට මාවත් එකතු කර ගැනීම සහ ඔවුන්ගේ පැදුරු පාර්ටි වලට, ට්‍රිප් වලට අපටත් ආරාධනා කිරීම.

පිටරටක ගෙවන ඒකාකාරී ජීවිතයේ එකාකාරී බව නැති කරලා හරිම සතුටින් කාලය ගත කරන්න ඒ සොඳුරු මිතුරු හමුවීම්, සාද, සතුටු සවාරි පිටුවහල් උනු බව සිහි කරන්නේ දුමී ඇතුලු සියලු දෙනාට කෘතවදී වෙමින්.

5. ඉලංදාරියාගේ වැඩේට අරමුදල් එකතු කරන හැටි ගැන කතා බහ කරන්න විහාර මහා දේවී උද්‍යානයට බ්ලොග් සහෘදයක් එකතු වුනු වෙලාවෙත් බොහෝ දෙනෙක් අඳුන ගන්න ලැබුනා.

වැප්, තිලිණ, රන්දීර, හම්තුම්, චේතන, හසී පවුලේ හසී නඟා, හසී මළයා, අහිංසකී, ජනිත්, ජේඩී, ඕනයා, නලින් ආදී අය සහ නම් වලින් මතක් කර ගන්න අමාරු තව බොහෝ පිරිසක් මුනගැහුනා. කවි ලියන ධනුශ්කා නිශාදිත් දොන් ජුවන් පිටකොටුවත් එදාම මුනගහුනේ අහම්බෙන්.

6. ගිය නිවාඩුවේදී ගිය බදුලු ට්‍රිප් එක තමයි ට්‍රිප් එක. හප්පා තාමත් මතක් වෙද්දිත් හිනා යනවා. මරණේ, ෆා, කුශාන්, ජේ.ඩී, සෝරෝ, ප්‍රියන්ත, නුවන්, රවා, වාසල, පසන් මේ අය එක්ක ගිය ඒ ට්‍රිප් එක කවදාවත් අමතක නොවන ට්‍රිප් එකක්

7. පලමු නිවාඩුවේදී ප්‍රදීප් කාවින්ද එක්ක එක්ක අම්බුලුවාවේ ගිය එක වගේම, ලිෂාන්ලගේ ගෙදර කෑමකට යන ගමන් අතර මඟදී හසිත් ප්‍රසංග මළයා මුනගැහුනු හැටිත් අනුරාධපුරේ රැකියාවක් ලැබිලා ගිය මගේ ඩුබායි යාලුවෙක් වුනු තුෂාර බලන්න යන ගමන් උදාර මළයලගේ ගෙදර ගිහින් හායි හූයි කිය කිය කාපු කෑමත් තාම මතකයි.

8. බ්ලොග් එක නිසා අඳුන ගත්තු චින්තක අයියා විසින් බ්ලොග් සහෘදයන් වූ ඉන්ද්‍රනාථ අයියා ඇතුලු එරංග, චිරන්ත, දුමින්ද අයියා වගේ පිරිසක් අඳුන්නල දෙන්න සංවිධානය කල තුඩුගල ඇල්ල ලඟ පැදුරු පාර්ටියත් අපූරු සංධ්‍යාවක්.

9. "කොලොම්බෝ කොලොම්බෝ" නාට්‍ය බලන්න කට්ටිය (පැතුම්, දිල්ෂාරා, අනුරාධ, නුවන්, වාසල, ජේඩී, චමිල, රචින්ත ) එල්පින්ස්ටන් එකට සෙට් වුනු නිසා කාලයක් තිස්සේ බලන්න ආසාවෙන් හීන මව මව හිටපු නාට්‍යක් බලන්න පුලුවන් වුනා.

10. මගේ නහයේ ඔපරේෂන් එක කරලා ගෙදර ඉන්න දවස්වල දීපානි, රචින්ත, චමිල, ලිෂ් අපේ ගෙදර ඇවිත් පිස්සු නටපු හැටි වගේම මහා වැස්සේ මාව බලන්න රන්දික මළයා ආ හැටිත් මතක් කරන්න ඕන.

11. අභීත මුල්වෙලා සංවිධානය කරපු සයිබර් අවුරුදු උළෙලත් බ්ලොග් සහෘදයන්ගේ අපූරු හමුවක්.

මාරයා, ඔබ්සවර් අයියා, කනිෂ්ක, අනුෂ්ක, දර්ෂන, චතුරංග, ගයාන් තාරක, ගයාන් කල්හාර, ගයාන් කණිෂ්ක, පහන්, පූසා, ෂානිකා, ගීත්, රන්දිකා, ස්වප්නා, තනෝජා, ගෙහාන්, පාසැල්, කොට ජීවිතේ, ප්‍රභාත් දර්ෂන, චතුරංග බන්ඩාර, රත්ගමයා, සංජු, නෙරංජි, උෂාන්, බුද්ධි, ගීතික, ඩනිශ්ක, ප්‍රසන්න, කවින්ද්‍යා, මනුර, ඉන්දරේ, සුපුන් සුදාරක, ශාමින්ද, යොහාන් කනිශ්ක ආදී අන්වර්ථ නම් වලින් දැන සිටි බ්ලොග් කරුවන් විශාල පිරිසක් එහිදී හැබෑවටම දැක බලා ගන්න ලැබුනා.

12. ස්කයිප් එකෙන් බොහෝ වෙලා කතාකල අරුණි අක්කා,මනෝ විද්‍යා ලිපි ලියපු මගේ ප්‍රියතම කතුවරයෙක් වූ සුමනදාස සමරසිංහ මතාගේ දියණියක් බව දැන ගත්තේ සයිබර් අවුරුදු උළලේදේ අරුණි අක්කගේ නැගෙනියගෙන්.

13. හදපතුල ලියන චතුර විජේකොන් අහම්බෙන් බස් එකේදී දැකලා කතාබහ කිරීමත්, අභීත එක්ක ආනමඩුවේ එකෝ ෆ්‍රෙන්ඩ්ලි හෝටලයක් බලන්න යන ගමන් කාලයක් තිස්සේ මුනගැහෙන්න හිතාගෙන හිටි අසංකෙයිය කව ලියන අසංක මල්ලිව බලන්න යෑමත් තවත් බ්ලොග් සහෘද හමුවීම්.

14. හශිත මධුසංක මළයා නිවාඩු එන හැමපාරම එයාපොර්ස්ට් එකේ ඉඳ ගෙදර අරන් යන එකයි ආපහු එයාර්පොර්ට් යන එකයි භාර ගන්න ආසාවෙන් හිටියත් කරදර කරන්න පවුනේ කියලා ඉන්න හිංදා තාම ඌව දකින්න බැරි උනා.

15. බ්ලොග් එකට සම්බ්නධ ඩුබායි අබුඩාබි සිදුවීම් මතක් කරනවනම් දුමීගේ මූලිකත්වයෙන් අපේ ගෙදර තිබූ පැදුරු පාර්ටිය අමතක කරන්න ම බෑ.

තව දුරටත් තිස්ස සමඟ සහභාගී වුනු ඩීන්ලගේ ගෙදර රාත්‍රී සාදය සඳහාත් දුමී ආරාදනා කල ඔහුව මුලින්ම මුනගැසුනු අසෝක අයියලගේ ගෙදර පැදුරු පාර්ටියත්, දුමී ජෝර්ජ් අයියා, රජීව්, ජනක ඇතුලු පිරිස සමඟ කෝර්ෆකාන් වල කෑම්පින්ග් සවාරියත්, දුමී වෙනුවෙන් ඔහුගේ ගෙදර පවත්වපු සප්‍රයිස් පාර්ටියත් අමතක නොවන සිදුවීම්. මේ අමතරව දුමීලගේ ගෙදර පාර්ටි නම් බොහොමයක් තියෙනවා බ්‍රහස්පතින්දා හවස එහි ගොස් සෙනසුරාදා හවස ආපහු අබුඩාබි අපේ ගෙදර ආපු.

16. බ්ලොග් එක නිසා අඳුන ගත්තු මිතුරෝ සහ මගේ බ්ලොග් එක නිසා බ්ලොග් ලියන්න පටන් ගත් ඩුබායි-අබුඩාබි මිතුරෝ කීප දෙනෙක්මත් මතක් කල යුතුයි.

මුලින් හසිත රොෂාන් අඳුනගෙන ඔහුගෙන් රුචක, රොජර් අඳුන ගෙන අද අපි ඉන්නේ එක පවුලේ අය වගේ. දැනට මම පදිංචි තැන දුන්නු බුද්ධිත් මුනගැහුනේ මේ සහෝදරයෝ තුන්දෙනා නිසා තමයි.

මනෝජ් මල්ලීගේ කතරක සිතුවිලි, සංජීවගේ නිම්තෙර ලඟ හිඳ සහ මුතු අහුරක්, තුෂාරි නංගීගේ ඉසිඹුව , ලක්ෂ්මන්ගේ බ්ලොග් අඩවිය, සමීර මලයගේ අඩවියත් ඒවායින් කීපයක්. සපතේරු උන්නැහේ ඩුබායි ඉන්නවා කිව්වට කොහේද කියලා නම් දන්නේ නෑ. ලකීත් බ්ලොග් කියවනවා විතරයි ලියන්නේ නෑ කිව්ව නිසා මූනු පොතේ කවි ලියන්න වළාකුලු අතර හිඳ එකට එකතු කලා.

බ්ලොග් එක නිසා අඳුන ගත්තු රවී මල්ලී නෙමෙයි නම් මේ දවස්වල ගෙදර ඉඳන් බ්ලොග් ලියනවා බොරු. මොකද මම ඩුබායි බුද්ධිගේ ගෙදරට ආවට පස්සේ ගත්තු නෙට් කනෙක්ෂන් එකට කාර්ඩ්ස් දානවා දානවා ඉවරයක් නෑ. එපාවෙලා වෙන කනෙක්ෂන් එකක් ගන්න ඉන්නකොට රවී තමයි අපේ ගෙදර වරෙන් බන් මට කොම්පැනියෙන් දුන්නු පාවිච්චි නොකරන නෙට් කනෙක්ෂන් එකක් තියෙනවා කියලා ඒක දුන්නේ. ඌට පිං ඕන් ඈ.

17. මගේ කසින් කෙනෙක් එක්ක යාලුවෙලා ඉඳලා නැන්දට අපේ ඒ නංගී කොල්ලා එක්ක කතාකර කර ඉන්නවා අහුවෙලා මහාපාරේ බිම දාගෙන කොල්ලට හෙල්මට් එකකින් ගැහුවා කියලා ඒ කාලේ අපි නැන්දට හොඳටම බැන්නා ඇයි එහෙම කලේ කියලා.

පස්සේ මේ ලඟදී තමයි අහම්බෙන් වගේ දැන ගන්න ලැබුනේ ඒ කොල්ලා වෙන කවුරුවත් නෙමෙයි අපේ ඕනයා කියලා. හොඳ වෙලාවට ඌව මස්සිනා කර ගන්න තිබ්බ චාන්ස් එක නැන්දා නැති කරලා දැම්මා . . (ඒ කාලේ අපරාදේ නැන්දට බැන්නේ)

බ්ලොග් එක පටන් ගත්තට පස්සේ කීප සැරයක් ලංකාවට ගියත් මුනගැහෙන්න ආසාවෙන් ඉන්න නමුත් තාම මුනගැහෙන්න බැරි වුනු අය සෑහෙන දෙනෙක් ඉන්නවා.

මලී-හරේෂ්, නලින්-විශ්මි, අසංකා, ක්‍රිෂාන්-යසසි , අරවින්දචන්ද්‍රපෙරුම, අරවින්ද පෙරේරා, සමර විජයසිංහ, ධනික, ගයන්ත, මලින්ත, ඩීප්ස්, දිල්, ලක්මිණි(පිනිබිඳු), කාලිංග, කමලිකා, නිෂාන්ත-බිඟුවා, නුවන් අබේසිංහ, නවම්, උපාසක සහ පූසෝ කට්ටිය, රන්දිත, රසික(රනා), චාමි, ටැබූ, සුජීව කොකාවෙල, රවි නිරෝෂන්, , සන්සරසිඳු, සසික, සසීන්ද්‍ර, තාරක සමරනායක, ප්‍රභාත් දර්ශන, ඩිලන්ත, චරිත් දිසානායක, බුදාජීව, උශාන් කෝදාගොඩ, ඩිල්ෂාන්, සවීර, සූ, ලිහිණි, සුසන්ත, තරිඳු, උමේෂ්, යුරාජ්, එකේ වාට්ටුව ලියන ඉන්දික, හා පැටික්කී, වත්සලා, උන්නැහේ, මධුරංග, සඳරූ . . . මේ අය ත් ඉතිං කවදා හරි මුනගැහෙන්නේ නැතෙයි නේද?

අලුතෙන් කියවන්න ගත්තු ඩොක්ටර් නලිනිත් ඉන්නේ ඒ ලිස්ට් එකේ .

. . . .. . .. . .

මුන ගැහෙන්න ලොකුවට ඕන කම තිබ්බත් මුන ගැහෙන්න නම් ලෝකේ වටේ යන්න වෙන නිසා තව මුන නොගැහුනු කට්ටියකුත් ඉන්නවා.

මේ ඒ කීප දෙනෙක්:

අරුණි අක්කා, කතන්දර, රංගි බුරු, අංජා, රොකියා, මකරා(චානක), නෙලුම් විලේ බින්දි, බුරාතිනෝ, තරංගා මනෝරි, සමීර, බන්දුල රුවන්පුර, නිහාල් ගුරුසිංහ, පාලිත ඉද්දමල්ගොඩ, චමින්දි විජේරත්න, චාන්දි අක්කා, දිමුතු, දිනේෂ්, ඉන්දික උපශාන්ත, චේජනා, ඉෂාර, කාංචන, ජීව්, කුෂාන් ජයලත්, ළහිරු නුවන්, ඔලන්ග් අයියා, ප්‍රාර්ථන, රොයිලි, සුභාගෙ හේරත්, තරංග කොල්ලුරේ, වරුන ලක්මාල්, පොඩි කුමාරිහාමි, දිනිති දීපිකා, සුදේශ්, නෙලාන්, චමිල කරුණාතිලක, චමින්ද විජේසේකර, අමිල ප්‍රසාද, ඉන්දික්, හෙළයා බන්ඩාර . . . .

පටන් ගනිද්දී නම් වලට අදාල බ්ලොග් අඩවි වල සබැඳියාව දැම්මත් ලිපියට සෑහෙන්න වෙලා ගිය නිසාත් දිග නම් ලිස්ට් නිසාත් ලින්ක්ස් දැම්මේ නෑ ඕන්. අනික සමහර නම් ගම් අමතක වෙලා හෝ බැරි වීමකින් ලියවුනේ නෑ වෙන්නත් ඇති. අනේ එහෙම උනායි කියලා තරහ වෙන්න නම් එපා ඕන් ඈ . . . ඒකට කරන්න දෙයක් කියන්නම් . මේ වැඩේ පහුගිය ටිකේ අසේල, මාරයා, වගේ බ්ලොග් පතාකයෝ අනුගමනය කරපු වැඩක්. කමෙන්ට් කරන්න කැමති කෙනෙක් ට පුලුවන් තමගේ බ්ලොග් අඩවියේ සබැඳියාව (ලින්ක් එක ) පහලින් සඳහන් කරන්න.

තමන්ගේ ලිපියක ලින්ක් එකක් කොමෙන්ටුවක ලින්ක් එකක් විදිහට දාන්න ක්‍රමේ මට අපේ දුමී දවසක් කියලා දුන්නා.

ඒ ක්‍රමේ දුමී එවපු විදිහටම මෙතන දාන්නම්.

මෙකේ මම සිංහලෙන් ලියන අකුරු ඔයාලා මේ ගැජට් එක කොපි කරලා කොමෙන්ටුවක දාද්දී ඉංග්‍රීසියෙන් දාන්න අමතක නොකර.

<ඒ href="උඹේ ලින්ක් එක"> ලින්ක් එක දාන්න ඕනෙ වචනය හරි ඡේදය හරි (කරුණාකර දුමීගේ කොමෙන්ටුව බලන්න. එකේ හරි විදිහට ඇත )

එහෙනම් සියලු දෙනාට බොහෝම ස්තූතියි මාත් එක්ක මේ අවුරුදු දෙක තුල රැඳී සිටියාට . . .

අපි ඉදිරියටත් බ්ලොග් එකේ ලිපි හරහාත් ඇහැක් උනොත් හැබෑවටමත් හමුවෙන්න බලාපොරොත්තුවෙන් සියළු දෙනාට ජය වේවා කියා පතමින් මේ ලිපිය නතර කරන්නම් . . . !